rKTs

e-texts navigator

Volume

Page

37a₁ des na chos kyi dbyings sngon du 'gro ba shes bya'o/ /mdo sde 'di nyid kyi mthus lha'i bu grangs med dpag tu med pa dag rgyun du zhugs par gyur to/ /rigs kyi bu su mdo sde 'di 'chang ba dang klog pa la de bzhin gshegs pa thams cad sras su
37a₂ 'du shes skyed do/ /'khor ba de nyid du 'chi ba'i dus byas nas mya ngan las 'das pa'i lam la 'jog par byed do/ /lag na rdo rjes gsol pa/ sangs rgyas 'khor ba bgrod dkar sems can gyi/ /srid pa'i phur ba 'byin cing shes rab kyis/ /srid
37a₃ phur sems klung 'joms shing thub pa yi/ /chos bstan pas ni sdig 'joms legs chos spyod/ /bcom ldan 'das kyis bka' stsal pa/ lag na rdo rje legs par rab tu bshad pa legs so legs so/ /lag na rdo rjes gsol pa su mdo sde 'di
37a₄ 'chang ba dang klog pa dang / gzhan dag la yang rgya cher yang dag par rab tu ston pas bsod nams kyi phung po ci zhig thob par 'gyur/ bcom ldan 'das kyis bka' stsal pa/ rigs kyi bu su mdo sde 'di 'chang ba dang / klog pa dang gzhan dag la yang rgya cher yang
37a₅ dag par rab tu ston pa des na ting nge 'dzin bye ba thob par 'gyur ro/ /sangs rgyas dang byang chub sems dpa' 'khor dang bcas pa bye ba mthong bar 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas bye ba khrig khrig brgya stong
37a₆ phrag mang po mthong nas bsam pa rgya chen pos sti stang byed par 'gyur ro/ /bla mar byed par 'gyur ro/ /rim gror byed par 'gyur ro/ /mchod par byed par 'gyur ro/ /chos gos dang bsod snyoms dang / mal cha dang na ba'i gsos sman dang / yo byad rnams kyang
37a₇ 'bul lo/ /byang chub sems dpa' rnams la yang bde bar sbyar ba sgrub po/ /dge 'dun gyi tshogs la yang rim gro byed par 'gyur ro/ /dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do/ /de bzhin
37a₈ gshegs pa dgra bcom pa yang dag par rdzogs pa'i sangs rgyas de dag la yang bsnyen bkur byed par 'gyur ro/ /de dag gi chos bstan pa la yang sti stang du byas te nyan to/ /len to 'dzin to klog go/ byang chub sems dpa' lag na rdo rje ji lta ba

_{iiif viewer powered by OpenSeadragon}

36b - 37b

Texts on this page