| e-texts navigator |
| བོད་ཡིག |
88b1 phyi yi khrus rnams byas nas ni/ /shar du kha bstan dbus su gzhag /lce la gzungs thag sna lngas gdags/ /rnal 'byor rnams kyis bskor bar bya/ /phyag rgya rdzas dang bcas par dgram/ /de yi khong du gzhal yas
88b2 bskyed/ /rim par brtsegs pa'i dkyil 'khor ni/ /'bar ba'i 'byung chen 'bar ba lnga/ /don gyi lha mo lnga ru gsal/ /kun gzhi kun tu bzang mor gsal/ /de yi thugs kyi khong thag tu/ /thig le zla ba nya rgyas la/ /
88b3 ye shes sems dpa' tshon gang pa/ /thugs kar nor bu rin chen 'bar/ /dbus su nyi ma'i ga'u la/ /dpal be'u yungs 'bru'i bum pa la/ /hU~M dmar til 'brur gnas pa ni/ /bde chen byang chub sems shes bya/ /
88b4 rdo rje gsang thag rgyun mi gcad/ /rdo rje kha bra gdab par bya/ /de nas mtshan ma byung gyur na/ /dngos grub blangs te de bsgral la/ /bskams te bdud rtsi rtsa bar bya/ /zhes gsungs so/ /rgyud kyi rgyal po chen po rdo rje
88b5 bkod pa kun 'dus rig pa'i mdo las mchog phran thabs kyi bsgrub lugs kyi le'u ste/ bcu bdun pa'o// // de nas yang sems dpa'i rdo rje des 'di
88b6 skad ces gsungs so/ /'dus pa chen po'i tshogs thams cad ni sgyu ma'i rang bzhin du shes par bya'o/ /de ci'i phyir zhe na/ sgyu ma ni dngos por snang yang rang bzhin med pa yin te/ rang bzhin med pa'i don ni chos nyid rdo rje yin no/ /de bas
88b7 na sgyu ma'i chos thams cad khong du chud par bya'o/ /de nas 'khor der 'dus par gyur pa'i lha ma yin gyi tshogs bdag sgyu ma mkhan zhes bya bas 'di skad ces gsol to/ /bcom ldan 'das bdag cag rnams kyi dam tshig ni sgyu ma'i cho 'phrul gnas shing
88b8 sgyu ma ched du bgyid lags kyis bdag cag rnams kyi don ched du sgyu ma'i chos thams cad bshad du gsol zhes gsol pa las/ bcom ldan 'das kyis bka' stsal pa/ tshogs bdag chen po sgyu ma'i cho 'phrul ni 'di ltar rig par bya'o/ /chos rnams thams cad
iiif viewer powered by OpenSeadragon