| e-texts navigator |
| བོད་ཡིག |
266a1 ma chad pa'i/ /gzhal yas khang dang nyi zla yi/ /dkyil 'khor bsam yas lhun grub ni/ /sku gsung thugs kyi yon tan bsam mi khyab/ /mnyam pa'i dbyings chen rdzogs par bsgom/ /de ltar dam tshig 'di gsum ste/ /de la
266a2 gnas na 'grub par 'gyur/ /yan lag ma nyams sngags bzlas shing / /'dod pa kun la longs spyod bya/ /lus dang ngag sems brtan 'gyur na/ /byang chub rab 'byam thob par 'gyur/ /dam tshig chen po las 'das nas/ /nyen ni shin tu che bar gsungs/ /
266a3 sangs rgyas byang chub sems dpa' dang / /sngags kyi spyod pa don bsgrub pa/ /rmongs pas gal te 'das byas na/ /de yi srog kyang der zad 'gyur/ /dam tshig bsrungs dang sngags bzlas dang / /phyag rgya rgyun mi gcad pa bzhi/ /brtson 'grus
266a4 che zhing brtan pas gzung / /rnal 'byor brtson 'grus chung 'gyur na/ /mi 'grub nyen yang che bar gsungs/ /ji ltar ral gri so la nan tan du/ /skyes bus myur du ma bzung na/ /lag pa nges par chod par 'gyur/ /de bzhin nan tan med pa'i
266a5 gsang sngags la/ /'chi 'am yang na 'bras bu med par 'gyur/ /rnal 'byor dam pa rnams kyis ni/ /sngags kyi yan lag ma nyams gsal/ /don dam ma nyams dag byas shing / /brtson 'grus cher bskyed myur bar 'grub/ /sngags
266a6 bsgom ma nyams phyag rgya gsal/ /cho ga yo byad gtsor ma gsungs/ /tshogs na yang na nyes pa med/ /ma tshogs na yang nyes pa med/ /ma tshogs na yang 'grub par 'gyur/ /bdag nyid rang gis lhar sbyor bas/ /dngos grub
266a7 thams cad 'grub par 'gyur/ /cho ga lhag gam ma tshang na 'ang / /'grub par gyur te nyes skyon med/ /ces gsang ba'i tshig tu'o/ /dam tshig sum brgya pa rtsa ba bcwa lnga mdor bshad pa'i le'u ste drug bcu rtsa brgyad pa'o// // de nas de
266a8 bzhin gshegs pa dgyes pa chen pos bzhugs gnas dang / spyod lam dang / lta stangs bstan pa/ theg pa chen po'i lhun grub don 'dod na/ /rgyal chen zab yangs shes rab myur/ /zab pa'i don rtogs mi ldog bde/ /nga dang bdag med
iiif viewer powered by OpenSeadragon
Texts on this page
J752 - gsang ba'i snying po de kho na nyid nges pa