| e-texts navigator |
| བོད་ཡིག |
267b1 yis bskul bar bya/ /de nas yi ge 'bru lnga dgod/ /gsal zhing 'tshe bar bsgom par bya/ /dbang po lnga dang dbang po'i tshul/ /yan lag lnga la rigs lnga'i tshul/ /rdo rje ting 'dzin de yis bsgom/ /de nas zhing de 'gul 'gyur nas/ /
267b2 zhing de drag tu 'gul ba dang / /shin tu zhags pas bsdam par bya/ /yan lag rnams kyang gzhum par bya/ /phyogs bzhi dag tu thod pa bstan/ /ha ya grI ba'i skur bsgoms shing / /sngags ni 'bum phrag mang du bzlas/ /phyogs
267b3 bcur spro zhing zhing la bstim/ /de nas zhing de drag 'gul nas/ /rdo rje ting 'dzin de yis ni/ /brtan pa nyid du bsgom par bya/ /de nas par par byed pa dang / /a nri pre du gang yin pa/ /rdo rje drag tu brdeg cing dbab/ /thod pa'i kha
267b4 nas nr-i phyung nas/ /rdo rje ting 'dzin so yis bcad/ /rdo rje sngags zos khong du bstim/ /gnyis su med par bsgom par bya/ /de nas zhing de langs pa dang / /rdo rje dbyings nas dbang yang bskur/ /bdud rtsi chu yang blud par bya/ /las rnams
267b5 thams cad byed du gzhug / zhing des rab tu smras pa'i tshig /dpa' bo ci bgyi mi rgas skye med chos rnams dang / /las rnams ma lus kun bgyid do/ /de ltar bsgrub pa'i rigs mchog gis/ /thal ba thams cad sos par 'gyur/ /
267b6 bsgrub pa'i sa ni dur khrod dang / /ri brag gnyan po bgegs gnas dang / /nags khrod stong pa tsher ma can/ /ri bos bskor ba'i lcug ma can/ /rab tu rnam par dben pa dang / /gnod sbyin srin po 'byung ba'i gnas/ /
267b7 de dag tu ni bsgrub par bya/ /dgu dang bcu gnyis bcu gsum dang / /bcu drug man chad bsgrub par bya/ /the tshom med par 'grub par 'gyur/ /phyi nang 'tsho ba'i yo byad rnams/ /lam lnga'i zhing dang sman lngar bcas/ /'bru
267b8 rnams thams cad bcang bar bya/ /rtag tu tshogs chen mchod par bya/ /gsum dang lnga ru bar mi gcad/ kha zas rnams kyang thod par bza'/ /btung ba dag kyang de bzhin te/ /mar me rtag par gtang bar bya/ /rgyu ni nr-i yi mar las bya/ /
iiif viewer powered by OpenSeadragon
Texts on this page
J752 - gsang ba'i snying po de kho na nyid nges pa