| e-texts navigator |
| བོད་ཡིག |
89b1 rnams/ /rdo rje lhags pa'i rtags kyis mtshan/ /ting 'dzin dkyil 'khor rdzogs byas nas/ /spyan drangs mchod pa kun bsogs te/ /'jug dang dngos grub gsol ba dang / /dbang bskur las rnams kun rdzogs nas/ /rmad du
89b2 byung ba'i gtor ma dag / cha gsum dang po sbyin bsreg bya/ /bar ma mi zad gter du sba/ /byang chub sems kyi chu bo dang / /chos nyid nam mkha'i dbyings chen dang / /b+ha ga yum gyi sa gzhi la/ /shin tu sba ba'i tshul du sbyar/ /
89b3 cha gcig gzhal yas shar sgo nas/ /bcu gsum gcal bar stegs bu bya/ /der ni gnas bdun gtso rnams kyang / /de bzhin bcu gsum lan re la/ /gnas kyi mgron ni ma sring rnams/ /bdun cu bar du kun rdzogs bya/ /tha mar
89b4 maN+Dal zla gam la/ /nus na mkha' 'gro nam mkha'i hom/ /rdzogs bya ma lus de mgu bya/ /lhag mar gyur pa kun rdzogs bya/ /snyigs mar gyur pa thams cad kyang / /sba 'am bsreg gam chu klung 'dor/ /rdo rje gnas
89b5 chen de bsrungs te/ /gnas ni sba phyir su dag gsang / /mi rig phyir na mtshan ma dag /rang rang gnas su slebs par bya/ /gang dag 'du tshe 'ang de bzhin no/ /'di ni thig le gcig pa yi/ /bsgrub lugs yin par
89b6 rgyal bas bshad/ /'di dag sgrub pa'i skyes bu ni/ /zla ba'i 'khor lo la gnas nas/ /nyi ma'i 'khor lo thogs nas ni/ /yang dag chos kyi dbyings nyid la/ /dbang sgyur byed pa'i rgyal por 'gyur zhes gsungs so/ /
89b7 yang sems dpa'i rdo rje des 'di skad ces gsungs so/ /'dus pa chen po'i rnal 'byor pa/ /'di yang rim kyi gong ma ltar/ /thams cad tshul bzhin sbyar byas nas/ /phyi ru kun tu gru bzhi la/ /thig le zla ba gcig tu
89b8 bya/ /de la srad bu bzhi bsnol bas/ /le'u tshe dgu ru gyur par bya/ /phyi rol mu khyud thod pas bskor/ /gru bzhi gru chad rab mdzes brgyan/ /de yi mtha' zad khyams gcig la/ /sgo gdong sgrub pa po la lta/ /dbus su
iiif viewer powered by OpenSeadragon