| e-texts navigator |
| བོད་ཡིག |
100b1 sems can rnams kyi dge ba dang mi dge ba'i dbang gis kyang tshe dman pa dang lhag par 'gyur zhing tshe lo brgya pa zhes bya ba'i nges pa med te/ de bzhin gshegs pa'i gsung gi phyir ro/ /grangs ni shin tu nges pa 'di dag rgyud kyi rgyal po dus kyi 'khor
100b2 lor rab tu grags pa yin no/ /mi yi dbang zhes pa ni phyag na rdo rje zla ba bzang po la bod pa'o/ /da ni dbu ma a ba d+hU tI'i drug bcu'i cha'i chu tshod rnams gza' lnga rgyu skar la 'char ba'i rkang pa'i chu tshod kyi tshogs su gsungs pa ma bcad ces pa la
100b3 sogs pa ste/ ma bcad dus kyi 'khor lo ni lo gsum dang phyogs gsum gyi nyin zhag ma bcad pa ste nyi shu rtsa lnga lhag pa'i brgya phrag bcu gcig gi bgrod pa dag la bu lon dgu ni mngal gyi zla ba dgu'i bu lon chu tshod dgu ni bsres par gyur pa
100b4 mtha' dag rnams te chu tshod kyi tshogs sum bcu rtsa bzhi lhag pa'i brgya phrag bcu gcig gi grangs rnams ni bkra shis la sogs gza' ni lnga po rnams kyi myur ba'i las te skar ma'i las dag la yang rkang pa'i chu tshod du 'gyur ro/ /sa skyes la
100b5 ni rig byed dus me zhes pa de dag las bkra shis la chu tshod kyi tshogs drug bcu rtsa bzhi lhag pa'i sum brgya'i grangasu 'gyur ro/ /srid pa'i gnas rnams dag la zhes pa ni rkang pa'i gnas bcu bzhi la ste skar ma phyed dang bcas pa'i bcu gsum
100b6 longs spyod pa'i phyir ro/ /rgyu ba'i dbye ba yis zhes pa ni nyi shu rtsa bzhi la sogs pa'i dbye bas so/ /snga phyi phyed la mtshungs par phyed snga ma la rgyu skar gyi rkang pa'i dbang gis brgya brgyad bcu rtsa gnyis dang phyed phyi ma la brgya brgyad bcu rtsa gnyis
100b7 te rgyu skar rnams kyi phyed phyed yin pa'i phyir ro/ /bu lon nor gyi bgrod pa dag la zhes pa ni rim pa min pas bu lon gyi bgrod pa dang rim pas nor gyi bgrod pa rnams la gnas kyi dbye ba nges par sbyar te nyi ma'i dkyil 'khor la shar ba'i skar ma ni
100b8 gnas dang po'o/ /gnas kyi dbye ba de las gzhan dang gnas bcu bzhi ste gnas kyi dbye ba de dag gis chu tshod de dag nges par sbyar ro/ /dang por rgyal dbang grangs te rgyu skar dang po spyad pa'i gnas la nyi shu rtsa bzhi'o/ /me dang mig ni rnam
100b9 p as kun spangs kyi slob ma la dbang bskur ba'i nges pa gsungs pa 'dir gang gi tshe kun spangs gyi slob ma la rdzas med na de'i tshe bla mas rdzas rnams med pa'i mngon par dbang bskur rgyal ba'i bdag po'i bka' yis kun
100b10 spangs la ni sbyin par bya ste rim pa ji lta bas dbang bdun dang de nas bum pa la sogs pa rnam pa gsum sbyin par bya'o/ /de bzhin du bzhi pa du ba la sogs pa'i lam sbyin par bya zhes pa ste tshig gis brjod par bya'o/ /
100b11 de bzhin du mtha' dag yon tan gter ni rtsa yi rnal 'byor ldan pa ste mi 'gyur ba'i bde ba chen po'i ska cig tshig gis brjod par bya'o/ /de la bsten pa'i don du las kyi phyag rgya med par gyur na lag pa'i phyag rgya sbyin par
100b12 bya ste rang gi snying gi dbang son lag pa'i phyag rgya ni skyon rnams kun las rnam par grol ba ste byang chub kyi sems brtan par byed pa'i ched du'o zhes pa nges pa'o/ /gzhan rnams la ni ste khyim pa rnams la ni rgyal ba mchog
100b13 gi snying po zhes pa rdo rje'i tshig yum gyi mchod pas rnam par dman par sbyin pa nyid du mi bya zhes pa ni de bzhin gshegs pa'i dbang gi nges pa'o/ /da ni dbang gi mthar zhes pa la sogs pas dkyil 'khor gshegs su gsol ba
100b14 gsungs te 'dir dbang gi mjug tu stod kor dang bcas pa'i gos zung bum pa'i steng du byin pa gang yin pa de rnal 'byor ma bum pa srung zhing skyong ba rnams la sbyin par bya'o/ /gzhan yang de bzhin stod kor dang ni gos zung dag so so'i
100b15 sgo na gnas pa srung zhing skyong ba rnams la rab tu sbyin par bya ste sngon du ji ltar 'byor pas cod pan la sogs pa sbyin par bya'o zhes pa ni nges pa'o/ /de bzhin du mtha' dag tshogs kyi rigs la bdag nyid nus pas de bzhin
100b16 gzhan tshogs kyi 'khor lor dpa' bo dang dpa' mo'i dbang phyug ma rnams la'o/ /de nas tshogs kyi 'khor lo gshegs su gsol te mthar ni sbyin sreg byas nas slob dpon gyis sngar bzhin du mchod pa byas ste shar gyi sgor
100b17 de ltar rang rang tshad kyis rgyal ba'i bdag po'i rgyu ba dbugs kyi dbus su 'gro dang gnas pa shes par bya zhes pa ni nges pa'o/ /'di'i rjes la tshigs su bcad pa bcu bzhi ni go sla'o/ /da ni 'jig rten gyi khams nye
100b18 bar sdud pa gsungs pa sa las zhes pa la sogs pa'o/ /'dir sangs rgyas bcom ldan 'das kyis chos bstan pa ni rnam pa gnyis te gcig ni 'jig rten kun rdzob dang gnyis pa ni don dam pa'o/ /de la 'jig
100b19 rten kun rdzob tu gsungs pa/ dbang skyes blo ni rnam med kyis/ /phra rab bsags pa dngos su rig /kha che'i gzhung gi chu gter gyi/ /bye brag smra ba'i gzhung 'dod 'gyur zhes pa dang / de bzhin du mu stegs pa
100b20 thams cad kyang rdul phra rab bsags pa 'dzin pa ste des na phyi rol du sangs rgyas kyi zhing rnams dang 'jig rten gyi khams rnams kyi yang skye ba dang 'jig pa rig par bya'o/ /de yang sems can rnams kyi dge ba dang mi
100b21 dge ba'i 'bras bu longs spyod pa'i rgyu las 'gyur te sems can gyi phung po ji srid pa de srid du'o zhes pa ni nges pa'o/ /des na 'jig rten gyi khams nye bar sdud pa'i dus su las kyi rlung 'di ni gang gis sngon 'jig rten
100b22 gyi khams dang sangs rgyas kyi zhing bskyed pa'o/ /de'i rang bzhin rnam pa gnyis te gcig ni nam mkha' la brten pa'i skar ma bzhin du g.yo ba med pa ste 'jig rten gyi khams dang sangs rgyas kyi zhing gi phyogs
100b23 gang du yang 'gro bar mi byed do/ /gnyis pa ni nam mkha' la khyim gyi 'khor lo bzhin du 'khor ba'i rang bzhin no/ /de bzhin du 'jig rten gyi khams kyi nang du 'dus pa'i brtan pa rnams ni mi g.yo ba'i
100b24 rang bzhin no/ /srog chags rnams ni g.yo ba'i rang bzhin te las kyi rlung zhes pa ni rnam par shes pa'i chos nyid do/ /de bzhin du rdul phra rab las grub pa'i lus rnams nye bar srung pa'o/ /des na 'chags
iiif viewer powered by OpenSeadragon
Texts on this page
J1006 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba