| e-texts navigator |
| བོད་ཡིག |
95b1 mdo las/ bdud rtsi sman gyi bsgrub pa'i le'u ste/ nyi shu rtsa bzhi pa'o// // de nas sems dpa'i rdo rje chen po des bsgrub pa thams cad kyi snying po gsang chen thugs kyi bsgrub pa zhes bya ba 'di bshad do/ /'dus pa chen
95b2 po'i rnal 'byor pa thams cad ni dbyings su shes par bya ste/ 'khor ba'i chos thams cad ni dbyings su 'dus la/ mya ngan las 'das pa'i chos thams cad ni ye shes su 'dus so/ /de gnyis su med pa ni chos nyid byang chub
95b3 sems kyi bde ba chen por 'dus par shes par gyis shig / de bas na chos thams cad ni thugs ye shes kyi rang bzhin du 'dus te gnyis su med do/ /de ltar na kun rdzob tu 'di ltar rig par bya ste gnyis su med pa'i don la 'jug par
95b4 bya'o/ /'dus pa chen po'i rnal 'byor pa/ /dam pa'i don gyi chos rnams kun/ /thams cad rang gi sems la rdzogs/ /kun rdzob chos rnams gang yin pa/ /lus dang ngag la rdzogs par bshad/ /des na chos 'di thams cad kyang / /
95b5 rtsa ba rang la rdzogs pa ste/ /'di dag bsgrub pa'i thabs mchog kyang / /rnam par rtog pa'i rdul bsal nas/ /bsgrub pa'i rgyal po yab yum gnyis/ /don la mkhas par byas nas ni/ /so so'i thugs la thig le dag /
95b6 zla gam dkar dmar gdab par bya/ /de yi rdzas mchog chen po yang / /thabs kyi ga pur chen po dang / /shes rab gsang ba'i tsan+dan gnyis/ /dkar dmar zla gam chen por bya/ /yab kyi thugs kar dkar po la/ /thig le kha ni mar lta
95b7 ba'o/ /yum gyi thugs kar dmar po la/ /thig le kha ni yar lta ba'o/ /yab kyi thig le'i dbus su ni/ /dpal be'u dbus su nyi ma bri/ /dbus su oM gsal nang du hU~M/ /yum gyi thig le'i dbus su ni/ /pad+ma dbus su zla ba bri/ /dbus su a
95b8 gsal nang du hU~M/ /de ltar gsal bar gyur pa na/ /kun tu bzang po yab yum du/ /gnyis su med par bsgyur bar bya/ /ting 'dzin gsal bar gyur pa dang / /rang las byung ba'i bdud rtsi yis/ /gsang ba gnyis kyi mchod pa bya/ /rang las byung ba'i dngos
iiif viewer powered by OpenSeadragon