rKTs

e-texts navigator

Volume

Page

83a₁ gyi tshig lta bur gda' ba lags te/ rigs kyi bu 'am rigs kyi bu mo gang la la gzungs sngags gzhi 'di dag 'dzin pa dang / bzlas te bton nas 'chang ba de ni sngon gyi las ma gtogs par gzhan gyi gnod pa thams cad
83a₂ las 'da' ba dang / 'gro ba thams cad dang rjes su 'thun par 'gyur ro/ /de la ni dam pa'i chos thams cad yongs su gzung ba la yang bar chad 'byung bar mi 'gyur lags so/ /de nas bcom ldan 'das kyis rgyal po chen po
83a₃ bzhi po dag la grogs po dag khyed bstan pa yun ring du gnas par bya ba'i phyir zhugs pa legs so legs so zhes bya ba byin no/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod
83a₄ kyis de dag rdzu 'phrul che bar 'gyur ba dang / phan yon che ba dang byin che bar 'gyur ba'i phyir gzungs kyi chos kyi rnam grangs 'di zung shig /long shig /chongs shig /lhogs shig /kun chub par gyis shig /gzhan dag la yang rgya
83a₅ cher rab tu ston cig / gsol pa/ bcom ldan 'das rgyas par bgyi ba'i slad du bdag gis gzung lags so/ /de nas bcom ldan 'das kyis don 'di nyid rgyas par bstan pa'i phyir de'i tshe tshigs su bcad pa 'di dag bka'
83a₆ stsal to/ /gzungs sngags gyi ni mdo sde 'di/ /sangs rgyas kun gyis gsungs pa ste/ /sems can rnams la phan pa'i phyir/ /de ni ngas kyang bshad pa yin/ /gang zhig gzungs sngags mdo sde 'di/ /'dzin tam yang
83a₇ na klog byed pa/ /tshe rabs nyi shu rtsa gcig tu/ /de ni tshe rabs dran par 'gyur/ /gzungs sngags 'di rjod byed de la/ /mi min gang yang rung ba dang / /gnod sbyin grul bum srin po dag /nams kyang bar chad mi byed do/ /
83a₈ gzungs sngags 'di rjod byed de la/ /'dod khams dbang phyug gang yin pa/ /sdig can bdud de nam du yang / /bar chad byed par mi 'gyur ro/ /gzungs sngags 'di 'dzin byed de yi/ /pha ma dang ni phu nu dang / /sring mo mdza' bshes

_{iiif viewer powered by OpenSeadragon}

82b - 83b

Texts on this page