| e-texts navigator |
| བོད་ཡིག |
16b1 du ma byed pa po dag yod la de dag gsod par byed pa po ni ro ldan na gnas pa ste/ nags kyi ri dgas kyi bdag po zhes pa bzhin du ro ldan na gnas pa gnod sbyin chen po rnams kyi bdag po'o/ /nang du ni ro zhes
16b2 pa dbugs 'byung ba dang 'jug pa sum stong drug brgyas dman pa'i nyi khri gcig stong drug brgya rnams 'gog pa'o/ /de 'di la yod pa ni chos kyi sprin gyi sa ste de la gnas pa ni ro ldan na gnas pa'o/ /bdud dang nyon
16b3 mongs pa dang shes bya dang snyoms 'jug gi sgrib pa'i gnod sbyin rnams gsod par byed pa ni gnod sbyin gyi bdag po ste/ de bzhin gshegs pas chos kyi seng ge'i sgra dang sems can so so'i sgra dag gis bstan pa'i chos rnams
16b4 rab tu ston par byed pa po sprul pa'i sku phyag na rdo rje zla ba bzang pos gsol ba btab par gyur pa de yis so/ /mchog gi dang po'i sangs rgyas zhes pa ni brjod bya mchog gi dang po'i sangs rgyas rjod par byed pa'i phyir te brjod bya
16b5 'di rjod par byed pa'i ngo bo nyid kyis gnas pa'i phyir mchog gi dang po'i sangs rgyas so/ /dus kyi 'khor lo ni brjod bya dus kyi 'khor lo rjod par byed pa'i phyir dus kyi 'khor lo'i rjod byed do/ /stong phrag bcu gnyis pa zhes pa
16b6 ni stong phrag brgyad bcu rtsa bzhi lhag pa'i 'bum phrag gsum gyi yi ge'i tshogs te yi ge sum bcu rtsa gnyis pa rjes su bsngags pa stong phrag bcu gnyis yod pa ni stong phrag bcu gnyis pa'o/ /rigs med pa zhes pa ni
16b7 brjod bya rigs med pa rjod par byed pa'i phyir ro/ /'dir rigs ni shes rab kyi phyogs dang thabs kyi phyogs te phyogs spangs pa gang gi phyir rigs de med pa'i rgyud de ni rigs med pa shes rab dang thabs kyi bdag nyid
16b8 can rnal 'byor gyi rgyud ces rgyal bas gnyis su med par gsungaso/ /brjod par bya ba thabs dang shes rab kyi bdag nyid can gyi rgyud kyi rgyal po 'di la/ thabs dang shes rab kyi phyogs tha dad na thabs dang shes
16b9 bu'i rigs la sogs pa'o/ /phyi rol du me'i gnas mngal nas skyes pa khu ba nas byung ba ni nang du khu ba nyid do/ /ma brjod pa nyid las phyi rol du nam mkha'i khams ro'i ngo bo gzugs brdzus te skyes pa rnams ni
16b10 nang du phra mo'i gzugs srog chags phra mo rnams te 'byung po'i skye gnas rnam pa bzhi'o/ /dga' ba la sogs mthe bong tshigs rnams zhes pa ni 'dir phyi rol du tshes gcig la sogs pa tshes lnga lnga ni dga' ba la
16b11 sogs par brjod de de dag kyang dkar po dang nag po'i phyogs kyi dbye bas mthe'u chung dang mthe bo la sogs pa tshigs gsum gsum gyi rang bzhin gyis so/ /nam mkha' la sogs pa'i khams kyi dbye bas lag pa g.yon
16b12 pa'i sor mo'i tshigs rnams dga' ba la sogs par 'gyur ro/ /lag pa g.yas pa'i sor mo'i tshigs rnams sa la sogs pa'i dbye bas te rgan po'i mthe bo'i tshigs la sogs pa'i dbye bas bcwa lnga'o/ /
16b13 de bzhin du rkang pa'i sor mo'i tshigs rnams zla ba gnyis pa'i tshes kyi dbye bas shes par bya'o/ /de ltar na dus so so'i dbye bas lo la yongs su 'khor ba drug tu 'gyur te dus drug gis so zhes pa ni dga' ba la sogs
16b14 mthe bong tshigs rnams zhes pa'i nges pa'o/ /spyi bo'i pad ma lte ba'i pad ma dag kyang nus pa'o zhes pa ni sngar brjod pa'i cho gas lhan cig skyes pa'i skur 'gyur ro zhes pa ste nus pa'i nges pa'o/ /da ni tshangs pa'i yul
16b15 sa zhes pa la sogs pas mtho ris la sogs pa gsungs te 'dir lus la tshangs pa'i yul sa gtsug tor nas mgrin pa'i mthar thug pa ni mtho ris kyi 'jig rten du 'gyur te/ lag mchog dag ni mi yul gyi
16b16 'jig rten du 'gyur ro/ /rkang pa dag ni sa 'og gi 'jig rten du 'gyur ro/ /chu gter rnams dang gling rnams ni chu gter gling ste ri bo rnams kyang bdun rnams grangs bzhin du lus la rgya mtsho bdun po ni
16b17 mo ste 'di rnams thams cad phyag na gri gug dang thod pa can gcer bu phyag rgya lngas brgyan pa mgo'i phreng ba 'phyang ba'o/ /de bzhin du ba spu dang skra rnam par dag pas phyed dang bcas pa bye ba phrag gsum gyi 'byung po'i skye gnas g.yo ba'i
16b18 mthar zhes pa rlung gi dkyil 'khor gyi mthar te lpags pa'i mthar ba spu rnams so/ /zhes bsngags pas phyi rol du spro bar bya ste de ltar zla ba dgu'i mthar lus dang lha'i tshogs rdzogs pa'o/ /da ni yi dags dmar dang zhes pa la sogs pas tsA
16b19 muN DA la sogs pa rnams kyi pad mar gdan rnams gsungs te 'dir shar gyi pad ma'i lte ba la tsA muN DA'i gdan yi dags chen po dmar po'o/ /lte ba dang 'dab ma brgyad tsA muN DA la sogs pa'i lha mo rnams so/ /de bzhin du khyab 'jug ma'i
16b20 mkha' lding dang phag mo'i ma he dang gzhon nu ma'i rma bya dang dbang mo'i glang po dang tshangs ma'i ngang pa dang drag mo'i khyu mchog dang dpal chen mo'i seng ge ni rim pas gdan te phyogs dang phyogs bral gyi pad ma rnams su'o/ /lha min la sogs rnams
16b21 kyi de bzhin zhes gsungs pa'i phyir bden bral gyi pad mar gdan ni yi dags dmar po'o/ /khyab 'jug gi mkha' lding dang gshin rje'i ma he dang gzhon nu'i rma bya dang dbang po'i glang po dang tshangs pa'i ngang pa dang drag po'i khyu mchog go zhes pa
16b22 ni bden bral la sogs pa rnams kyi nges pa'o/ /de bzhin du nor bdag rtse mo can dang chu gter rlung dang tshogs kyi ni zhes pa lnga po rnams kyi grangs bzhin du ste nor bdag gi glang po che dang me'i lug dang rgya mtsho'i chu srin dang rlung gi ri dgas
16b23 dang tshogs kyi bdag po'i byi ba'o/ /de bzhin du bya rog gdong ma'i 'khor lo'i 'og tu b+he ruN Da dang bya rgod gdong ma'i khrung khrung dang mkha' lding gdong ma'i mig sngon dang 'ug gdong ma'i bya ma byi ste zur du'o/ /de bzhin du phyogs rnams
16b24 su khyi gdong ma'i 'khor lo'i 'og tu bse dang phag gdong ma'i dom dang lce spyang gdong ma'i seng ge dang stag gdong ma'i 'bri'o zhes pa khyi gdong ma la sogs pa yi ste phyogs rnams su'o/ /rdo rje'i mig ma'i rkang pa brgyad pa sa 'og shing rta
16b25 cad sangs rgyas 'bras/ /thob slad 'grel bas bdag gis dgrol/ /'dir sngar brjod pa'i rnam pas nyi ma'i shing rtas gsol ba btab pa bcom ldan 'das 'jam dpal gyi sprul pa'i sku mi'i dbang po grags pas dkyil 'khor bri
16b26 b a'i slad du mchog gi dang po'i sangs rgyas las bcom ldan 'das kyis rab tu gsungs pa bsrung ba'i 'khor lo la sogs pa rnams tshigs su bcad pa nyi shu rtsa gsum pa la sogs pas rab tu bsdus te dpal ldan rdo rje rnams kyis phyogs
16b27 kun du zhes la sogs pas rgyud las gang gsungs pa de thams cad mdor bsdus chen pos bdag gis dgrol bar bya'o/ /dpal ldan rdo rje zhes pa la sogs pa la 'dir dang por re shig rdo rje slob dpon gyis rang gi lus dang gnas srung ba
16b28 bsam par bya ste phyi nas slob ma la sogs pa bsdu ba dang sa yongs su gzung ba yang bya'o/ /de'i phyir dang por sngags pas dkyil 'khor gyi don du brtags pa'i sar song nas dbus su 'jam pa'i stan la shar du mngon par phyogs par
16b29 gyur pas nye bar 'dug nas dpal ldan rdo rje rnams yan lag la dgod par bya ste dpral bar zla ba'i dkyil 'khor dkar po la oM yig dgod do/ /mgrin par nyi ma'i dkyil 'khor dmar po la AHyig dgod do/ /snying khar sgra
16b30 gcan gyi dkyil 'khor nag po la hU~M yig dgod do/ /lte bar dus kyi me'i dkyil 'khor kha dog ser po la hoHyig dgod do/ /gtsug tor dang gsang bar grangs bzhin du nam mkha' dang ye shes kyi dkyil 'khor ljang khu dang sngon po la ha~M dang k+ShaH
16b31 yig dag dgod do/ /de ltar dkyil 'khor drug bsgoms te dkyil 'khor de rnams la rim pa ji lta bas sa bon 'di rnams yongs su gyur pa'i rdo rje rnams bsgom par bya ste rtse mo bcu bdun pa dang / rtse mo sum bcu rtsa gsum pa dang /
16b32 rtse mo dgu pa dang / rtse mo drug bcu rtsa lnga pa dang / rtse mo lnga pa dang / rtse mo sum bcu rtsa gsum pa'o/ /de bzhin du phyi rol du g.yon pa'i phrag pa dang dpung pa'i tshigs la ka sde'i bdag nyid rtse mo sum bcu rtsa gcig pa'o/ /de
16b33 ni shar du lus 'phags dang / /lho ru 'dzam bu'i gling dang ni/ /nub tu nub kyi ba lang spyod/ /byang du byang gi sgra mi snyan/ /phyogs bral nye ba'i gling rnams ni/ /nye ba'i gnas 'gyur sa gzhi la'o/ /de bzhin zhing la sogs pa
16b34 kun/ /rgya mtsho'i dkyil 'khor sogs rnams la zhes so/ /de'i phyir 'khor lo gsum gyi sdom pa dang kye'i rdo rje las bcom ldan 'das kyis snga ma dang phyi ma'i gsung 'gal ba gang yin pa de ni dbang po rnon po'i sems
16b35 can rnams kyi 'dzin pa dgrol ba'i slad du ste 'dir 'khor lo sdom pa las gnas dang nye ba'i gnas la sogs pa gsungs pa gang yin pa de dag ni kye'i rdo rje las zhing dang nye ba'i zhing la sogs pa 'khrags 'khrugs su gsungs so/ /
16b36 rnal 'byor pa rnams kyis 'jig rten pa'i dngos grub rnams kyang phyi rol gyi gnas la sogs pa ji lta ba bzhin du mi 'gyur ro/ /nang du ma rig pa la sogs pa yan lag bcu gnyis 'gags pa'i dus sbyor bcu gnyis rnams te rga
16b37 shi la sogs pa 'gags pa'i gzhu la sogs pas gnas la sogs pa rnams rtogs par bya'o/ /gnas la sogs pa de rnams su de bzhin gshegs pa'i rnam par dag pa'i phung po dang khams dang skye mched la sogs pa'i
16b38 dbyings rnams lha'i gzugs kyis byon pa 'am gshegs pa 'das pa'i dus na byung bar gyur pa dang da ltar byung ba na yod pa dang ma 'ongs pa na 'byung bar 'gyur te dbang byed pa dang longs spyod pa dang thim pa'i dbye bas so/ /kun
16b39 rdzob tu ni 'khor lo gsum gyi sdom pa las longs spyod pa dang thim pa dang dbang byed pa dang bdag po nyid du thun 'tshams dang thun tshod dang dus sbyor phyed kyi dbye bas lha mo bzhi dang brgyad dang nyi shu rtsa bzhi rnams gsungs so/ /
16b40 'dir 'khor lo drug gi sdom pa chen po las dus sbyong gyi dkyil 'khor rab tu 'bab pas dbang byed pa dang thim pa'o zhes pa ste 'dir dbang byed pa zhes bya ba ni srog gis byin gyis brlabs pa'o/ /de nyid ni longs spyod pa ste bdag
iiif viewer powered by OpenSeadragon
Texts on this page
J1006 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba