| e-texts navigator |
| བོད་ཡིག |
290a1 dmigs su med/ /gzung du med cing smon pa med/ /ye nas mya ngan 'das pa yin/ /thams cad nam mkha'i mtshan nyid de/ /nam mkha' la yang mtshan nyid med/ /kun rdzob sgyu mar mnyam pa dang / /'dus
290a2 byas dngos po sna tshogs ni/ /sgyu ma'i tshul du thams cad snang / /'phral gyi bya ba kun kyang byed/ /rtogs pa kun gyi mtshan ma snang / /'di dag thams cad gzugs brnyan te/ /bya byed snang zhing dngos po med/ /chu zla'i tshul
290a3 du thams cad gnas/ /thams cad snang la rang bzhin med/ /don dam kun rdzob dbyer med ni/ /chos rnams ma lus thams cad kun/ /gzhi rtsa med las thams cad 'byung / /yod dang med pa gnyis ga min/ /don dam kun
290a4 rdzob dbyer med de/ /'dus ma byas nyid 'dus byas snang / /snang ba nyid na dngos po med/ /dngos med de nyid sna tshogs te/ /de nyid sgyu ma mi yor tshul/ /'byung ba chen po lnga de bzhin gshegs pa lngar mnyam pa ni/ /sa chu me
290a5 rlung nam mkha' las/ /ya mtshan sna tshogs 'byung 'gyur ba/ /gzhi rtsa yod pa ma yin te/ /rang bzhin ngang gis de ltar 'byung / /so so'i rigs tshogs snang ba ni/ /thabs chen dag tu rtag tu mnyam/ /mtshan nyid so sor
290a6 gnas pa ni/ /shes rab dbyings kyi ngang du mnyam/ /rnam par shes pa brgyad ye shes lngar mnyam pa ni/ rnam rtog kun gzhi ma yin pa/ /rang bzhin med pa don gyi gzhi/ /'di ni chos kyi dbyings zhes bya/ /de bzhin nyid kyi ye
290a7 shes so/ /chos rnams ma lus thams cad kun/ /nga dang bdag tu mi 'dzin cing / /kun kyang dbyer med pa yin pas/ /thams cad me long lta bu'i tshul/ /thams cad kun la yud rtog cing / /rtog dang brtag par bya
290a8 ba med/ /dus gsum kun tu mi dmigs pa/ /'di ni mnyam nyid ye shes yin/ /log rtog dbang po'i spyod yul spangs/ /dbang po'i yul rnams dngos med par/ /thams cad dbyer med de bzhin nyid/ /so sor rtog pa'i
iiif viewer powered by OpenSeadragon
Texts on this page
J752 - gsang ba'i snying po de kho na nyid nges pa