rKTs

e-texts navigator

Volume

Page

15b₁ kyis yongs su bskor ba zhes pa la sangs rgyas ni mi bskyod pa la sogs pa'o/ /byang chub sems dpa' ni kun tu bzang po la sogs pa'o/ /khro bo'i rgyal po ni gtsug tor la sogs pa'o/ /lha ni dbang
15b₂ phyug la sogs pa'o/ /klu ni mtha' yas la sogs pa'o/ /lha mo ni rdo rje dbyings kyi dbang phyug ma la sogs pa dang / chos kyi dbyings la sogs pa dang / shin tu sngon mo la sogs pa dang / tsar tsi kA la
15b₃ sogs pa dang / gau rI la sogs pa dang / khyi gdong ma la sogs pa ste de dag gi 'dus pa ni tshogaso/ /des yongs su bskor ba ni lha dang lha mo'i tshogs kyis yongs su bskor ba ste lha dang lha mo'i tshogs kyis yongs su
15b₄ bskor ba de yis so/ /khams gsum pas zhabs kyi pad ma la phyag byas pa zhes pa la khams gsum pa ni 'dod pa dang gzugs dang gzugs med pa ste de dag gis gang gi zhabs kyi pad ma la phyag byas pa de ni khams
15b₅ gsum pas zhabs kyi pad ma la phyag byas pa ste khams gsum pas zhabs kyi pad ma la phyag byas pa de yis so/ /khams gsum gyi 'khor lo bsgyur ba zhes pa ni gang gi chos kyi 'khor lo khams gsum du cig
15b₆ car rab tu 'khor ba de ni khams gsum pa'i 'khor lo sgyur ba ste khams gsum pa'i 'khor lo sgyur ba de yis so/ /mchog gi dang po'i sangs rgyas zhes pa la mchog gi dang po'i sangs rgyas ni skad cig gcig dang
15b₇ rnam pa lnga dang rnam pa nyi shu dang sgyu 'phrul dra bas mngon par rdzogs par byang chub pa'i mtshan nyid 'gyur ba med pa'i bde ba ni mchog yin la/ des dang por sangs rgyas pa ni mchog gi dang po'i sangs rgyas de yis so/ /
15b₈ rigs med pa zhes pa la rigs ni shes rab dang / thabs kyi bdag nyid gzung ba dang 'dzin pa'i mtshan nyid kyi chos te rigs de gang gis spangs pa de ni rigs med pa ste rigs med pa de yis so/ /bcom ldan 'das
15b₉ kyi chu tshod gang yin pa de ni lus la dbugs dang dbugs 'byung zung dag go zhes pa ste srog gi rlung 'byung ba dang 'jug pa zung ni chu tshod do/ /zung 'di rnams dgu brgya nyis 'gyur zhes pa brgya phrag bcwa brgyad rnams kyis 'pho ba
15b₁₀ gcig tu 'gyur ro/ /phyi rol du 'pho ba ni nyin zhag sum cu'i zla bas te nang du ni dkyil 'khor lnga 'bab pa'i rtsa lnga rnams so/ /skar rtsis pa ni nyi ma la sogs pa'i gza' rnams so/ /de dag bug pa'i dbye ba bcur
15b₁₁ 'gyur te 'dir bshang lam gyi bug pa ni zla ba'o/ /gci ba'i bug pa ni nyi ma'o/ /khu ba'i bug pa ni dus kyi me'o/ kha'i bug pa ni sgra gcan no/ /mig g.yas pa'i bug pa ni bkra shis so/ /mig g.yon pa'i
15b₁₂ bug pa ni gza' lag go/ sna g.yas pa'i bug pa ni phur bu'o/ /sna g.yon pa'i bug pa ni pa sangs so/ /rna ba g.yas pa'i bug pa ni spen pa'o/ /rna ba g.yon pa'i bug pa ni mjug rings so/ /slar yang bkra
15b₁₃ shis la sogs pa 'di rnams kyi dbang po drug gi dbye ba ni 'chad par 'gyur ba'i le'u lnga pa las brjod par bya'o/ /sa la sogs pa'i nges pa'o/ /da ni rgyu skar zhes pa la sogs pas rgyu skar la sogs pa gsungs
15b₁₄ te/ thur ma bdun pa'i 'khor lo'i dbye bas byi bzhin dang bcas pa'i rgyu skar nyi shu rtsa brgyad do/ /thur ma'i rgyu skar rnams kyi zur bzhir dbyug gu'i rgyu skar bzhi ste de ltar na sum bcu rtsa gnyis so/ /rim pa dang
15b₁₅ rim pa ma yin par rgyu ba'i dbye bas rgyu skar bcu bzhi ni so rnams kyi steng gi 'khor lo la ste bcu bzhi ni 'og gi 'khor lo la gnas so/ /'khor lo phyed kyi dbye bas so rnams kyi dbye ba steng dang 'og tu 'gyur te rgyu
15b₁₆ skar dag ni so yi phreng ba'o/ /rjes su nyin zhag chu tshod rnams ni tshigs kyi dbye bar 'gyur zhes pa ni nyin zhag so sor chu tshod drug bcu'i lo'i rjes su nyin zhag gi dbugs kyi grangs su 'gyur ro/ /chu tshod de ni
15b₁₇ ba'i tshes rnams rgya mtsho'i la'o/ /khrums stod kyi zla ba'i tshes rnams log 'dren gyi la'o/ /tha skar gyi zla ba'i tshes rnams dbang po'i la'o/ /smin drug gi zla ba'i tshes rnams tshangs pa'i la'o/ /mgo'i zla ba'i tshes rnams drag
15b₁₈ po'i la'o/ /rgyal gyi zla ba'i tshes rnams gnod sbyin gyi la'o/ /mchu'i zla ba'i tshes rnams khyab 'jug gi la'o/ /dbo'i zla ba'i tshes rnams gshin rje'i la'o/ /lha mo rnams kyi kha dog dang mtshon cha dang dbyibs ni de bzhin no/ /
15b₁₉ de ltar pad ma'i 'dab ma rnams la nag pa sogs kyi nor lag tshes rnams dang ni lte bar rdzogs pa gnyis/ mchog gi zla ba'i cha rnams thams cad stong pa dus dang 'jig rten zhes pa sum brgya drug bcu ste de rnams lo yi sbyor
15b₂₀ bas rig par bya'o/ /'chad par 'gyur ba'i sa bon dang por gyur pa rdo rje'i mtha' can ni 'di rnams kyi ming du 'gyur ro zhes pa nges pa'o/ /da ni lag pa dang rkang pa'i 'thil dang gtsug tor dang bshang lam gyi rtsa spro ba'i dag pas
15b₂₁ sgor ni lha mo shing rta la gnas 'od zer can la sogs pa zhal gcig phyag bzhi ma rnams te 'di rnams ni gzhan gyi gnas su 'gro ba'i phyir gtso mo ma yin pa nyid do/ /dbyug pa sngon po la sogs pa rnams ni rang gi gnas kyi phyir gtso bo nyid do/ /
15b₂₂ de'i phyir rdo rje lcags sgrog ma la sogs pa 'di rnams mngon du phyogs pa'i gnas su 'gro ba ni shar la sogs pa'i rigs so/ /rigs kyi dbang des na lcags sgrog ma'i g.yas kyi phyag dang po na ral gri dang gnyis pa na rdo rje ste don yod grub
15b₂₃ pa'i rigs kyi dbang gis so/ /de bzhin du rin chen rigs kyi dbang gis khro gnyer can gyi phyag dang po na mda' dang gnyis pa na lcags kyu dang bcas pa'o/ /rnam par snang mdzad kyi rigs kyi dbang gis 'od zer can gyi g.yas kyi phyag dang po na
15b₂₄ 'khor lo dang gnyis pa na dbyug pa'o/ /rang bzhin yon tan dbang gis zhes pa pad ma'i rigs kyi dbang gis tsun dA'i phyag dang po na tho ba dang gnyis pa na mdung ngo / /ye shes kyi rigs kyi dbang gis shin du sngon mo'i dang po na
15b₂₅ rengs pa la rus sbal gyi lus la ste ji ltar 'khrul 'khor gyi 'khor lor 'gyur ba de bzhin du phyi rol du gzugs bya'o/ /de nas sngon du gsungs pa'i srad bus dkri bar bya'o/ /de bzhin du
15b₂₆ rig pa yang nges pa ste zhi ba dang rgyas pa la dngul gyi sbu gu rig pa'i dbus su gzhag par bya'o/ /bsad pa la mi'i rus pa'i sbu gu dang bskrad pa la bya rog gi rus pa'i sbu gu dang dbang
15b₂₇ la gser gyi sbu gu dang dgug pa la zangs kyi sbu gu dang rmongs pa la lcags kyi sbu gu dang rengs pa la ra gan gyi sbu gu'o zhes pa ni nges pa'o/ /'dir gang gis bskrad par 'gyur ba'i
15b₂₈ cho ga de nyid kyis dbye ba'i bya'o/ /gang gis rengs par 'gyur ba de nyid kyis phur bus gdab pa bya ste 'on kyang dgra'i dri ma dril ba bdud rtsi lnga dang bcas pas gzugs brnyan byas nas 'khor lo drug dang lag pa
15b₂₉ dang rkang pa'i tshigs rnams la myos byed kyi tsher ma rnams kyis phur bus gdab par bya'o/ /lha ma ni rengs pa la sogs pa bzhin no/ /gang gis dgug par 'gyur ba de nyid kyis rims skyed pa ste 'on kyang
15b₃₀ skye tshe dang lan tshwas gzugs brnyan la byugs nas mes rab gdung bar bya'o/ /gang gis zhi bar 'gyur ba de nyid kyis gdug pa'i lta ba dang dug gzhil ba ste/ /
15b₃₁ mo/ /kAn tsi kong ka Na ka dang / /hi mA la ya nye ba yi/ /tshan do bzhi pa nai pA la nyid/ /p+l-I p+l-I phU b+R-I b+hA+e der gtso mo/ /mA tri gri ha pra yA gaM/ ko p+la gi ri gri ha'i lha/ /'dus pa rnam pa bzhir 'gyur te/ /D+hi D+R-i Thu T+l-i der gtso mo/ /sau rA Sh+T+Ra dang kAsmI ra/ /su war Na gling sing
15b₃₂ ha la/ /nye ba'i 'dus pa 'di rnams su/ /T+l-I T+l-I ThU D+R-I D+h-I gtso mo'o/ /na ga ra ma hen dra ri/ /sin d+hu'i yul ki rA ta ka /dur khrod rnam pa bzhir 'gyur te/ /dz+hi dz+R-i tshu ts+l-i der gtso mo/ /ma ru'i yul dang ga hwar nyid/ /ku la tA dang sa ma la/ /de bzhin nye ba'i dur khrod
15b₃₃ gsungs/ /ts+l-I tshU dz+R-I dz+h-I der gtso mo/ /tsa ra tri ke ra na nyid/ /bin d+h+ya gau mA ri ka'i grong / /rnam bzhi 'thung gcod zhes par grags/ /g+hi g+R-i khu kl-i der gtso mo/ /nye khyim bi ra dzAHkong ga /tri pu rI shrI haT+Ta ka /rnam pa 'di bzhir grags pa ste/
15b₃₄ kl-I khU g+R-I g+hI der gtso mo/ /u0f88u0f90 sogs bcu gnyis pho nya mo/ /stong pa'i dkyil 'khor gtso mo ste/ /ha sogs bzhi ni phyi rol gyi/ /dur khrod la ste bcu drug a/ /A aM aHha hA haM hAH /pho nya mo de pad 'dab la/ /brgyad nyid la ni thod pa rnams l
15b₃₅ te ba'i rtse mor gtso bo ste/ /yan lag bcu gnyis 'gags pa yis/ /dus sbyor rnams ni mi 'bab phyir/ /sa rnams bcu gnyis zhes grags pa/ /gnas la sogs pa don dam mo/ /ma rig la sogs lugs mthun gyis/ /chu srin
15b₃₆ sogs pa kun rdzob tu'o/ /gzhu la sogs pa lugs bzlog gis/ /rga shi la sogs de dag rnams/ /sgrib pa med pa'i chos kyis ni/ /dag pa'i chos kyi rab dbye las/ /mkha' 'gro ma rnams lus kyi khams/ /rnam pa bdun
15b₃₇ bcu gnyis rab gsungs/ /kun rdzob sngags grub gang de dag /khyim sogs rnams su gtso mo ste/ /de nas de rnams sa bon yig /gnas sogs dang por gyur pa'o zhes pa ni 'di lta ste kA dzA pU o zhes pa ni gnas rnams la'o/ /
15b₃₈ go rA de mA zhes pa ni nye ba'i gnas rnams la'o/ /a mu o kA zhes pa ni zhing rnams la'o/ /tri ka ko lA zhes pa ni nye ba'i zhing rnams la'o/ /ka ha tsa la zhes pa ni tshan do ha rnams la'o/ /kA ko hi ne zhes pa ni nye ba'i tshan do ha rnams

_{iiif viewer powered by OpenSeadragon}

15a - 16a

Texts on this page