| e-texts navigator |
| བོད་ཡིག |
90a1 thig le dkar dmar la/ kha sbyor bar dag rdo rjes 'brel/ /der ni dpal chen yab yum bzhugs/ /phyi mtshams le'u tshe de brgyad la/ /zla gam brkyang ba brgyad byas te/ /ye shes gnas kyi ma brgyad dgod/ /phyi rol sgo gcig
90a2 khyams de la/ /bsgrub pa'i rdzas kyis mdzes par dgram/ /bsam bya bsgrub pa la sogs kun/ /thams cad de bzhin 'dir sbyar bya/ /'di ltar grub pa'i skyes bu gang / /chos kyi rgyal por gyur pa ste/ /thams cad kun la dbang sgyur ba'i/ /
90a3 skyes bu chen por de 'gyur ro/ /zhes gsungs so/ /de nas yang sems dpa'i rdo rje des cho 'phrul thams cad la dbang sgyur ba zhes bya ba 'di gsungs so/ /'dus pa chen po'i rnal 'byor pa/ /'di yang thams cad de 'drar sbyar/ /kun du
90a4 gru bzhir ldan 'gyur ba/ /'khor lo rtsibs brgyad dag tu bya/ /gru chad bzhi yi phyi rol tu/ /sgo bzhi dag dang ldan par bya/ /phyi khyams dmar nag me ri glong / /shin du brjid cing 'jigs par bri/ /thig le dbus kyi snying po la/ /
90a5 zla gam 'bar bas mtshan par bya/ /rtsibs mchog brgyad la zla gam ni/ /nang du lta ba de brgyad bri/ /rtsibs mtshan brgyad la'ang de bzhin te/ /rdo rje sgo mo bzhi rnams te/ /phyag rgya rim par bkram byas nas/ /bsgrub pa'i las
90a6 rnams kun rdzogs bya'o/ /de ltar grub pa'i rnal 'byor pa/ /'jig rten pa dang 'jig rten las/ /'das pa'i cho 'phrul thams cad las/ /dbang sgyur byed pa'i rgyal por 'gyur zhes gsungs so/ /rgyud kyi rgyal po chen po rdo rje bkod pa
90a7 kun 'dus rig pa'i mdo las thig le sgrub pa'i le'u zhes bya ste/ bcu dgu pa'o// // de nas sems dpa'i rdo rje des 'di skad ces gsungs so/ /'dus pa chen po'i rnal 'byor rnams
90a8 dregs pa can gyi tshogs thams cad la dbang sgyur bar 'dod na 'di ltar rig par bya'o/ /'di ni byas la sogs pa'i las/ /'di ltar 'byor dang phun sum tshogs/ /thabs la mkhas dang yo byad dang / /ji ltar rig par 'dir bsdu bya/ /
iiif viewer powered by OpenSeadragon