rKTs

e-texts navigator

Volume

Page

13b₁ 'jig rten pa'i dbang sbyin pas bsod nams kyi tshogs kyi don byed pa ni dgos pa'o/ /shes rab chen po 'jig rten las 'das pa'i dbang bzhi pa sbyin pas rigs med pa phyag rgya chen po'i dngos grub thob pa la
13b₂ bsod nams dang ye shes kyi tshogs kyi don byed pa ni dgos pa'i dgos pa ste/ brjod bya la sogs pa'i mtshan nyid 'di dag nyid mngon par gzigs nas/ gdul bya'i skye bo nges pa dang bral ba rnams la rang gi sems kyi bsam
13b₃ pas zhes bya ba la/ nges pa ni nyan thos pa'i mchog gi sdom pa 'dod pa lnga la nye bar longs spyod pa dang bral ba'i tshul khrims kyi sdom pa ste de dang bral ba ni nges pa dang bral ba'o/ /de dag gi rang gi sems kyi bsam pa ni
13b₄ 'dod pa lnga la nye bar longs spyod par 'dod pa'o/ /de bzhin du dbang po gnyis kyi bde ba chen po 'dod pa ni nges pa dang bral ba rnams kyi rang gi sems kyi bsam pa ste/ rang gi sems kyi bsam pa 'dis skye ba 'di la sangs
13b₅ rgyas nyid kyi 'bras bu rab tu ster ba zhes bya ba ni skye ba 'di mi'i skye ba la sangs rgyas nyid kyi 'bras bu rab tu ster ba rgyud kyi rgyal po'o/ /lha la sogs pa 'gro ba lnga'i skye ba la ni ma yin no/ /de ci'i phyir zhe na/ las
13b₆ kyi sa ma yin par skyes pa'i phyir ro/ /'dir lha la sogs pa rnams la yang mi'i skye ba thob nas sangs rgyas nyid kyi 'bras bu ster bar 'gyur ro/ /zhes bya ba ni bcom ldan 'das kyi nges pa'o/ /bsod nams dang
13b₇ ye shes kyi tshogs dag dang khams drug gi bdag nyid can skyes bu chen po'i gang zag la'o zhes pa ste/ rnam pa gzhan du las ngan pa dang ldan pa'i mi'i skye ba 'di la sangs rgyas nyid kyi 'bras bu rab tu ster ba ni ma yin no
13b₈ zhes bya ba de bzhin gshegs pa'i nges pa'o/ /ci ste sngags kyi theg pa 'dir sangs rgyas bcom ldan 'das kyis gsungs pa ni 'di lta ste/ gdol pa smyig ma mkhan sogs dang / /mtshams med lnga ni byed pa
13b₉ nag po'o/ /de bzhin du sna'i dbang po dang reg dang ngag gi dbang po dang bshang ba 'dzag pa rnams lus kyi dbye bas rlung gi rang bzhin kha dog nag po dang sa'i bsam pa'i dbye bas ser po'o/ /mig gi dbang po dang ro dang lag pa'i
13b₁₀ dbang po dang 'gro ba rnams lus kyi dbang gis me'i rang bzhin kha dog dmar por 'gyur zhing bsam pa'i dbang gis chu'i rang bzhin dkar por 'gyur ro/ /de bzhin du lce'i dbang po dang kha dog gi gzugs dang rkang pa'i dbang
13b₁₁ po dang len pa rnams lus kyi dbye bas chu'i rang bzhin kha dog dkar por 'gyur zhing bsam pa'i dbang gis me'i rang bzhin kha dog dmar por 'gyur ro/ /sa rlung me dang chu la'o zhes pa ste sa'i rang bzhin dang rlung gi rang bzhin
13b₁₂ dang me'i rang bzhin dang chu'i rang bzhin la kha dog rig par bya'o/ /de bzhin du rna ba'i dbang po dang yul chos kyi dbyings dang b+ha ga'i dbang po dang khu ba 'pho ba ste 'di dag ni lus kyi dbye bas nam mkha'i rang bzhin kha dog ljang khu dang
13b₁₃ bsam pa'i dbye bas ye shes kyi rang bzhin sngon po'o/ /de bzhin du yid kyi dbang po dang sgra dang mchog gi dbang po dang gci ba 'dzag pa ste 'di dag ni lus kyi dbye bas ye shes kyi khams kyi rang bzhin kha dog sngon po dang bsam
13b₁₄ pa'i dbye bas nam mkha'i rang bzhin ljang khu'o/ /de'i phyir ye shes nam mkha' la yang sngon po ljang khur 'gyur te lus dang bsam pa'i rab tu dbye bas so zhes so/ /lus dang bsam pa'i rang bzhin nges pa'o/ /
13b₁₅ rus pa dang sha la sogs pa'i khams rnams shes rab dang thabs kyis 'khyud pa gsungs pa shes rab ces pa la sogs pa ste 'dir lus la rus pa'i khams ni shes rab ste sha'i khams ni thabs so/ /sa dang 'du
13b₁₆ byed de dag ni phan tshun yang dag par ldan pa ste sra ba nyid gang yin pa de ni sa'i khams so zhes pa'i shes par byed pa las rus pa dang sha ni shes rab dang thabs so/ /de bzhin du shes rab dang thabs ni chu dang bcas pa'i
13b₁₇ ces pa phyag bzhi dang spyan gsum ma gdong sna tshogs pa'o/ /de la shar gyi pad mar tsar tsi kA zhal gcig ma nag mo'o/ /mer ni mkha' 'gro'i bdag pos 'gro ma khyab 'jug ma'o/ /phag mo dang gdong drug ma ni kha dog dmar mo ste gshin rje
13b₁₈ dang bden bral du'o/ /chur dbang mo ser mo'o/ /rlung du chu gter gdong ma ste tshangs ma ser mo'o/ /byang du drag mo dkar mo zhal gcig ma'o/ /dbang ldan du dpal mo dkar mo'o/ /de ltar lte ba la gnas pa'i gtso mo'i kha dog dang
13b₁₉ dbyibs ji lta ba de bzhin du de rnams kyi 'dab ma la gnas pa'i lha mo rnams so/ /de ltar brgyad pa brgyad kyi rnal 'byor ma gang pad ma'i 'dab ma la gnas gtso mo'i kha dog zhal rnams so/ /da ni shar la sogs par zhes pa la sogs pas
13b₂₀ tsar tsi kA la sogs pa rnams kyi g.yas kyi phyag gnyis la mtshan ma rnams rim pa bzhin du gsungs te 'dir shar du tsar tsi kA'i phyag dang po na gri gug dang gnyis pa na rtse gsum mo/ /khyab 'jug ma'i 'khor lo dang be con no/ /phag mo'i dbyug pa dang
13b₂₁ ral gri'o/ /gzhon nu ma'i sha ka ti dang lcags kyu'o/ /dbang mo'i rdo rje dang mda'o/ /tshangs ma'i pad ma dang tshangs pa'i dbyug pa'o/ /drag mo'i rtse gsum dang Da ma ru'o/ /dpal chen mo'i pad ma dang bgrang phreng ngo zhes pa ste g.yas kyi phyag gnyis
13b₂₂ la'o/ /de bzhin du 'dab ma'i lha mo rnams kyi yang ngo / /de nas g.yon gyi phyag gnyis la shar la sogs pa rim pa bzhin du ste tsar tsi kA'i g.yon gyi phyag dang po na thod pa dang gnyis pa na kha T+wA~M ga'o/ /khyab 'jug ma'i pad ma dang dung ngo / /phag mo'i
13b₂₃ lcags sgrog dang phub bo/ /gzhon nu ma'i rin po che dang zhags pa'o/ /dbang mo'i dril bu dang gzhu'o/ /tshangs ma'i spyi blugs dang snod do/ /drag mo'i kha T+wA~M ga dang sbrul lo/ /dpal chen mo'i pad ma dang rin po che nyid do/ /de bzhin du pad ma
13b₂₄ nor 'dab la ni brgyad pa brgyad kyi rnal 'byor ma'i phyag gi mtshon cha de bzhin no ste gtso mo'i ji lta ba de bzhin no zhes pa nges pa'o/ /da ni de rnams kyi ming du 'gyur te de la tsar tsi kA la sogs pa'i pad ma'i 'dab ma rnams la shar la sogs pa
13b₂₅ g.yon pa'i steng du rkang pa g.yas pa gan rkyal du gnas pa ni dkyil dkrung ngo / /rgyas pa la rdo rje'i 'dug stangs ni rkang pa g.yas pa brla g.yon pa'i steng dang g.yon pa yang brla g.yas pa'i steng du ste thad kar gan rkyal gyis so zhes pa ni rdo rje 'dug
13b₂₆ stangs so/ /lha min zhes pa ni lha min gyi 'dug stangs te bsad pa la 'thab mo byed pa'i rus sbal gyi stabs bzhin no zhes pa ni lha min gyi 'dug stangs so/ /tsog pu zhes pa ni bskrad pa dang dbye ba la tsog pur 'gyur te rkang pa gnyis
13b₂₇ mnyam pa long bu 'phongs tshos kyi rtsa ba la reg pa dag ste byin pa gnyis dang brla gnyis steng du son pa ni tsog pu'o/ /dkyil dkrung phyed pa dbye ba rnam pa gnyis zhes pa ni 'dir dbang la rkang pa g.yon pa dkyil dkrung bzhin dang g.yas pa tsog pu
13b₂₈ bzhin te g.yas su cung zad dud pa'o/ /dgug pa la dbye ba gnyis pa ste g.yas pa dkyil dkrung bzhin dang g.yon pa tsog pu bzhin te g.yon du cung zad dud pa'o zhes pa ni dkyil dkrung phyed pa dbye ba gnyis so/ /bshang lam rkang par gnas
13b₂₉ pa dag ces pa ni 'dir rmongs pa la rkang pa g.yon par bshang lam gnas pa ste rkang pa g.yon pa'i steng du bshang lam bzhag cing g.yas pa tsog pu bzhin no/ /rengs pa la g.yas par bshang lam gnas pa ste rkang pa'i steng du bshang
13b₃₀ lam bzhag cing g.yon pa tsog pu bzhin no/ /'dug stangs kyi dbye ba rnam pa brgyad kyi nges pa'o/ /da ni shel dang zhes pa la sogs pas sngags bzlas pa'i don du zhi ba la sogs pa'i bgrang phreng gsungs te 'dir zhi ba la shel
13b₃₁ gyi bgrang phreng ngo / /rgyas pa la mu tig gi 'bras bu'o/ /bsad pa la mi'i so las byas pa'o/ /bskrad pa la bong bu'i so las byas pa 'am rus pa las byas pa'o/ /dbang la bo de tse'i bgrang phreng ngo / /dgug pa la pad ma
13b₃₂ 'am tsan dan dmar po'i sa bon gyi bgrang phreng ngo / /rmongs pa la lung tang gi bgrang phreng ngo / /rengs pa la dbang po'i mig ces pa ru rag sha'i bgrang phreng ngo zhes pa ni bgrang phreng gi nges pa ste bde gshegs rigs kyi dbang gis zhes
13b₃₃ rje ma dang Sh+R-I rdo rje zhas pa ste de bzhin du 'chad par 'gyur ba thams cad la'o/ /de ltar na dkyil 'khor la mkha' 'gro ma'i dra ba sdom pa nyis 'gyur mchod par bya'o zhes pa nges pa'o/ /'dir sdig pa dang gzhu la sogs pa
13b₃₄ l ugs las bzlog pas dgod pa gang yin pa de spros pas gsungs te 'dir yan lag bcu gnyis 'gags pa kun rdzob ma yin pas don dam pa'i bden par gzhu dang sdig pa la sogs pa lugs las bzlog pas gnas dang nye ba'i gnas
13b₃₅ la sogs pa dgod pa'o/ /kun rdzob kyis chu srin dang bum pa la sogs pa rim pas nye ba'i 'thung gcod la sogs pa dgod pa ste rten 'brel yan lag bcu gnyis las so/ /ji ltar 'khor lo gsum gyi sdom pa las gcig ni rab
13b₃₆ gtum ma dang gtum pa'i mig can ma la sogs pa lugs las bzlog pas gnas la sogs pa dgod pa ste gnyis pa ni brtson 'grus chen mo la sogs pa rim pas nye ba'i dur khrod la sogs pas so/ /'dir ni 'jig rten pa'i tha snyad la kun rdzob
13b₃₇ gang yin pa de don dam pa zhes pa las shes par bya'o/ /de ltar rlung la sogs rtsibs rnams la ni nyi ma'i rgyu ba'i dbang gis zhes pa g.yas kyi rtsa la srog rgyu ba'i dbang gis ring po rnams so/ /steng sogs rtsibs la zla ba'i rgyu ba'i dbang gis
13b₃₈ z hes pa g.yon gyi rtsa la srog rgyu ba'i dbang gis thung ngu rnams so zhes pa ni dgod pa gsungs pa ste rim pa yis kyang kun rdzob kyis nye ba'i 'thung gcod la sogs pas chu srin la sogs pa'i dkyil 'khor rnams la ka tsa Ta pa ta sa'i sde pa rnams
13b₃₉ kyi yi ge ka yig la sogs pa rnams lI yig la sogs pa'i dbyangs kyis phye ba ring po dang thung ngu rnams dgod par bya'o/ /don dam pas u0f88u0f90 la sogs pa thung ngu'i a yig la sogs pa'i dbyangs kyis phye ba rnams gzhu dang sdig pa la sogs pa'i dbye bas so/ /
13b₄₀ de ltar rlung 'tshams la sogs pa'i rtsibs rnams la sa la sogs pa ste g.yas kyi dkyil 'khor 'bab pa las so/ /steng la sogs pa'i rtsibs rnams la nam mkha' la sogs pa ste g.yon gyi dkyil 'khor rab tu 'bab pa las so zhes pa

_{iiif viewer powered by OpenSeadragon}

13a - 14a

Texts on this page