| e-texts navigator |
| བོད་ཡིག |
232a1 de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo yangs pa'i grong khyer ga la ba der 'dong ngo / /btsun pa de ltar bgyi'o zhes gsol nas/ tshe dang
232a2 ldan pa kun dga' bos bcom ldan 'das kyi ltar mnyan to/ /de nas bcom ldan 'das yul 'bri rdzings yul rgyu zhing gshegs te/ yangs pa'i grong khyer du byon nas yangs pa'i grong khyer gyi a mra bsrung
232a3 ba'i tshal na bzhugs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo yangs pa'i grong khyer du song la phyin nas/ sgo'i them pa la rkang
232a4 pa zhog ste/ gsang sngags kyi gzhi 'di dag dang / tshigs su bcad pa 'di dag smros shig /bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis
232a5 bka' stsal to/ /sangs rgyas thams cad kyis dgongs pa/ rang sangs rgyas thams cad kyis bsams pa/ dgra bcom pa thams cad kyis bsams pa/ slob pa thams cad kyis bsams pa/
232a6 nyan thos thams cad kyis bsams pa/ bden pa'i tshig dang ldan pa thams cad kyis bsams pa/ chos kyis bsams pa/ tshangs pas bsams pa/ tshangs pa so sos bsams pa/
232a7 'dod pa'i dbang phyug gis bsams pa/ dbang pos bsams pa/ lhas bsams pa/ lha ma yin gyi dbang pos bsams pa/ lha ma yin gyi mngag gzhug pas bsams pa/ 'byung po thams
232a8 cad kyis bsams pa/ bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsal to/ /mun tsa ta/ mun tsa ta/ ma 'dug shig /yams kyi nad rnams zhi bar gyur cig /
iiif viewer powered by OpenSeadragon
Texts on this page
J990 - 'phags pa yangs pa'i grong khyer du 'jug pa'i mdo chen po