| e-texts navigator |
| བོད་ཡིག |
73a1 dkyil 'khor gsal bar byed pa bkye bas/ des phyogs bcu'i 'jig rten gyi khams thams cad gsal bar byas pa dang / ya mtshan gyi ltas chen po bcwa brgyad 'byung bar gyur to/ /de nas snod dang bcud du bcas pa'i
73a2 gsal zhing 'bar bar gyur nas/ phyogs bcu'i sangs rgyas dang byang chub sems dpa' rnams kyi thugs dam bskul te/ de dag gis kyang cho 'phrul rnam par 'khod pa zhes bya ba phyag rgya chen pos rang gis 'khor lo'i khyams dag tu spro bar
73a3 byed mdzad do/ /de yang zhing khams rnam par sbyong zhing slar 'khor gyi 'khor dang bcas ba 'od zer 'phro ba'i gnas su 'dus so/ /de ltar 'chad pa'i rgya chen bo'i rnam par rol 'phrul pas rol zhing zhal 'dzum pa dang bcas par gyur nas
73a4 bzhugs pa las 'khor thams cad kyis the tshom skyes par gyur to/ /de'i dus na 'thun par gleng ba ni/ kye ma ho ya mtshan sna tshogs chos/ /rgyal ba'i mdzad pa ya mtshan che/ /cho 'phrul dpag med gyur pa yi/ /dgos pa'i don
73a5 nyid ji lta bu/ /rgyu rkyen med par sangs rgyas ni/ /gsang gsum dam tshig spro mi mdzad/ /de yi mtshan nyid yang snang ba/ /gsang ba'i dbang po bskul bar mdzod/ /khyod ni rgyal ba kun gyi sras/ /dgongs don rgya mtsho don mnga' ba/ /bka'
73a6 yi bdag po dgongs mdzod dag / legs par zhu zhing gsol gdab mdzod/ /de nas gsang ba'i bdag po lag na rdo rjes lnga brgya dang bcas pas gzhan dag gi the tshom rnam par gcod pa dang rang nyid kyi sgo gsal bar bya ba'i phyir mdun rol
73a7 nas langs te/ phyogs bcu nas 'khod nas mchod pa'i tshogs rgya chen po bkod cing rgyal ba kun la mchod de/ /lan brgya rtsa brgyad du bskor ba byas shing rtse gcig tu gus pas phyag 'tshal nas/ dga' ba'i bzhin gyis gsol ba btab
73a8 pa/ e ma rgyal ba nyid kyi sku/ /rnam par 'phrul pa'i dkyil 'khor dag /ting 'dzin ye shes gnas las byung / /dga' mdzad dkyil 'khor 'dus pa dang / /byang chub sems sprin char chen gyis/ /nyon mongs la sogs sbyong
iiif viewer powered by OpenSeadragon
Texts on this page
J757 - de bzhin gshegs pa thams cad kyi dgongs pa bla na med pa gsang ba rta mchog rol pa'i rgyud chen po zhes bya ba