| e-texts navigator |
| བོད་ཡིག |
101b1 stong pa'o/ /rtsa ba dag las rig byed drag po dang ni zhes pa ni gnas dgu pa de nas rtsa bar phyed phyi ma ste gnas bcu pa la bzhi'o/ /bcu gcig pa la bcu gcig go/ bcu gnyis pa la nyi shu'o/ /bcu gsum pa la nyi shu rtsa brgyad do/ /
101b2 bcu bzhi pa la yang sum bcu rtsa bzhi gzhag par bya ste de ltar na go rims ji lta ba bzhin du gza' lag gi chu tshod rnams rgyu ba'i dbye bas yang dag par gnas par rig par bya'o/ /chu gter nam mkha' dag dang zla ba'i grangs brgya rtsa bzhi ni bla ma'i chu tshod
101b3 kyi tshogs te rgyu ba'i dbye bas rnam par phye ba dag gnas bzhi la 'gyur ba ni chu tshod kyi tshogs de las gnas gnyis dag la phyogs kyi tshad dang / gnas dang po la bcu ste gnyis pa la yang bcu'o/ /dgu nor dus zhes pa ni gsum pa la dgu'o/ /
101b4 bzhi pa la brgyad do/ /lnga pa la drug go/ drug lag pa zla ba dag dang zhes pa ni drug pa la drug go/ bdun pa la gnyis so/ /brgyad pa la gcig go/ rtsa bar ni phyed phyi ma la me drug bug pa dang ni drag po zhes pa ni dgu pa la gsum
101b5 mo/ /bcu pa la drug go/ bcu gcig pa la dgu'o/ /bcu gnyis pa la bcu gcig go/ mi bdag thub pa rnams te zhes pa ni bcu gsum pa la bcu drug go/ gnas bcu bzhi pa la bdun no/ /rgyu ba thams cad rim pas so
101b6 zhes pa ni de ltar gza' thams cad kyi rkang pa'i chu tshod rnams thams cad go rims ji lta bas rig par bya'o/ /myur zhes pa ni myur ba'i rgyu ba ste gza' shar ba'i phyed snga ma la'o/ /dal ba yang phyed phyi ma la'o/ /'khyog po ni rim pa min pas
101b7 phyed snga ma la'o/ /yang yig gis 'byung ba ni rim pa min pa'i phyed phyi ma la'o/ /gza'i tshogs ni nges par nyi ma'i dbye ba dag gis te nyi ma las rnam par dag pa'i dbye bas rgyu bar byed do/ /drug dang zla ba chu gter grangs zhes pa ni bzhi brgya bcu drug
101b8 gi tshogs te 'di dag ni pa sangs te dkar po'i gnas bcu bzhi la 'gyur ro/ /de las chu tshod rnams gnas gsum dag la nyi shu lnga ste zhes pa ni dang po'i gnas la nyi shu lnga ste gnyis pa dang gsum pa la yang ngo / /gnyis ni rgyal ba zhes dang /
101b9 khyim gnas de las tha ma'o/ /zhes pa rgyud kyi nges pa las dge slong dang dge tshul dang khyim pa de rnams kyi dbang bskur bas rgan pa 'am gzhon pa nyid thun mong gis gcig tu 'dus pa de'i phyir dge slong rdo rje 'dzin
101b10 pa'i gral ni shar du mngon par phyogs par gyur par bya'o/ /dge tshul gyi gral ni byang du mngon par phyogs pa'o/ /khyim pa'i slob dpon gyi gral ni lhor mngon par phyogs pa'o/ /de bzhin du dge slong ma'i gral dang dge tshul
101b11 ma'i gral dang dge bsnyen ma'i gral ni so sor ro/ /de rnams la rgan pa dang gzhon pa la sogs pas gdan rnams sbyin par bya'o/ /de la dge slong rnams las gang zhig dbang gis rgan pa ste 'on kyang rmongs pa dang gzhon pa
101b12 ni slob dpon chen po rgyud ston pa po yin na de dag las rgyud ston pa po gang yin pa de dpa' bo'i ston mo la tshogs kyi gtso bo ste rgan po ni khyim gzhan du so sor yang dag par mnyes par bya'o/ /de bzhin du rgan po chos
101b13 cho ston pa po ma yin pa'i man ngag dang ldan pa gzhan yang ste sems can gyi don byed mi nus pa'i phyir ro/ /gzhan yang dge tshul dang khyim pa sngon du dbang bskur ba rnams ni ji srid mngon par shes pa ma bskyed kyi bar du
101b14 dge slong rdo rje 'dzin pa las rgan por mi 'gyur ro/ /ci ste 'ga' zhig rtsod pa byed na yang de'i tshe nus pa dri bar bya'o/ /gal te mngon shes la sogs pa ston par byed na de'i tshe tshogs kyi gtso bo'o/ /ci ste yang dag pa'i spyod pa
101b15 btang nas brdzun gyi dbang bskur gyis mngon pa'i nga rgyal dang rtsod pa byed na de'i tshe rang gi gnas su bskrad par bya'o/ /ci ste phyung bas chad pa khas len na de'i tshe chad pa'i bdag pos bza' ba dang btung ba la sogs pa'i chad
101b16 pa sbyin par bya'o/ /de ltar dge slong dang dge tshul dang khyim pa rnams la go rim bzhin bza' ba dang btung ba la sogs pa sbyin par bya ste de rnams thams cad nyid ni shar du sngar gzhag par bya'o/ /de rnams kyi dbus su
101b17 la sogs pa ste 'dir bzang por spyod pa bsgrags pa las bcom ldan 'das kyis gsungs pa 'di lta ste/ rdul gcig steng na rdul snyed sangs rgyas rnams/ /sangs rgyas sras kyi dbus na bzhugs pa rnams zhes
101b18 gsungs pa'i phyir kun rdzob tu sangs rgyas rnams kyi bzhugs pa gang yin pa te ni rten spangs pa dang rten med pa ma yin no/ /sgrib pa med pa'i chos kyi don dam par ni bzhugs pa med te shes rab kyi pha rol du phyin pa'i chos
101b19 'phags kyi le'u las sangs rgyas rnams la gang du 'ang gshegs pa 'am byon pa ma byung ngo 'byung bar mi 'gyur ro mi 'byung ngo zhes gsungs so/ /des na dag pa'i rdul phra rab grub pa'i bcud khams thams cad
101b20 'bigs par byed pa rdul gcig gi rtse mo'i rten la sangs rgyas thams cad te gang dag stong pa'i mtshan nyid sgrib pa med pa rnams mtha' dag go/ de ltar sangs rgyas zhing ni ma lus las can min pa ste las kyi
101b21 rlung dang bral ba'o/ /srid gsum skyed par mdzad pa ye shes kyi skus rnam par gzigs nas ni dag pa'i rdul la sangs rgyas thams cad te de rnams dang thabs gcig tu bzhugs so/ /gnyi ga ro mnyam dag
101b22 pa'i rdul la zhes pa ni phal pa'i bcud grub pa'i bcud du byas pa dang 'khor ba pa'i byang chub kyi sems mi 'gyur bar byas pa la'o zhes pa'i don to/ /byang chub sems dpa' rnams kyis bskor ba ste zhes pa ni smon
101b23 pa'i sems kyis sgrib pa'i cha shas cung zad tsam dang ldan pa'o/ /rdo rje'i sras po rnams zhes pa ni so sor re re'i ro'i rdul la zhes pa shes rab dang thabs gnyi ga'i chos la gnas pa rnams te mi g.yo ba la
101b24 sogs pa la gnas pa rnams so zhes pa'i don to/ /de bzhin du sa la sogs pa'i rdul la 'dod chags dang bral ba la sogs pa'i zad par mngon sum du byas pa mtha' yas pa rnams te mi g.yo ba la
iiif viewer powered by OpenSeadragon
Texts on this page
J1006 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba