| e-texts navigator |
| བོད་ཡིག |
257b1 nem nur med par dgug par bya/ /bya ba sna tshogs las zin na/ /sngar byas bum pa lnga po la/ /sman lnga 'bru lnga rin chen lnga/ /rigs kyi yum dang bdud rtsi 'khyil/ /ci 'dod las rnams thams cad dang / /gzhan yang dgos pa ci yang rung / /oM badzra
257b2 a mr-i ta a a a/ oM ma hA badzra a mr-i te phaT/ dza gad dza gad tsa zhes kyang brjod do/ /oM bud d+ha lo tsa ni swA hA zhes bzlas/ gsang ba'i dkyil 'khor dam pa der/ /ye shes lnga rdzogs nyid la brjod/ /ye shes snying po khyod nyon cig /
257b3 yang nas yang du mngon gsal du/ /byang chub mchog gis rtag bsgoms shig /de ltar byas pa'i dngos grub ni/ /'jig rten 'das dang 'jig rten pa'i/ /brda phrad skad kyis dngos grub thob ces rdo rje gsang ba'i tshig tu'o/ /'gro ba'i don gyi
257b4 phyir yang ched du brjod do/ /pra dbab pa'i le'u ste/ drug bcu rtsa bzhi pa'o// // dpal shrI he ru kas yum kro d+hI shwa ri dang gnyis su med par 'du ba mdzad nas/ byang chub sems kyi rdo rje las khro bo'i dkyil 'khor mang po spros
257b5 nas 'jig rten pa'i dbang mo chen po dang / dbang po dang / rgyal po dang / rgyal po'i yang rgyal po dang / blon po dang / sde dpon dang / 'khor 'bum phrag bsam gyis mi khyab pa la sogs pa thams cad ma lus par dbang du bsdus te
257b6 'jigs byed chen po rnams da ltar dang / dus phyi ma'i dus su la la ni tshe 'phel ba'i las su bskos/ la la ni longs spyod 'phel bar bskos/ la la ni 'byung ba chen mo la thogs pa med par 'gro bar bskos/ la la ni gzugs
257b7 mi snang bar 'gro bar bskos/ la la ni gzugs sna tshogs cir yang 'gyur bar bskos/ la la ni mi mthun pa'i phyogs dbang du sdud par bskos/ la la ni nyams shing rmongs par bskos/ la la ni bskoms shing 'phro bar bskos/
257b8 gzhan yang bya ba sna tshogs pa ci 'dod par bskos nas/ ched du brjod pa 'di brjod do/ /mnyam nyid rig pa'i rdo rje yis/ /'jig rten gtso mchog dbang du sdud/ /thugs rje chen po'i byin brlabs kyis/ /'gro ba'i don rnams sna
iiif viewer powered by OpenSeadragon
Texts on this page
J752 - gsang ba'i snying po de kho na nyid nges pa