rKTs

e-texts navigator

Volume

Page

10a₁ las kyi phyag rgya dang ye shes kyi phyag rgya dang phyag rgya chen mo dang 'jig rten dang 'jig rten las 'das pa'i dngos grub rab tu gsal bar byed pa/ 'jig rten gyi khams dang nang dang mngon par dbang
10a₂ skur ba dang / sgrub thabs dang ye shes te le'u lnga'i bdag nyid dam brtag pa lnga'i bdag nyid ni mi la sogs pa'i sems can mtha' dag gis yang dag par rdzogs pa'i sangs rgyas nyid thob par bya ba'i phyir
10a₃ yang dag par bstan to/ /de las bsdus pa'i rgyud yang dag par sdud par byed pa la 'jam dpal dang / ma 'ongs pa'i dus su tshangs pa'i drang srong rnams gdul bar bya ba'i don du 'grel bshad byed pa la
10a₄ bdag dang / rgyud ston pa'i don du gshin rje mthar byed la sogs pa gzhan rnams dang / sham b+ha la'i yul la sogs pa grong khyer bye ba phrag dgu bcu rtsa drug na gnas pa'i sems can thams cad dam pa'i
10a₅ lam thob pa la de bzhin gshegs pas lung bstan to/ /'dir rdul phra rab 'dus pa sngon du 'gro ba ni 'jig rten gyi khams so/ /'jig rten gyi khams sngon du 'gro ba ni sems can rnams so/ /sems
10a₆ can sngon du 'gro ba ni 'jig rten dang 'jig rten las 'das pa'i mngon par dbang bskur ba'o/ /mngon par dbang bskur ba sngon du 'gro ba ni bsod nams kyi tshogs dkyil 'khor gyi 'khor lo bsgom pa goms pas 'og min
10a₇ gyi srid pa'i mthar thug pa 'jig rten pa'i dngos grub bsgrub pa'o/ /'jig rten pa'i dngos grub sngon du 'gro ba ni bsod nams dang ye shes kyi tshogs dag dang skye ba snga ma'i stong pa nyid dang snying rje kun rdzob dang dmigs pa
10a₈ med pa'i bag chags kyi stobs kyis rdul phra rab 'dus pa las 'das shing / dkyil 'khor la sogs pa rnam par rtog pa'i sgom pa dang bral ba phyag rgya chen po'i ye shes kyi dngos grub sgrub pa'o/ /de bas na
10a₉ zhes grub par 'gyur te 'dir 'du shes bya ba ni dbyangs kyi chos zla ba dang khu ba dang chu'i rang bzhin te chu'i rang bzhin nyid kyi phyir chu la 'du shes grub par 'gyur ro zhes pa ni nges pa'o/ /me la nges pa nyid du tshor ba zhes pa la 'dir
10a₁₀ me'i rang bzhin ni nyi ma dang rdul dang ka li ste nyi ma dang rdul dang kA li'i rang bzhin ni tshor ba'o/ /de'i phyir me la tshor ba gtso bos grub par 'gyur te lhag ma rnams ni phal pas rab tu 'gyur ro/ /rlung la 'du byed kyi phung po grub ste de bzhin du 'dir
10a₁₁ rlung ni lus dang ngag dang sems yang dag par g.yo bar byed pa ste des na rlung gi rang bzhin ni 'du byed du grub bo/ /de bzhin du rnam shes ye shes bsres pa ste ye shes dang bcas pa ni rim pa bzhin du nam mkha' dang bcas rdo rje dag la ste nam
10a₁₂ mkha' la rna ba'i rnam par shes pa la sogs pa'i mtshan nyid rnam par shes par grub bo/ /rdo rje ste ye shes kyi khams la byang chub kyi sems 'pho ba'i mthar bde ba'i skad cig gi bdag nyid kyi ye shes grub bo/ /'dir khams drug
10a₁₃ gi bdag nyid can skyes bu chen po'i gang zag gi lus la ci'i phyir khams dang phung po la sogs pa thams cad du 'gyur zhe na gsungs pa/ rdul dang byang chub sems sogs sbyor bas so/ /'dir lus la khams dang phung po la
10a₁₄ sogs pa gang yin pa de thams cad ni rdul dang khu ba dang kun gzhi'i rnam par shes pa'i bde ba'i skad cig gi gnas skabs sbyor ba las 'gyur ro/ /rna ba la sogs pa 'dzin pa rnams sgra la sogs pa'i yul 'dzin par byed pa
10a₁₅ nyid kyis de'i rang bzhin nyid du gsungs pa rna ba zhes pa la sogs pa ste 'dir lus kyi chos la rna ba ni stong pa'i mtshan nyid 'dzin par byed pa nyid kyis gzung ba'i yul 'dzin pas rdo rje'i rang bzhin te sgra'i rang bzhin no/ /'dir 'dzin pa'i
10a₁₆ chos ni lus kyi dbye bas gsungs te gzung ba'i chos ni bsam pa'i dbye bas so/ /de'i phyir gzung bar bya ba'i rang bzhin gyis bskyed par bya ba dang bskyed par byed pa'i rang bzhin rnam par shes par bya'o/ /mi yi bdag po
10a₁₇ pad ma'i lha mo rnams kyi rgyan dang phyag rgya lnga po rnams ni bcom ldan 'das ma'i ji lta ba de bzhin du shes par bya'o zhes pa nges pa'o/ /da ni nag mo 'bar ma la sogs pa rnams kyi g.yas dang g.yon gyi phyag gi mtshan ma
10a₁₈ rnams gsungs pa nag mo zhes pa la sogs pa sde nag mo yi ni dang po'i phyag gi 'thil na spos kyi snod dang gnyis pa dag na bsil ba'i snod de tsan dan gyi snod dang dmar po sbyar ba gur gum kyi snod ni gsum pa na'o/ /myos byed dang bcas
10a₁₉ ri bong 'dzin pa zhes pa gla rtsi dang bcas pa'i ga pur gyi snod ni bzhi pa na ste g.yas kyi phyag rnams na'o/ /g.yon pa'i dang po na dril bu dang gnyis pa na pad ma dang gsum pa na lha'i shing gi me tog dang bzhi pa na me tog sna tshogs kyi phreng ba rim
10a₂₀ pas so zhes pa ste shar gyi 'dab ma la'o/ /dmar mo 'bar ma'i g.yas kyi phyag dang po na mar me dang gnyis pa na do shal dang gsum pa na cod pan dang bzhi pa na gdu bu'o/ /de bzhin du g.yon pa'i phyag dang po na gos dang gnyis pa na ska rags
10a₂₁ dang gsum pa na rin po che'i rna rgyan dang bzhi pa na rkang gdub bo/ /de bzhin du ser mo 'bar ma'i g.yas kyi dang po na dung dang gnyis pa na gling bu dang gsum pa na nor bu dang bzhi pa na Da ma ru'o/ /g.yon gyi dang po na rgyud mangs dang gnyis pa na rnga dang
10a₂₂ gsum pa na sgra sgrogs pa'i 'khar rnga dang bzhi pa na zangs dung ngo / /de bzhin du dkar mo 'bar ma'i dang po na 'o ma'i snod dang gnyis pa na chu'i snod dang gsum pa na mchog gi sman dang bzhi pa na chang gi snod do/ /g.yon gyi dang po na bdud rtsi'i
10a₂₃ snod dang gnyis pa na grub pa'i ro'i snod dang gsum pa na bdud rtsi'i 'bras bu dang bzhi pa na zas kyi snod de dkar mo yi'o/ /rang gi phyag rgya dang bcas pa ste rdo rje sems dpa' rdzogs pa'o/ /da ni ming dang gzugs la sogs
10a₂₄ p a skyed pa'i slad du 'dod chags chen pos gdul bar bya ba'i sems can gyi 'jig rten dang po'i sangs rgyas bstan par bya ba'i snod du mngon par gzigs nas shin du dga' ba'i sgras rang gi lus la mi bskyod pa la sogs pa'i rgyal ba'i tshogs rnams dang nam mkha' la
10a₂₅ thab khung zlum po'i pad ma'i lte ba la mtshan ma ni pad ma'o/ /gru bzhi pa la 'khor lo dang gzhu'i rnam pa la gri gug dang zur lnga pa la ral gri dang zur gsum pa la mda' dang zur bdun pa la rdo rje lcags kyu dang zur drug pa la rmongs pa
10a₂₆ la sbrul dang zur brgyad pa la lcags sgrog go/ 'dir thab khung gnyis kyi mtshan ma bzlog pa ni sdeb sbyor gyi dbang gis te mtshan ma'i nges pa'o/ /'di rnams kyi tshad gsungs pa gcig ces pa la sogs pa ste zlum po ni khru
10a₂₇ gcig pa'o/ /gru bzhi pa ni khru gnyis pa dang gzhu'i rnam pa ni khru phyed pa dang zur lnga pa ni zlum po'i tshad dang zur gsum pa ni sor nyi shu dang zur bdun pa ni sor bzhi bcu dang zur drug pa ni sor sum bcu dang zur brgyad pa ni sor drug
10a₂₈ bcu'o/ /thab khung gi phyed kyi tshad ni zabs so/ /thab khung gi drug gi cha shas ni kha khyer ro/ /thab khung gi bcu gnyis kyi cha shas ni mchu'o/ /mtshan ma'i phreng ba yang kha khyer la kun nas so/ /phyi rol du chu skyes 'dab ma
10a₂₉ rnams ni zhi ba dang rgyas pa la'o/ /lhag ma'i las rnams la ni rtsigs pa'i phyi rol du gzhan dang gzhan 'chad par 'gyur ro/ /yang na las thams cad la thab khung gi dbus su rdo rje mtshan mar shes par bya'o/ /da ni sa
10a₃₀ la phur bu gdab pa'i don du phur bu gsungs te 'dir phyogs bcur phur bu gdab pa'i don du zhi ba la n+ya gro d+hA'i phur bu'o/ /rgyas pa la a shwad tha dang bsad pa la rus pa'i bdag nyid dang bskrad pa la lcags dang dbang la seng ldeng
10a₃₁ las skyes pa dang dgug pa la tsU ta las skyes pa dang rmongs pa la arka las skyes pa dang rengs pa la bil ba las skyes pa'o zhes pa ni phur bu'i nges pa ste las thams cad pa la u dum ba ra las skyes pa'o/ /da ni bum pa gsungs
10a₃₂ te zhi ba la shel gyi bum pa'o/ /rgyas pa la dngul gyi'o/ /bsad pa la mi'i thod pa'o/ /bskrad pa dang dbye ba la lcags kyi'o/ /dbang la gser gyi'o/ /dgug pa la zangs kyi'o/ /rengs pa la sa'i bdag nyid do/ /
10a₃₃ ye shes las kha dog sngon po ste mi bskyod pa sngon po'i cha byed can gyi rdo rje sems dpas rgyas btab pa ni las thams cad sgrub par byed pa'o/ /de ltar 'khor lo drug tu rigs drug gi
10a₃₄ lha rnams spro ba dang / 'gro ba'i don byed pa ste lo bcu drug gi rjes la dus kyi 'khor lo skyed par byed pa nyid kyis grub pa'o/ /zhes pa nges pa'o/ /'dir rnam par shes pa'i phung po mi bskyod pa ljang khu la mi bskyod pa'i
10a₃₅ gzugs sngon po dang ye shes kyi phung po sngon po la mi bskyod pa ljang khus rgyas btab pa'o/ /yang na sku dang gsung dang thugs dang ye shes kyi rigs bzhi'i dbye bas gang du rgyas gdab pa/ der zla ba'i chos las rnam par
10a₃₆ snang mdzad dkar po dang nyi ma'i chos las snang ba mtha' yas dmar po dang / sgra gcan gyi chos las mi bskyod pa nag po dang / dus me'i chos las rdo rje sems dpa' ser po'o/ /yang na sgrub thabs kyi le'u las
10a₃₇ gsungs pa'i cho gas rten dang brten pa'i 'brel pas rgyas btab ste/ de ltar na mi bskyod pas rnam par snang mdzad la rgyas gdab po/ /rnam par snang mdzad kyis snang ba mtha' yas la'o/ /snang ba mtha' yas kyis rin
10a₃₈ chen 'byung ldan la'o/ /rin chen 'byung ldan gyis don yod grub pa la'o/ /zhes pa rgyas gdab pa'i nges pa'o/ /de ltar khams gsum pa'i dbang phyug chen po mtha' yas 'khor lo can ni rgyud gzhan thams cad la rig par bya ste/
10a₃₉ rigs gsum dang rigs lnga la yang ngo / /da ni shes rab kyi rgyud spro ba gsungs pa phyogs kyi 'dab mar zhes pa la sogs pa ste/ 'dir rdo rje mkha' 'gro ma la sogs pa bzhi ni spyan ma la sogs pa dang sa la sogs pa'i/
10a₄₀ rang bzhin zhi ba la sogs pa'i dngos grub ster bar 'khor lo sdom pa las grags mod kyi de rnams kyang bden par sa la sogs pa'i las kyi dngos grub ster bar mi 'gyur te/ thugs kyi zhal la sogs pa kha dog nag po

_{iiif viewer powered by OpenSeadragon}

9b - 10b

Texts on this page