| e-texts navigator |
| བོད་ཡིག |
71b1 phyis 'byung ba ni gang yang med/ /dgra bgegs 'bum 'am stong yang rung / /de ma thag tu brlag par byed/ /khrag gi char yang 'bebs par byed ces gsungs pas/ 'jig rten gyi khams 'di dag thams cad tshar bcad de/
71b2 drag po'i phrin las grub par gyur to/ /de nas 'khor rnams kyis/ 'jam dpal khro bo gshin rje gshed po la 'di skad ces bstod do/ /'phags pa khro bo 'jam dpal gshin rje gshed/ /chos sku byang chub sems
71b3 kyi rang bzhin las/ /tshad med bzhi yi ngang nyid rnam dag pas/ /bdag nyid khro bo 'bar ba'i skur ston cing / /tshangs pa brgya byin lha chen drag po rnams/ /gnyis med byang chub sems kyis sgrol bar mdzad/ /ma he'i steng na zhabs ni
71b4 brkyang bskum gnas/ /las kyi dbyug pa dag gis rdul du rlog /klu yi rgyal pos sku la brgyan pa ni/ /snyan cha mgur dang dbu dang phyag zhabs rnams/ /yan lag lnga la nges par bkris te gnas/ /dbu skra kham nag ral pa gyen du
71b5 'bar/ /spyan gsum gnyis med rnam thar don la gzigs/ /mgo bcad phreng bas dbu yi rgyan du byas/ /ljags dang mche ba glog ltar 'dril zhing 'bar/ /'jigs byed drag po'i zhal spyan rab tu bgrad/ /mi lpags rlon pa
71b6 dag gis stod g.yogs shing / /stag lpags rlon pas sku yi rgyan du byas/ /de 'dra'i sku mdog 'bar ba'i cha lugs 'chang / /ngo mtshar rmad byung che la phyag 'tshal lo/ /zhes bstod nas gnyis su med par gyur to/ /'phags
71b7 pa las bzhi 'khor lo gsang ba'i rgyud las/ le'u bcu bzhi pa'o/ /'phags pa las bzhi 'khor lo gsang ba'i rgyud las/ rgyud phyi ma rim par bkod pa rdzogs s+ho// // rgya gar skad du/ sarba
71b8 ta thA ga ta bud tro pu na gu h+ya ba no shi a shwod+ha ma bi na sa ma ta tan tra nA ma/ bod skad du/ de bzhin gshegs pa thams cad kyi dgongs pa bla na med pa gsang ba rta mchog rol pa'i rgyud chen po zhes bya ba/ dpal rdo rje sems dpa' la phyag
iiif viewer powered by OpenSeadragon
Texts on this page
J756 - 'phags pa 'jam dpal las bzhi 'khor lo gsang ba'i rgyud
J757 - de bzhin gshegs pa thams cad kyi dgongs pa bla na med pa gsang ba rta mchog rol pa'i rgyud chen po zhes bya ba