rKTs

e-texts navigator

Volume

Page

12b₁ gnas pa dang / phyi rol 'jig rten pa'i dngos grub kyi bsgrub thabs kyi ngo bo nyid kyis gnas pa dang / mchod sbyin la sogs pa dang rig byed kyi mtha' gsang ba'i de kho na nyid kyi ye shes dang yan lag drug gi sbyor ba la
12b₂ sogs pa'i bsgrub thabs kyi ngo bo nyid kyis gnas pa dang / sbyin pa la sogs pa'i bsod nams kyi tshogs kyi ngo bo nyid kyis gnas pa dang / mngon sum dang lkog tu gyur pa'i sems bsgom pa'i ngo bo nyid kyis
12b₃ gnas pa zhes bya ba ni bsgrub thabs kyi le'u la'o/ / //de nas ye shes kyi le'u la dang por lus kyi rus pa la sogs pa'i khams rnam par dag pa'i dkyil 'khor gyi ngo bo nyid kyis gnas pa dang /
12b₄ sku dang gsung dang thugs dang rigs drug gi lha'i ngo bo nyid kyis gnas pa dang / a la sogs pa dang / ka la sogs pa sngags kyi rigs drug gi ngo bo nyid kyis gnas pa dang / thabs dang shes rab kyi
12b₅ rgyud sum bcu rtsa drug gi ngo bo nyid kyis gnas pa dang / thabs dang shes rab dang bya ba dang rnal 'byor rjes su rig pa dang sdom pa chen po dang 'khor lo sgyur ba drug spro ba'i ngo bo nyid kyis gnas pa dang / dbang
12b₆ bzhi pa mchog tu mi 'gyur ba phyag rgya chen po'i ye shes kyi dngos grub kyi bsgrub thabs kyi ngo bo nyid kyis gnas pa dang / ye shes kyi dkyil 'khor spro ba'i ngo bo nyid kyis gnas pa dang / byang chub kyi sems bsten
12b₇ pa'i bsgrub thabs kyi ngo bo nyid kyis gnas pa dang / shes pa dang shes bya rnam pa kun gyi bdag nyid phyag rgya chen po'i dngos grub gyi ngo bo nyid kyis gnas pa dang / lus dang ngag dang sems kyi bya ba thams cad
12b₈ rtag pa'i ngo bo nyid kyis gnas pa dang / chos kyi phung po stong phrag brgyad bcu rtsa bzhi bstan pa'i ngo bo nyid kyis gnas pa dang / sangs rgyas kyi zhing bsdu ba'i ngo bo nyid kyis gnas pa dang / nam mkha'i
12b₉ rang bzhin med pa'i dbye bas so/ /de'i phyir gsang ba'i pad ma dang gtsug tor gyi pad ma dang lte ba'i pad ma la rnam par dag pa'i sku lhag pa'i lha ste rang bzhin med pa ma brtags pa dang rang bzhin pra phab pa lta bu'o/ /snying khar ni
12b₁₀ chos kyi sku'o/ /mgrin pa'i chu skyes la yang sku'i dbye bas longs spyod rdzogs pa'i sku lhag pa'i lha'o/ /thig le la zhes pa spyi bo'i chu skyes dag pa'i 'khor lo la sprul pa'i sku lhag pa'i lha'o/ /sku'i dbye bas lte ba sprul
12b₁₁ pa'i 'khor lor sprul pa'i sku lhag pa'i lha'o zhes pa ni sku'i dbye ba'i nges pa'o/ /yon tan dbang gis zhes pa ni 'khor lo rnams kyi yon tan te lhan cig skyes pa'i sku'i rten gyi yon tan ye shes dang nam mkha' dang sa'o/ /chos kyi
12b₁₂ sku'i rten gyi yon tan rlung ngo / /longs spyod rdzogs pa'i sku'i rten gyi yon tan me'o/ /sprul pa'i sku'i rten gyi yon tan chu ste rten dang rten pa'i dngos po'o/ /brjod pa'i rim pas snying kha'i 'khor lo mgrin pa'i 'khor lo spyi bo'i
12b₁₃ pad ma chos dang longs spyod rdzogs dang dag pa'o zhes so/ /lte ba zhes pa la sogs pas lus kyi rten gyi dbye bas rigs drug gsungs te 'dir lus kyi 'khor lo drug la khams drug gi dbang gis rigs drug tu 'gyur te/ grangs bzhin
12b₁₄ du yum gyi rigs gsum ste gtso bo zhes pa yab kyi rigs kyang ngo / /lte bar sa'i 'khor lo la 'khor lo'i rigs su 'gyur ro/ /mgrin par me'i pad ma la rin chen gyi rigs su 'gyur ro/ /gsang bar ye shes
12b₁₅ kyi pad ma la gri gug gi rigs su 'gyur te grangs bzhin du yum gyi sku dang gsung dang thugs so/ /de bzhin du spyi bor chu'i pad ma la pad ma'i rigs su 'gyur ro/ /snying khar rlung gi pad ma la ral gri'i rigs su
12b₁₆ 'gyur ro/ /de bzhin du gtsug tor dbus su nam mkha'i khams kyi pad ma la rdo rje'i rigs su 'gyur te gtso bo'i sku dang gsung dang thugs so/ /rim pa bzhin rdul dang khu ba dag gi rigs su 'gyur te sa la sogs pa'i
12b₁₇ sel ba dang dri rdo rje ma ste ser po rnams kyi g.yas kyi phyag dang po na 'khor lo dang gnyis pa na dbyug pa dang gsum pa na 'jigs byed rdo rje'o/ /g.yon gyi dang po na dung dang gnyis pa na rdo rje lcags sgrog dang gsum pa na sgra dang
12b₁₈ bcas pa'i rdo rje dril bu'o/ /de bzhin du 'du shes kyi rigs las skyes pa snang ba mtha' yas dang mA ma kI dang pad ma mthar byed dang 'jig rten dbang phyug dang gzugs rdo rje ma ste dkar po rnams kyi g.yas
12b₁₉ kyi phyag dang po na tho ba dang gnyis pa na mdung dang gsum pa na rtse gsum mo/ /g.yon pa'i dang po na pad ma dkar po 'dab ma brgya pa dang gnyis pa na me long dang gsum pa na bgrang phreng ngo / /de bzhin du rnam
12b₂₀ p ar shes pa'i rigs las skyes pa mi bskyod pa dang rdo rje dbyings kyi dbang phyug ma dang gtsug tor dang phyag na rdo rje dang chos kyi khams kyi rdo rje ma ste ljang khu rnams kyi g.yas kyi dang po na rdo rje dang gnyis pa na gri gug dang
12b₂₁ gsum pa na dgra sta'o/ /g.yon gyi dang po na dril bu dang gnyis pa na thod pa dang gsum pa na tshangs pa'i mgo bo'o/ /de bzhin du ye shes kyi rigs las skyes pa rdo rje sems dpa' dang sna tshogs yum dang gnod mdzes
12b₂₂ rgyal po dang kun du bzang po dang sgra rdo rje ma ste sngon po rnams kyi yang ngo / /mtshan ma'i nges pa'o/ /yang na sgrol ma dang kun du bzang po'i kha T+wA~M ga'i gnas dang tshangs pa'i mgo bo'i gnas su ud pa la'o/ /
12b₂₃ gang gi tshe du ba la sogs lha mo brgyad po dang bum pa brgyad dang chos kyi dung la sogs pa res 'ga' dor nas rgyal ba'i bdag po'i pad ma dag la dpal ldan 'khor lo ste thugs kyi dkyil 'khor ni snying po'i dbus su
12b₂₄ mi yi bdag po nyi shu rtsa lnga'i bdag nyid du yang 'gyur te de'i tshe bcom ldan 'das nye bar bskor ba yang dpal 'dus pa lta bur 'gyur ro/ /'di la skyon med de ris med pa nyid kyi phyir ro/ /de ltar sgrub pa po rnams kyis
12b₂₅ gnas nas snying kha'i bar du'o/ kha'i rgya'i cha de nyid lag 'thil gyi tshad kyis pad ma sor drug pa'o/ /rdzas kyi sbyin sreg gi blugs gzar gyi yu ba'i rgyab la rdo rjes mtshan pa ste sbyin sreg gi snod kyi nges pa'o/ /da ni zhi ba la sogs
12b₂₆ pa la lha'i sku gsungs te 'dir thab khung gi me lha dang dkyil 'khor gyi gtso bo ni zhi ba dang rgyas pa la zhi ba kha dog dkar por 'gyur ro/ /bsad pa dang bskrad pa la sogs pa la drag po kha dog nag po'o/ /dbang dang dgug pa la chags pa
12b₂₇ dang bcas pa kha dog dmar po'o/ /rmongs pa dang rengs pa la sogs pa la khengs pa kha dog ser po'o zhes pa ni zhi ba la sogs pa la lha'i kha dog go/ las thams cad pa la ljang khu cung zad bzhad cing chags pa'i sku ste lha'i
12b₂₈ nges pa'o/ /da ni rdul tshon gyi rnam par dag pa gsungs pa rnam pa lnga zhes pa la sogs pa ste 'dir rgyal ba'i dbang po rdo rje sems dpa' rnam pa lnga'o/ /gang phyir te gang gi phyir ye shes kyi 'od zer rnam pa lnga spro ba'i phyir te srid
12b₂₉ pa gsum la gnas pa'i phung po dang khams dang skye mched sgrib pa med pa'i dbye ba yis so/ /de las kyang ni lha rnams dkyil 'khor dag la rdul tshon rnam pa lnga ru 'gyur te rdul tshon gyi nges pa'o/ /da ni thig skud khru ni brgyad ces
12b₃₀ pa la sogs pas thig skud kyi mtshan nyid gsungs te 'dir gzhon nu mas bkal ba'i srad bu du ma sum bsgril gyi bdag nyid du bya ste de nas rdo rje slob dpon gyi mthe bo'i nas kyi tshad kyis sum bsgril du bya'o/ /de nyid ni khru brgyad pa ces
12b₃₁ pa dkyil 'khor gyi nyis 'gyur ram bzhi 'gyur khru bcu drug gi bar du slob dpon gyi khru yis thig skud gcig bya ste dkyil 'khor la mtshan nyid gzhan pa ma yin no/ /dkyil 'khor ni rtag tu rang gi bdag nyid kyi chas khru gcig
12b₃₂ nas brtsams te khru stong ji srid pa de srid du 'gyur ro/ /des na gang du thig skud kyi nges pa dang dkyil 'khor gyi nges pa slob dpon gyi khru yis yin pa der thig skud ni dkyil 'khor las nyis 'gyur ro/ /de la dang po'i sangs
12b₃₃ u0f88u0f90 ste rlung dang nub kyi dur khrod kyi 'khor lo'i dbus su'o/ /ye shes kyi 'khor lo'i shar gyi rtsibs la shi dang lhor Sh+R-i dang / byang du k+pu dang nub tu sl-i sl-i'o zhes pa ni/ gzhu'i dus sbyor la g.yon pa'i rtsa nas srog 'bab
12b₃₄ pa'o/ /de nas sa'i 'khor lo la ta'i sde pa lhag pa'i lha ste de'i t+l-I rlung du'o/ /dbang ldan du thU dang bden bral du d+R-i dang mer d+hI dang / sa 'og tu nA ste rlung gi sgo'i dur khrod kyi 'khor lo'i dbus su'o/ /zhes pa ni bu mo'i dus
12b₃₅ sbyor la'o/ /de bzhin du srang la steng du na ste nub kyi sgor ro/ /shar du d+hi dang lhor d+R-i dang byang du thu dang nub tu t+l-i'o/ /de nas chu'i khams kyi 'khor lo la pa'i sde pa lhag pa'i lha ste de'i p+l-I rlung du'o/ /dbang ldan du phU dang bden
12b₃₆ bral du b+R-I dang mer b+hI dang sa 'og tu mA ste dbang ldan gyi sgo ru'o/ /de ltar kar ka Ta'i dus sbyor la lhag pa'i lha rnams so/ /de bzhin du seng ge'i dus sbyor la nam mkhar ma ste byang gi sgo ru'o/ /shar gyi rtsibs la b+hi dang lhor
12b₃₇ b+R-i dang byang du phu dang nub tu bl-i'o/ /de nas me'i 'khor lo la Ta'i sde pa/ lhag pa'i lha ste de'i T+l-I rlung gi rtsibs la'o/ /dbang ldan du ThU dang bden bral du T+R-I dang mer T+h-I dang D+D-I sa 'og tu NA ste/ bden bral gyi sgo ru zhes pa
12b₃₈ glang gi dus sbyor la'o/ /de nas 'khrig pa la steng du Na ste/ lho'i sgo'i dur khrod du'o/ /shar gyi rtsibs la D+hi dang / lhor T+R-i dang byang du Thu dang nub tu T+l-i 'o/ /de nas rlung gi 'khor lo la tsa'i sde pa lhag pa'i
12b₃₉ lha ste/ de'i ts+lA rlung gi rtsibs la'o/ /dbang ldan du tshU dang bden bral du dz+R-I dang / mer dz+hI dang sa 'og tu nyA ste me'i sgo ru'o zhes pa nya'i dus sbyor la'o/ /de nas lug gi dus sbyor la steng du nya ste shar gyi sgo'i dur
12b₄₀ khrod kyi 'khor lo la'o/ /shar gyi rtsibs la dz+hi dang / lhor dz+R-i dang / byang du tshu dang / nub tu ts+l-i'o/ /de nas nam mkha'i khams kyi 'khor lo la ka'i sde pa lhag pa'i lha ste/ de'i kl-I rlung gi rtsibs

_{iiif viewer powered by OpenSeadragon}

12a - 13a

Texts on this page