| e-texts navigator |
| བོད་ཡིག |
96a1 grub dag / rang nyid sa ni bstim par bya/ /'di ltar sgrub pa gtsor byed na/ /bdud rtsi'i yo byad thams cad dang / /bcud kyi mchog tu gyur pa rnams/ /lo yi 'tsho bar sbyar nas kyang / /bsnyen sgrub yan lag
96a2 rnam bzhi las/ /bsnyen pa dag gi dus su ni/ /gang zag mi yi zas la brten/ /de yang lo yi skad cig gam/ /gnyis dang gsum gyi bar du sbyar/ /lo yi skad cig bar du ni/ /bdud rtsi yod byad rnams la brten/ /de nas
96a3 lo yi skad cig ni/ /gcig gam gnyis kyi bar dag tu/ /rang las byung ba'i rdzas rnam lngas/ /'phags pa mchod cing rang gis bza'/ /des ni drod la gnas par 'gyur/ /drod thob gyur pa phan chad ni/ /lo yi skad cig
96a4 thang cig gis/ /ting 'dzin zas kyi ro rnyed nas/ kham gyi zas dang bral bar 'gyur/ /drod chen rnam gsum rdzogs nas ni/ /rtags chen dag ni thob par 'gyur/ /rtags kyi cho 'phrul 'byung ba ni/ /rin chen phung po 'dod pa na/ /
96a5 sa rdo la sogs byas na 'grub/ /chu dang mkha' la 'gro 'dod na/ /brtsams pas mi 'bying thogs med 'gro/ /me yi phung po 'jil 'dod na/ /sdigs pa'i mdzub mo phyar nas kyang / /bden pa'i bsgo ba byas pas 'grub/ /
96a6 de la sogs pa thams cad nus/ /rtags thob phan chad sangs rgyas yin zhes gsungs so/ /gsang chen thugs kyi bsgrub pa bshad pa'o/ /rgyud kyi rgyal po chen po rdo rje bkod pa kun 'dus rig pa'i rgyud las bka' gsang 'khor lo'i
96a7 bsgrub pa'i le'u ste/ nyi shu rtsa lnga pa'o// // de nas bcom ldan 'das sems dpa'i rdo rje de rdo rje me glong 'bar ba zhes bya ba'i ting nge 'dzin la snyoms par zhugs so/ /de nas 'dus pa'i tshogs thams cad kyis chos thams cad me'i rang bzhin
96a8 du snang bar mthong ngo / /de nas 'khor rnams kyis shin tu bstod pa/ /e ma'o sems dpa' che ba che/ /ting 'dzin chen po snang ba che/ /cho 'phrul chen po sna tshogs che/ /thabs mchog khyod la phyag 'tshal lo/ /chos kun me klong bzhin du snang / /
iiif viewer powered by OpenSeadragon