| e-texts navigator |
| བོད་ཡིག |
60a1 rten bcud kyi gdug pa kun/ /tsham ngam glog ltar 'gyur ba las/ /ngo mtshar ya mtshan bsgrag par bya/ /e ma'o yab yum gnyis med rol pa'i mkha' dkyil nas/ /phyogs bcur 'phro ba byang chub sems/ /rigs kyi
60a2 yab dang de bzhin btsun mo ni/ /rtag par bsgoms te de bzhin gshegs par bya/ /rdzas dang phyag rgya sngags dang bcas rnams ni/ /gzugs dang 'dod pa'i 'bras bu gang 'dod grub par ro/ /mi dge bcu dang ldan pa'i rnam par 'dren pa der byas
60a3 te/ /sngags dang phyag rgya rdzas rnams dang / /ga bu pad+ma dam pa dang / /kham pa rdza yi 'ji ba yi/ /khrag sna gsum dang 'gi wang ngo / /de dag phrin las mchog yin te/ /grub par 'gyur ba gdon mi za/ /bla med dpa' bos yang dag gsungs/ /
60a4 phyogs bcu'i gdug pa ma lus kun/ /'dul bar 'gyur te the tshom med/ /'phags pa las bzhi 'khor lo gsang ba'i rgyud las drag po'i le'u ste lnga pa'o// // de nas bcom ldan 'das 'jam dpal gshin rje gshed/ ye shes lhun
60a5 gyis grub pa'i ngang la longs spyod par bya ba'i phyir/ ched du brjod pa 'di brjod do/ /rang bzhin 'phags pa kun tu shes rab ste/ /de bzhin rnam par mi rtog yin pas na/ /'di gnyis chos kyi sku zhes rab tu bshad/ /chos kyi longs spyod 'dul ba'i
60a6 don la rgyas/ /'gro ba'i don rdzogs ma lus skur 'byung dang / /bdud dang mu stegs srin po gdul ba'i phyir/ /mtshan dang dpe byad gzugs su sprul nas ni/ /ma lus tshar gcod don du 'di gsungs so/ /'khor lo rtsibs brgyad mu khyud zlum por
60a7 bcas/ /sbrul gyi rgya gram dag gi mtha' bskor la/ /lte bar rdo rje rgya gram bri bar bya/ /de yi steng du ka pA la gnyis la/ /gcig la gshin rje dbu drug pa yi gzugs/ /gcig la yum chen khro gnyer gzugs bris la/ /nang du dgra bo rkang rjes
60a8 sa dang ni/ /dri dang de bzhin khrag sna gsum/ /thal chen rgya shug bskus pa'i khu ba dang / /brdzis la dgra bo'i gzugs byas la/ /bcug la skud pa dkar pos bcing / /dkyil 'khor thog tu gzhag par bya/ /oM ya man ta ka hriSh+TiM
iiif viewer powered by OpenSeadragon
Texts on this page
J756 - 'phags pa 'jam dpal las bzhi 'khor lo gsang ba'i rgyud