| e-texts navigator |
| བོད་ཡིག |
86b1 gsungs so/ /rgyud kyi rgyal po chen po rdo rje bkod pa kun 'dus rig pa'i mdo las rmad byung rdzas kyi le'u ste bcu bzhi pa'o// // de nas yang sems dpa'i rdo rje des 'di skad ces gsungs so/ /'dus
86b2 pa chen po'i tshogs chos thams cad ni mngon sum du shes shing rig par bya'o/ /mngon sum gang zhe na/ dran pa mngon du bzhag pa'i yul la mi gnas pa'i chos thams cad dang / phyis 'byung ba'i chos thams cad dang /
86b3 sngon du byung ba'i chos thams cad mngon sum mar rig pa'o/ /de ci'i phyir zhe na/ mngon sum mar shes pa ni ye shes chen po'i rgyu yin pa'i phyir ro/ /de yang ji lta zhe na/ chos thams cad sgyu ma'i rang bzhin du dran pa mngon du
86b4 bzhag na mngon du gyur pa'i chos nyid phyin ci ma log par shes pa yin no/ /chos nyid phyin ci ma log par mngon du gyur na mi gnas pa'i ye shes chen po nyid de yin no/ /de bas na mngon par shes pa rnams dran pa mngon sum mar yid la
86b5 byos shig de skad ces gsungs pa dang / mngon shes rig pa'i drang srong chen po rnams kyis 'di skad ces gsol to/ /bcom ldan 'das mngon par shes pa ni bdag cag rnams kyi dam tshig lags so/ /bcom ldan 'das kyis
86b6 bdag cag rnams kyi dam tshig bshad du gsol zhes zhus pa las/ bcom ldan 'das kyis bka' stsal pa/ rig 'dzin chen po rnams ye shes chen po'i rgyu mngon par shes pa ni rnam par lngar rig par bya'o/ /mig gi dbang
86b7 po thams cad las/ /zhib tu btags pa'i phye mar bya/ /bcud kyi snying por sbyar byas nas/ /mthong ba'i snying po 'bum bzlas na/ /thams cad ma lus mthong bar 'gyur/ /'di ni mig gi mngon shes so/ /rdo rje lce yis
86b8 brjod pa'i tshig / dus sam rgyun du brjod par bya'o/ /badzra tsak+Shu gar+b+ha bid+yA hU~M/ rna ba'i dbang po thams cad kyang / /btags sam phye mar byas nas ni/ /bcud kyi snying por sbyar byas te/ /thos pa'i snying po
iiif viewer powered by OpenSeadragon