| e-texts navigator |
| བོད་ཡིག |
170b1 phyug cing 'byor pa dang ldan par bgyi ba dang / sdig pa mi dge ba'i las dang kha na ma tho ba lci ba rnams yongs su sbyang zhing bsal ba dang / sgrib pa'i bgegs rnams dang 'bral ba dang / chos dkar po'i yon tan thams
170b2 cad 'phel bar bgyi ba dang / dge ba'i sa bon thams cad phun sum tshogs par bgyi ba dang / 'jigs shing skrag pa thams cad yongs su spang bar bgyi ba dang / re ba thams cad myur du yongs su rdzogs par bgyi ba'i
170b3 slad du deng bshad par 'tshal na/ bcom ldan 'das thugs brtse bar dgongs te gnang bar mdzad du gsol/ bcom ldan 'das kyis bka' stsal pa/ rigs kyi bu khyod snying rje chen pos sems can rnams la phan
170b4 pa dang bde ba 'dod pa'i phyir rig sngags bshad par 'dod pas deng dus la bab kyis myur du smros shig dang / de bzhin gshegs pa nga dang sangs rgyas bcom ldan 'das rnams kyang rjes su thugs dgyes par mdzad
170b5 do/ /bcom ldan 'das la byang chub sems dpa' spyan ras gzigs dbang phyug gis yang 'di skad ces gsol to/ /bcom ldan 'das bdag mngon par dran lags te/ sngon byung ba'i bskal pa 'bum phrag tshad
170b6 ma mchis pa snyed 'das pa de'i tshe de'i dus na/ bcom ldan 'das de bzhin gshegs pa 'od stong gi rgyal po zhi bar gnas pa zhes bya ba 'jig rten du byung ste/ sangs rgyas bcom ldan 'das des bdag dang sems can
170b7 thams cad la thugs brtse ba'i slad du thogs pa ma mchis pa'i thugs rje chen po rgya cher yongs su rdzogs pa zhes bgyi ba'i gzungs 'di bka' stsal nas/ phyag gser gyi kha dog can gyis bdag gi spyi bo la byugs te
170b8 'di skad ces/ rigs kyi bu khyod thugs rje chen po'i rig sngags 'di zung shig dang / ma 'ongs pa'i dus ngan pa'i sems can thams cad la phan pa dang bde ba chen po byed par 'gyur ro zhes bka' stsal to/ /bdag de'i tshe
iiif viewer powered by OpenSeadragon
Texts on this page
J815 - 'phags pa byang chub sems dpa' spyan ras gzigs dbang phyug phyag stong spyan stong dang ldan pa thogs pa mi mnga' ba'i thugs rje chen po'i sems rgya cher yongs su rdzogs pa zhes bya ba'i gzungs