| e-texts navigator |
| བོད་ཡིག |
73b1 mdzad cing / /thugs rje chen po ye shes kyis/ /tshogs pa'i 'bras bu legs smin mdzad/ /sku mdangs dga' ba'i bzhin bcas pas/ /gsang ba'i theg pa bstan du gsol/ /khyod kyi dgongs don gting dpag dka'/ /zab cing
73b2 phra la rgya che bas/ /'khor rnams the tshom ri bos non/ /thugs rje che mnga' gsal bar mdzod/ /'di dag thams cad bstan pa'i snod/ /mgon po btang snyoms lhun mnga' mdzad/ /dus 'dir rtsom pa don che ste/ /smon lam
73b3 'bras bu mthar phyin mdzod/ /de skad ces gsol pa dang / bcom ldan 'das rdo rje 'dzin pa de nyid kyis stong gsum gyi stong chen po'i brtan g.yo'i dkyil 'khor thams cad thugs mnyam pa nyid rtse gcig gi sgo nas gzigs so/ /
73b4 rnam par gzigs kun tu gzigs/ de ltar dgongs nas dkyil 'khor 'di dag thams cad smra bsam las 'das par sna tshogs rnam par smros shig /de nyid dngos po dang bar gzigs nas/ /gzigs pa'i mtha' dang / dgongs pa'i
73b5 mtha' dang / mdzad pa'i mtha' kun la snyoms pa'i ting nge 'dzin la snyoms par bzhugs te/ bkod pa dang / rnam par bkod pa dang / rnam par bshad pa dang / dgongs pa dang / rnam par dgongs pa dang / rol pa dang / rol pa chen po
73b6 dang / mdzad pa dang / sna tshogs mdzad pas kun tu spro bar mi byed de/ 'jig rten drug gi rnam pas bsdus pa'i stong gsum gyi dngos po 'di dag /sangs rgyas kyi dkyil 'khor 'di las gzhan du snang bar mi dgongs so/ /de'i dus
73b7 dang / sa dang sa'i khyad par dang / dkyil 'khor bkod pa dag kyang rnam par mi gzigs/ kun tu mi gzigs shing dgongs pa yang mi 'gog go/ de dag ni mthar yang mi gnas shing nam mkha' lta bur bzhugs so/ /de nas
73b8 ting nge 'dzin de la zhugs ma thag tu 'khor gyi dkyil 'khor de dag kyang chos thams cad kyi dkyil 'khor gyi rang bzhin nam mkha' lta bur rtogs par 'gyur ro/ /de nas yang gsang ba'i bdag po lag na rdo rje ngo mtshar gyi sgo nas
iiif viewer powered by OpenSeadragon
Texts on this page
J757 - de bzhin gshegs pa thams cad kyi dgongs pa bla na med pa gsang ba rta mchog rol pa'i rgyud chen po zhes bya ba