| e-texts navigator |
| བོད་ཡིག |
100a1 pa'i 'o/ /mun can sgra gcan gyi ni lo dgu nyin mtshan phyed du 'gyur te rgyu skar phyed kyi 'khor lo nye bar longs spyod pa'i phyir ro/ /de dag thams cad gcig tu bsdus pa ni nor gyis bsgyur ba'i dus kyi lo sum bcu rtsa gnyis dang phyed bcas zla ba
100a2 gsum du 'gyur te sems can rnams kyi snying stobs kyi yon tan gyi dbyi bas so/ /phyed dang bcas pa'i nyin zhag grangs dag las phyed dang bcas pa'i rgyu skar gyi 'khor lo la nye bar longs spyod pa'i phyir snying stobs dang rdul dang mun pa'i dbye bas lo
100a3 brgyar 'gyur te/ dus kyi 'khor lo dman no zhes pa ni lo gsum dang phyogs gsum gyis dman pa ste gza' brgyad po rnams kyi gcig tu bsdus pa las phyed dang bcas pa'i zla ba bcu lhag pa'i lo dgu bcu rtsa drug gi tshogs su 'gyur ro/ /'dir srog ni snying
100a4 stobs la 'bab ces pa ni phyed dang bcas pa'i zla ba gsum lhag pa'i lo sum bcu rtsa gnyis kyi bar du sems can rnams kyi srog ni snying stobs la ste snying stobs kyi yon tan gyis 'bab bo/ /de'i 'og tu rdul gyi bar du tshad de nyid kyis so/ /de'i 'og
100a5 tu mun pa la yang rim pa de nyid kyis so/ /lha mi lag 'gro rnams kyi rang rang gi lo brgya'i tshad las snying stobs dang rdul dang mun pa rnams kyi mtha'i mtshams de nas lnga pa nyid du 'gyur ro/ /zla ba phyed bcas mtshan mo dag gis zhes pa ni dus kyi
100a6 'khor lo'i phyogs gsum gyis te kyang zhes pas sngar gyi lo gsum gyis so/ /'dir 'khor ba pa rnams lnga pa nyid 'chi bar 'gyur te skyes bu tshe lo brgya pa dbang po brgya pa zhes pa'i tshig 'jig rten pa'i tha snyad las so/ /don dam pa'i rigs pas
100a7 ni nges pa med de sems can rnams kyi rang rang gi las kyi dbang gis skye ba dang 'gag par sangs rgyas pa rnams kyis rtog par bya'o/ /skyes bu tshe lo brgya pa dbang po brgya pa zhes pa ni dgongs pa'i skad de skyes bu ni phyi rol du dus bzhi'i bdag nyid kyi lo khri phrag
100a8 gnyis lhag pa'i 'bum phrag bzhi bcu rtsa gsum gyi dbugs gyi mtshan nyid do/ /nang du ni dbugs kyi tshad de nyid kyis dus bzhi'i bdag nyid te gang gi dus su gza' thams cad kyi rgyu ba stong pa la 'jug par 'gyur ba'o zhes pa ni don dam pa'i rigs pa'o/ /
100a9 nges pa'o/ /de bzhin du khams kyi cha shas zhes pa ni gser dang rin po che dang 'bru la sogs pa sems med pa'i rdzas rnams ni khams te yun rings kyi dang glo bur du byung ba'i khams de rnams las drug gi cha shas
100a10 ni rnal 'byor ma la sogs pa mchod pa'i don du dbul bar bya'o/ /de bzhin du sems dang bcas pa rkang gnyis pa dang rkang bzhi pa rnams kyi drug gi cha shas dbul bar bya ste cha shas lnga ni bdag nyid dang rtsa lag nye bar longs spyod pa'i don
100a11 du gzhag par bya'o/ /de bzhin du de nyid cha yis gzhan zhes pa gzugs bzang chung ma la sogs pa zla ba'i nang du lan lnga 'dod pa'i sbyin pa dbul bar bya'o zhes pa ni de bzhin gshegs pa'i nges pa'o/ /rnam pa gzhan du
100a12 s ngags kyi tshul la 'dod pa sbyin pa ma gtog par skal pa mtha' yas pa dag gis phyag rgya chen po'i dngos grub tu mi 'gyur zhing las kyi phyag rgya dang ye shes kyi phyag rgya'i dngos grub tu yang mi 'gyur te chags pas zil gyis
100a13 mnan pa rigs la zhon pa'i phyir ro/ /de ltar drug cha dbul ba'i nges pa'o/ /da ni sems can gang dag ces pa la sogs pas snying rje'i dbang bskur ba gsungs pa 'dir 'jig rten gyi khams te 'gro ba drug po rnams
100a14 l as sems can gang dag dbang ma bskur ba rnam gsum srid par gnas rnams thams cad mkhyen pa'i ye shes rdo rje lcags kyus bkug nas bsgoms pa tsam de rnams la mchog gi snying rjes dkyil 'khor du ni sangs rgyas
100a15 r nams te bshang ba dang gci ba dang khrag dang rkang rnams dang de bzhin du rdo rje'i bdud rtsi ste khu bas mngon par dbang bskur ba dri med ri bong can gyi lus dang de nas rdo rje can gyi lam thob par 'gyur ba zhes rnam par bsgoms shing de nas
100a16 rdo rje slob dpon gyis dri ma rnam par bral zhing byang chub spyod la rjes su gnas pa de rnams thams cad rang gi gnas su gtang bar bya'o zhes pa ni snying rje'i dbang gi nges pa'o/ /da ni rdzas rnams mid pa'i zhes pa la sogs
100a17 lo de rnams kyis gang gi tshe dus kyi mthar gyur pa ni mkha' mkha' nam mkha' mkha' mig me dang chu gter zhes pa nus pa'i dbugs dang lo nyi khri lhag pa'i 'bum phrag bzhi bcu rtsa gsum mo/ /de bzhin du
100a18 sems can thams cad kyi'o/ /dbugs rnams kyi mthar dbugs gcig ni phyi rol du 'jig rten gyi khams la lo dang dbu ma la dbugs gcig ste lo gang la rtsod dus las 'byung zhing rdzogs ldan gyi dus la 'jug
100a19 pa'o/ /de ltar dus bzhi rnams kyis nus pa'i dkyil 'khor bcu'i rtsar rab tu 'bab ste dkyil 'khor re re ni lo stong phrag sum bcu rtsa gnyis lhag pa'i 'bum phrag bzhi'o/ /de ltar rdzogs ldan la dkyil
100a20 'khor bzhi ste g.yon gyi rtsa la nam mkha' dang rlung dang me dang chu'o/ /gsum ldan la g.yon gyi rtsa de nyid la dkyil 'khor gcig ste sa'i mtshan nyid do/ /de nas dbu ma la 'jug ste dkyil 'khor lnga po rnams
100a21 la stong phrag sum bcu rtsa lnga lhag pa'i 'bum phrag gcig bzung nas dbu ma'i dus so/ /de nas g.yas la yang dag par rgyu ba ste sa'i dkyil 'khor dang chu'i dkyil 'khor ni gsum ldan la'o/ /de nas gnyis
100a22 ldan la me dang rlung gi dkyil 'khor ro/ /rtsod ldan la nam mkha'i dkyil 'khor te de la dus rdzogs par 'gyur ro/ /de nas dbu ma'i dbugs rnams kyi mthar dbugs gcig lhag pas thams cad snang bar
100a23 byed do/ /gal te dbugs kyi tshad des sad pa'i gnas skabs la gnas na dbugs de ni sems can thams cad kyi gnyid kyi gnas skabs su 'gyur ro/ /de ltar dbugs nyi khri lhag pa'i dbum phrag
100a24 bzhi bcu rtsa gsum gyis nang du gza' rnams kyi dus gcig tu 'gyur ro/ /stong pa'i dkyil 'khor gyi mthar dbu mar ye shes kyi dkyil 'khor la 'jug par 'gyur te de bas na de gzung bar bya'o/ /
iiif viewer powered by OpenSeadragon
Texts on this page
J1006 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba