rKTs

e-texts navigator

Volume

Page

222a₁ de nas gnyis kyis myur du phyin nas/ de bzhin du bgyis pas gzod dga' nas longs spyod cing lus bag glan no/ /de nas chos ston la bab nas gnyis po re mos byas te/ shA ri'i
222a₂ bus bshos gsol nas gcig gsol du stsal te/ chab byin pas yang gong bzhin brjod de bros so/ /yang gnyis kyis yid ma ches nas bcom ldan 'das la zhu ru mchis so/ /bcom ldan 'das lags/ bdag cag gis gsungs pa bzhin bgyis
222a₃ lags pas gso ru btub par gda' ba la chos ston yol du dogs nas 'tshal nas yang sngar bzhin brjod cing bros nas yang zhu ru mchis so/ /bka' stsal pa/ de ni khyod kyi sen bar du tsam pa las pas lan pa yin gyis/ lag pa khrus la gzod
222a₄ byin cig / de'i drung du 'gro mi dgos te 'di nyid kyis btub po zhes gsungs so/ /de gnyis kyis khrus bgyis te/ chu sbyin stsal bas yi dags mo de nyid du 'ongs nas cung zad na mdangs dang ldan par gyur to/ /de nas yang bcom ldan 'das kyis bka' stsal
222a₅ pa/ 'di lta bu'i chu sbyin 'di ni 'dir ma zad de dus thams cad du yang yi dam du gyis la thong cig /gzhan la yang rgya cher spel cig /de ci'i phyir zhe na/ 'di'i phan yon ni dpag tu med de tshad las 'das so/ /mdo tsam brjod na 'di lta ste/ 'jig rten
222a₆ gyi khams kyi mi phyug po rnams la sbyin pa byas pa bas dbul po 'ga' zhig la sbyin pa byas na de'i bsod nams brgya'i char yang mi nye ste/ de ci ste zhe na/ phyug po rnams ni nga rgyal te dregs pa dang rgyags pas gnas ngan len spro bar byed do/ /'jig rten
222a₇ gyi khams kyi dbul po rnams la sbyin pa byas pa bas yi dags 'ga' zhig la sbyin pa byas na de'i bsod nams brgya'i char yang mi nye'o/ /de ci ste zhe na/ dbul po rnams la ni 'bad du yod/ btsal du yod/ bslang du yod do/ /yi dags las kyis de lta bu dag ma
222a₈ yin gyi/ ma bsngos na kha ru chud kyang dug chen por 'gyur ro/ /'jig rten gyi khams kyi yi dags la sbyin pa byas pa bas 'jur 'gegs kyi yi dags gcig la chu byin na de'i bsod nams brgya'i char yang mi nye'o/ /de ci ste zhe na/ yi dags de dag la ni dmigs

_{iiif viewer powered by OpenSeadragon}

221b - 222b

Texts on this page