rKTs

e-texts navigator

Volume

Page

14b₁ srog gcod par 'gyur ro/ /'dir yang nyi ma so sor sngags pas dam tshig bzhi bya'o zhes pa ni de bzhin gshegs pa'i nges pa'o zhe na/ de ni bden te rgyu gang gi phyir mtshan ma dang kha na ma tho ba dang bcas pas srog
14b₂ gcod par 'gyur ba rgyu de'i phyir rnal 'byor pa rnams kyis mtshan ma med pa dang kha na ma tho ba med pa go gu la sogs pa bza' bar bcom ldan 'das kyis gsungs so/ /'dir yul gang na 'jig rten pa rnams kyis gang
14b₃ b za' ba ma yin pa dang gang btsong ba ma yin pa go ku la sogs pa rang gi las kyis shi ba dang g.yul du las ngan pa 'am rang gi skyon gyis chom rkun la sogs pas bsad pa de dag thams cad rnal 'byor pas bza' bar de bzhin
14b₄ gshegs pas gsungs so/ /rdzas kyis nyos pa ni ma yin zhing pha mes la sogs pa dang mchod sbyin la sogs pa'i bya ba la bsad pa yang ma yin te/ mtshan ma dang bcas pa'i sha bza'o zhes de bzhin gshegs pas ma
14b₅ gsungs so/ /yang gang zhig nyi ma so sor dam tshig bya ba de ni kha na ma tho ba med pa'i go ku la sogs pa lnga dang rnam par snang mdzad la sogs pa lnga'i ri lu nyungs kar gyi tshad tsam nyi ma so sor dam tshig brten pa'i don du
14b₆ bya'o/ /rtag par kha na ma tho ba med pa'i chang dang bud med ni bsgom pa'i slad du rmongs pa med pa'i chos kyis gsungs so/ /rtsa ba'i rgyud las kyang bcom ldan 'das kyis gsungs pa 'di lta ste/ lha dang rang 'jigs
14b₇ pha mes dang / /'dod grub don dang btsong phyir yang / /gdul dka' sdig pa byed rnams kyis/ /gnod byed min pa'i sems can bsad/ /de yi sha de nyo ba dang / /za 'dod kha na ma tho bcas/ /
14b₈ ma blangs snod du lhung gyur pa/ /de nyid kha na ma tho med/ /srog chags gcig gi sha dag ni/ /mang po rnams kyis zos pa mchog /srog chags du ma'i sha dag ni/ /yid skyes gcig gis zos pa min/ /
14b₉ la sogs pa rnams sangs rgyas dang bcas te rnam par snang mdzad la sogs pa dang lhan cig pa'i yul dang yul can rnams ni 'chad par 'gyur ba'i dkyil 'khor dag la brjod par bya'o/ /phan tshun shes rab dang thabs kyis 'khyud pa'i
14b₁₀ cho ga'i nges pa'o/ /da ni rtsa rnams zhes pa la sogs pas zla ba dang nyi ma khu ba dang rdul gyi bya ba gsungs te 'dir lus la mngal gyi zla ba gcig gi rjes la nyin zhag so sor rtsa brgya phrag gnyis su 'gyur te zla ba'i nang du nyin zhag sum bcus
14b₁₁ stong phrag drug gi grangs su 'gyur ro/ /zla ba bcu gnyis kyi mtshams su nyin zhag gsum brgya drug bcu rnams kyis stong phrag bdun bcu rtsa gnyis kyi grangs su 'gyur te/ rtsa rnams stong phrag drug ni nyin mor byed pas bsgyur
14b₁₂ ba ste bcu gnyis kyis bsgyur ba'o/ /mngal gyi dbus dag tu yang 'phel ba ni/ byas nas yang yig gis phyi rol du yang ste zla ba bcu gnyis kyi mtha'i bar du'o/ /mngal bzung ba'i zla ba gcig bor nas lo
14b₁₃ rdzogs par gyur pa na 'phel ba gtong ste/ ri bong 'dzin pa ni yang yig gis zla ba bcu gsum na ste nyi ma dag kyang 'phel bar byed do zhes pa ni de nas zla ba dang khu ba'i rtsa'i khams kyi grangs yongs su chad par gyur pa na
14b₁₄ lo bcu gnyis kyi bar du rdul gyi khams 'phel bar byed do/ /kyang yig gis khu ba'i khams kyang 'phel bar byed do/ /lo ni bcu gnyis dag na nyin phyed khams ni 'phel ba gtong ste rang gi lus po dag la'o
14b₁₅ zhes pa bud med rnams kyi rdul 'byung ba'i bar du nyi ma 'phel ba ste kyang yig gis bsdus pa las skyes pa rnams kyi lo bcu drug gi mtshams su khu ba 'byung ba'i bar du'o/ /de bzhin du rtsa ni 'chad pa dag kyang rab tu
14b₁₆ skyes par gyur pa nas nyin zhag so sor rim pas zung gi grangs su 'gyur zhes pa ni 'chad par 'gyur ba las rgya cher brjod par bya'o/ /rtsa dang khams 'phel ba'i nges pa'o/ /da ni dpal ldan 'byung ba zhes pa la sogs
14b₁₇ mdun gyi 'dab ma la sogs pa la dpal ldan dkar mo dang zla ba'i ri mo dang ri bong 'dzin pa'i gdong ma dang ngang pa'i mdog ma dang 'dzin ma dang pad ma'i dbang mo dang skar mig ma dang dri med ri bong 'dzin ma ste dbang ldan pad ma dag la mtshan mar bcas pa'o/ /
14b₁₈ de ltar gsung gi dkyil 'khor gyi gtso mo tsar tsi kA la sogs pa rnams kyi pad ma'i 'dab ma rnams la rnal 'byor ma drug bcu rtsa bzhi po rnams te tshor ba'i yan lag la'o/ /sred pa'i yan lag la sku rdo rje thams cad rdzogs pa ste sku rdzogs pa
14b₁₉ la dpral ba nas gsang ba'i pad ma'i mthar gru bzhir rig par bya'o/ /de la lag pa dang rkang pa'i las kyi 'khor lo dang bya ba'i 'khor lo'i tshigs bcu gnyis la 'dab ma nyi shu rtsa brgyad pa'i pad ma bcu gnyis po gang yin pa de rnams ni zla
14b₂₀ ba brgyad pa la rtsa dang lha'i gzugs kyis spro bar bya'o/ /de yi phyi rol nyi ma'i pad ma la zhes pa ni de'i phyi rol du sku'i dkyil 'khor gyi pad ma bcu gnyis po rnams la shar gyi sgo'i g.yas kyi cha la sogs par ra ba'i rtsig pa la nam mkha'i snying po
14b₂₁ la sogs pa bzhin du bden bral la sogs pa rnam grangs bzhin du gsungs te lha min bden bral te shar gyi sgo'i g.yas su'o/ /g.yo ba zhes pa rlung ste mer ro/ /gshin rje zhes pa lho'i sgo'i g.yon du'o/ /g.yas su me dang bden bral du gdong drug go /
14b₂₂ nub kyi sgo'i g.yon du gnod sbyin dang g.yas su brgya byin dang rlung du tshangs pa'o/ /byang gi sgo'i g.yon du drag po dang g.yas su rgya mtsho dang dbang ldan du tshogs kyi bdag po'o/ /shar gyi sgo'i g.yon du khyab 'jug ste thams cad phyag bzhi pa'o/ /bcu gnyis
14b₂₃ po 'di rnams kyi g.yas kyi phyag gnyis la rim pa bzhin mtshan ma rnams su 'gyur te bden bral gyi dang po na ral gri dang gnyis pa na gri gug go/ rlung gi dang po na ljon shing dbang po ste dpag bsam gyi shing dang gnyis pa na yongs 'du'i me tog go /
14b₂₄ gshin rje'i dang po na dbyug pa dang gnyis pa na ral gri'o/ /me'i dang po na sha ka ti dang gnyis pa na dbyug pa'o/ /gdong drug gi dang po na sha ka ti dang gnyis pa na mdung ngo / /nor sbyin gyi dang po na nor bu rin po che dang gnyis pa na be con no/ /dbang
14b₂₅ bsad pa dang bskrad pa dag la mi'i zhag gis so/ /dbang dang dgug pa dag la til gyi 'bru mar gyis so/ /rmongs pa dang rengs pa la zar ma'i 'bru mar dang bsi shing gi 'bru mar gyis so zhes pa la sogs pa mar
14b₂₆ me'i nges pa'o/ /de bzhin du zhi ba dang rgyas pa la 'bras sA li ma chags pa'o/ /bsad pa dang bskrad pa la skye tshe dang dbang dang dgug pa la yungs dkar dang rengs pa dang rmongs pa la sran chung ngam 'bru gzhan no/ /
14b₂₇ de bzhin du gos la sogs pa ste zhi ba dang rgyas pa dag la mchod pa'i rdzas thams cad dkar po'o/ /bsad pa dang bskrad pa dag la nag po dang / dbang dang dgug pa la dmar po dang rengs pa dang rmongs pa dag la ser po'o
14b₂₈ las thams cad pa la ljang khu ste mchod pa'i cho ga nges pa'o/ /da ni zhi ba la sogs pa'i las la 'chad par 'gyur ba'i 'khrul 'khor bri ba'i cho ga gsungs te 'dir 'chad par 'gyur ba'i 'khrul 'khor ni zhi ba dang
14b₂₉ rgyas pa dag la n+ya gro d+hA'i 'dab ma sar pa la shrI khaN Da dang sA li btags pa'i chus dUr ba'i myu gus bri bar bya ste rgyas pa la ni bsil ba'i smyu gus so/ /de bzhin du bsad pa dang bskrad pa la yang dur khrod kyi ras la dug
14b₃₀ dang khrag dang sol bas mi'i rus pa'i smyu gus te bskrad pa la ni bya rog gi mjug ma'i smyu gus so/ /dbang dang dgug pa la ni gro ga'i 'dab ma la gur gum dang 'gi wang gis gser gyi smyu gus te
14b₃₁ dgug pa la ni seng ldeng gi smyu gus tsan dan dmar po btags pas so/ /rengs pa dang rmongs pa la ni arka'i 'dab ma yongs su smin pa kha dog ser po la 'bras bu gsum gyi khu ba dang bcas pa'i ba bla
14b₃₂ dang yung bas bil ba'i smyu gus te rmongs pa la arka'i smyu gus so zhes pa ni nges pa'o/ /da ni 'khrul 'khor rab tu gzhag pa'i cho ga gsungs te 'dir zhi ba dang rgyas pa dag la 'khrul 'khor bris pa'i
14b₃₃ gyi tshad kyis dpag tshad stong phrag nyi shu rtsa lnga ni ye shes kyi khams kyi 'khor lo ste de'i sum cha'i sa la gri gug gi phreng ba'o/ /cha gnyis kyis rtsibs brgyad do/ /de bzhin du rgya mtsho'i phyed la sa'i 'khor lo ste phyed phyi ma la chu'i
14b₃₄ 'khor lo'o/ /de bzhin du me'i dkyil 'khor gyi phyed la me'i 'khor lo ste phyed phyi ma la rlung gi 'khor lo'o/ /de bzhin du rlung gi dkyil 'khor gyi phyed la nam mkha'i 'khor lo ste phyed phyi ma la rdul tshon gyi sa'o/ /nam mkha'i
14b₃₅ dkyil 'khor la dur khrod bcu drug rnams so zhes pa ni nges pa'o/ /'dir skra'i mthar khru lnga ni lus so/ /des na nam mkha'i dkyil 'khor la phyi rol gyi dur khrod rnams te de'i rnam par dag pas 'jig rten gyi khams kyang
14b₃₆ dpag tshad 'bum phrag lnga'o zhes pa 'khor lo sdom pa chen po la'o/ /de ltar rim pa bzhin du lhun po'i phyogs brgyad rnams su ye shes kyi khams kyi 'khor lo'i phyogs kyi rtsibs rnams la gnas rnams te gzhu 'gags
14b₃₇ pas rga shi 'gag pa'i phyir ro/ /phyogs bral gyi rtsibs rnams la nye ba'i gnas rnams te sdig pa 'gags pas skye ba 'gag pa'i phyir ro/ /de bzhin du dur khrod gnyis so/ /de nas sa'i khams kyi 'khor lo'i
14b₃₈ phyogs kyi rtsibs rnams la zhing bzhi ste srang 'gags pas srid pa 'gag pa'i phyir ro/ /phyogs bral gyi rtsibs rnams la nye ba'i zhing rnams te bu mo 'gags pas len pa 'gag pa'i phyir ro/ /de bzhin du dur khrod
14b₃₉ gnyis so/ /de nas chu'i khams kyi 'khor lo'i phyogs kyi rtsibs rnams la tshan do ha bzhi ste seng ge 'gags pas sred pa 'gag pa'i phyir ro/ /phyogs bral gyi rtsibs rnams la nye ba'i tshan do ha rnams te kar ka Ta 'gags pas
14b₄₀ tshor ba 'gag pa'i phyir ro/ /de bzhin du dur khrod gnyis so/ /de nas me'i khams kyi 'khor lo'i phyogs kyi rtsibs rnams la 'dus pa bzhi ste 'khrig pa 'gags pas reg pa 'gag pa'i phyir ro/ /phyogs bral gyi rtsibs

_{iiif viewer powered by OpenSeadragon}

14a - 15a

Texts on this page