rKTs

e-texts navigator

Volume

Page

221b₁ pa lags so/ /bka' stsal pa/ rigs kyi bu dag de ni shin tu yang legs so/ /ngas bshad kyis legs par nyon la yid la zung shig /de ci las gyur na lus sngo la skam pa ni rang gis za ma phod pa las gyur to/ /
221b₂ ske phra ba ni gzhan za zhing spyod pa la bdag gis ser sna byas pa las gyur to/ /yan lag phra la sor mos thad kar phug pa ni gzhan la sbyin pa dag la ches kyis phri la byin ces byas pa dang / rang gis kyang spyod mi phod pa las gyur to/ /skra 'dzings
221b₃ pa ni kun gyi yid du mi 'ong ba byas pa las gyur to/ /mig dmar ba ni 'dod chags kyis yongs su rgyas pa las gyur to/ /g.yon du yo ba ni mig mi legs par gzhan la bltas pa las gyur to/ /ma mchu ring la g.yas su yo ba ni ster na yang
221b₄ ches par 'ong ngo zhes byas pa las gyur to/ /kha nas sgra rnam pa lnga sgrogs pa ni byed pa rgyu 'thun pa'i 'bras bu ste/ sngon brjod pa'i bag chags rtas pa las gyur to/ /de lta bu'i las kyi dbang gis gzhan ci byin yang phan par mi 'gyur te/
221b₅ chu gcig pu las rang gis sbyin nus pa ma yin te/ gzhan gyi chu la 'jur 'gegs ma byas pas da lta yang chu gtsang ma tsam pas ma reg pa la sngags lan cig btab ste/ se gol lan cig gtogs te byin na de'i rgyud
221b₆ grol zhing 'dod pa tshim par 'gyur ro/ /de 'di lta ste/ oM dz+wa la mI dam sarba pre te b+h+yaHswA hA/ gsol pa/ de'i 'bru don bshad du gsol/ bka' stsal pa/ oM ni ye shes lnga'i rang bzhin te don dam pa'o/ /
221b₇ dz+wa la 'dod pa me ltar 'bar ba'o/ /mI dam ni mi'i rgyud kyis ser sna dang 'jur 'gegs byas pa'o/ /sarba ni de lta bu'i las las gyur pa thams cad do/ /pre te ni yi dags kyi snying po ste las kyi rgyud smin
221b₈ pa'i don to/ /b+h+yaHni las dang sdug bsngal byang bar bya ba'i don to/ /swA hA ni las dang sdug bsngal bkres skom byang bar gyur cig pa'o/ /da myur du song la de ltar gsos gcig ces gsungs pas/

_{iiif viewer powered by OpenSeadragon}

221a - 222a

Texts on this page