| e-texts navigator |
| བོད་ཡིག |
304b1 gru bzhi dkyil 'khor rtsibs brgyad par/ /lha rnams 'khor bcas spyan drangs te/ /mchod pa glu la sogs pas mchod/ /de nas las rnams brtsam par bya/ /nga rgyal rdo rje 'khor bcas pas/ /'jig rten khams ni rab
304b2 'byam kun/ /dpal dang gzi brjid chen po rnams/ /yud tsam gyis ni rgyas par mdzod/ /khro bo khro mo 'khor bcas dang / /rdo rje phra men 'khor bcas pas/ /dpal dang gzi brjid 'phel bsgoms na/ /bdag nyid chen por
304b3 de 'gyur ro/ /'phags pa thabs kyi zhags pa pad mo phreng las rgyas pa'i las kyi le'u ste nyi shu dgu pa'o// // hom khung gru bzhi gdengs pa la/ /rdo rje 'khor los brgyan par bya/ /de nas lha rnams spyan drangs te/ /
304b4 bsregs pas mchod cing dpal 'phel bsgom/ /'phags pa thabs kyi zhags pa pad mo phreng las rgyas pa'i hom gyi le'u ste sum bcu pa'o// // gser ram ser po'i shing rnams la/ /mgo bo rgya mdud rtse zur bzhi/ /
304b5 lha rnams bsgoms te gdab par bya/ /'di ni rgyas pa'i las la shis/ /'phags pa thabs kyi zhags pa pad mo phreng las rgyas pa'i phur pa'i le'u ste sum bcu gcig pa'o// // gser phye 'bras chan ser po rnams/ /
304b6 'o ma sbrang rtsi gtor ma ni/ /rgyas par 'gyur ba'i gtor ma ste/ /mkhas pas rgyas par bsgom zhing sbyin/ /'phags pa thabs kyi zhags pa pad mo phreng las rgyas pa'i gtor ma'i le'u ste sum bcu gnyis pa'o/
304b7 lha mo rnams kyi dkyil 'khor du/ /lha yi dkyil 'khor rdzogs par bsgom/ /byang chub sems ni 'phro bsgoms na/ /'di ni rgyas pa'i las 'grub bo/ /'phags pa thabs kyi zhags pa pad mo phreng las
304b8 rgyas pa'i sbyor ba'i le'u ste sum bcu gsum pa'o/ / // zlum po'i dkyil 'khor rtsibs brgyad par/ /lha rnams 'khor bcas spyan drangs te/ /dkar po'i yon kyis mchod par bya/ /de nas las rnams brtsam
iiif viewer powered by OpenSeadragon
Texts on this page
J753 - 'phags pa thabs kyi zhags pa padmo'i phreng zhes bya ba