| e-texts navigator |
| བོད་ཡིག |
85a1 nyes kyang bdag gis khyod dgar byas/ /de ni bdag dga'i las 'di la/ /grogs khyod shin du 'dug dgos so/ /byas pas de yi snga sems de/ /zin pas gcig gi phyi sems kyang / /'dzin cing de dga'i las la 'jug /
85a2 spyod pa'i las kyang 'di lta ste/ /rgyu drug 'dus pa'i phung po la/ /ngan song gnas 'joms rdo rje'i rtags/ /ye shes thabs kyis snyan pa'i glu/ /rmad 'byung gsang chen sgrogs pa'i tshig /nyon mongs lnga yi sa gzhi la/ /yi ge ye shis
85a3 snga gsal bas/ /'bar ba khrag 'thung sprin phung bzhin/ /khyu mchog lnga yi stabs kyis rol/ /seng ge nga ro rngam pa'i glu/ /rdo rje don rab sgrogs pa'i tshig /rmad byung rol pa'i don byung ba/ /e ma ngo mtshar ya mtshan che/ /
85a4 dgyes pas rol pa'i byin brlabs las/ /rgyud drug rtsad gcod ngo mtshar che/ /mnyam pa chen po'i nam mkha' las/ /ye shes 'bar ba'i me byung bas/ /'khor ba'i khrag gi rgya mtsho skams/ /sdug bsngal dbyings su thad mdzad do/ /
85a5 mi gnas klong nas cho 'phrul pa/ /gtum rngam 'khrug pa'i ngo bor 'bar/ /khrag 'thung 'bar ba'i sprin 'phros pas/ /srid gsum khrag mtsho rngo nas skams/ /dpa' bo tsham ngam gyad kyi stabs/ /srin po ma trang khros pa'i glu/ /
85a6 theg chen rmad byung gsang ba'i tshig /chags pa'i rtod phur gting nas phyung / /mkha' bzhi dbyings kyi bde klong nas/ /tshom bu 'bum gyi cho 'phrul 'phros/ /dgyes mchog rol pa'i phrin las las/ /la la shes rab thabs la rol/ /
85a7 la la thugs rje las la rol/ /la la gdul bya'i yul la rol/ /la la ye shes dbyings la rol/ /thabs kyi rgyal po rtogs pa'i dbang / /che ba lung gi khyad par las/ /rgyal ba kun dang mnyam par sbyor/ /rdo rje pad ma rol pa'i
85a8 stabs/ /chags med mkha' la gsal ba'i tshig /dus gsum zil gyis gnon pa'i glu/ /'jig rten rim gyis sbyang ba'i phyir/ /'jig rten khams su rol pa byung / /'jig rten drug gi snying la rol/ /bdag po
iiif viewer powered by OpenSeadragon