| e-texts navigator |
| བོད་ཡིག |
84b1 de bzhin mi 'gyur g.yung drung brtan/ /mi shigs mdzod yin kun 'byung ba'o/ /cho 'phrul rtags 'byin dam pa 'byung / /srid pa yongs sgrol las kyi mchog khams gsum dbang sdud khyad par ldan/ /drug gsum gtan sprugs las
84b2 mchog can/ /mtshan ma'i spros bral nges pa'i don/ /rigs drug mdog drug dbyibs drug dang / /yon tan skyon rnams sbyar bar bya/ /mang dang nyung ba'i gsang ba ni/ /bcas kar 'phel dang mgo mi 'byung / /rjes 'dra la sogs skyon
84b3 rnams spang / /dug gsum stongs mdzad rgyal ba'i bka'/ /sku gsum smin pa'i g.yung drung rtags/ /sba thabs gsang ba'i man ngag 'di/ /skal ldan rnal 'byor rnams kyi ste/ /skal med kun gyi rtog pa'i bdud/ /ming
84b4 tsam 'dzin la ga la brtan/ /mkhas pas brtag cing bzang po brten/ /dngos grub 'byung ba'i dus chen yang / /gcig dang gsum ni rab tu bshad/ /de bzhin lnga bdun 'bring du grags/ /dgu ni dngos grub tha ma ste/ /bcu gcig phan
84b5 chad yal bar bshad/ /de bas rnal 'byor rtsal can gyis/ /nges par brtson de brtag par rigs/ /'dod chags bdag pos de skad bshad/ /mtshan ma yin phyir der nges pa/ /mtshan ma can dang 'thun bya'i phyir/ /thabs kyis
84b6 de dang 'thun spyod la/ /yang dag don la kha lo sgyur/ /de dag rnam par sbyang ba dang / /'gro drug shin tu g.yeng ba can/ /yid rnams drangs te brten byas nas/ /thabs kyi don la sbyar ba'i tshig /rgyu drug 'dus pa'i sa gzhi la/ /
84b7 glu bro gar gyi rol pa yi/ /srid gsum zil gnon dbang sdud pa/ /'jig rten 'thun 'jug spyad par bya/ /dper na 'jig rten khams dag na/ /'gro bas 'gro ba 'dul byed pa/ /de dga'i las la de zhugs te/ /de dang bsam
84b8 pa 'thun spyad pas/ /de dang 'dris nas de dga' byas/ /de nas de yi drod lon nas/ /de yi 'du shes sgyur ba'i tshig /de snga bdag gi grogs khyod kyi/ /las la zhugs pa shin tu nor/ /'dir nyes las kyi bsags pa bgrang / /
iiif viewer powered by OpenSeadragon