rKTs

e-texts navigator

Volume

Page

67a₁ thugs yon tan phrin las las phyung ngo / /ya ma mthar byed phrin las ni/ /dkyil 'khor snga ma 'dra bar dmigs/ /bzlas pa'i snying po 'di yang bri/ /ya ste 'byung byed k+She yis sreg /ya ni yang dag tsa ni skems/ /ni zhes pa ni
67a₂ khug shig pa'o/ /ra zhes bya ba bsgral ba la/ /ma las skyed byed slar sdud pa'o/ /bdag nyid ya ma mthar byed sku/ /sku mdog ljang nag zhal gcig phyag gnyis pa/ /sku la thod pa phyed tshal brgyan/ /dbu yi skra ni kham nag la/ /ral pa gyen
67a₃ du 'khyil pa ste/ /phyag g.yas chu srin dbyug tho 'phyar/ /g.yon pa phyag na zhing chen za ba'o/ /sku stod glang chen ko rlon la/ /sku smad stag gi sham thabs can/ /dur khrod me dbus bzhugs pa la/ /yum yang de dang 'dra bar bsgom/ /bzlas
67a₄ pa'i ting 'dzin me 'dra la/ /bzlas brjod rlung 'dra g.yo zhing bskyod/ /lce la nyi ma'i dkyil 'khor la/ /steng du bzlas pa'i snying po dgod/ /tha ma dbyangs dang bcas pa la/ /hriSh+Ti sngags kyi phreng ba gdabs/ /phar 'phros rnam shes 'gugs
67a₅ par bsam/ /tshur bsdus gshin rje nyid la thim/ /'phro 'du bzlas pa de dag kun/ /gong du bshad pa dag la yang / /de dag rab tu sbyar zhes bshad/ /de nas bcom ldan 'das gshin rje'i khro bos bskul ba 'di gsungs so/ /oM ya ma las
67a₆ kun 'jigs par byed pa ni/ /thams cad dbang sdud ya ma mthar byed sku/ /zhal gcig phyag gnyis sku mdog ljang / /zhabs gnyis dor thabs klu rgyal gnon/ /sku la sbrul nag stong gis brgyan pa ni/ /bgegs rnams 'dul zhing rtag tu 'chi
67a₇ bar mdzad/ /sku la thod pa'i phyed tshal brgyan pa ni/ /'gro ba thugs rje phyogs gcig dgongs pa'i rtags/ /dbu skra ral pa gyen du 'khyil pa ni/ /srid gsum ma lus dbang du sdud pa'i rtags/ /phyag g.yas chu srin dbyug to bsnams pa ni/ /
67a₈ dgra bgegs 'jigs pa che las sgrol ba'i rtags/ /g.yon pa zhing dbyug phyag na bsnams pa ni/ /thugs rjes sems can mya ngan lam la 'jog /ko rlon g.yang gzhis sku la brgyan pa ni/ /dug lnga ma spangs gnas su dag pa'i rtags/ /

_{iiif viewer powered by OpenSeadragon}

66b - 67b

Texts on this page