| e-texts navigator |
| བོད་ཡིག |
245b1 dur khrod 'bum gyi dbu smug 'jigs par brjid/ /'khor ba'i rtog pa 'jig mdzad thod rlon phreng bas bsgegs/ /rol phyir rtse mor snang bas a a ha las bzhad/ /rang nyid che bas dbang rdzogs rgyal bas dbu la brgyan/ /
245b2 smin ris khro gnyer glog bzhin rab 'gyu bas/ /phyogs dang 'thun pa'i khrag 'thung 'gyed cing sdud/ /sprul pa de lta bus ni zil gnon pa/ /'jigs pas mun pa'i tshogs chen rab bshams kyang / /sdang mig spyan ni nyi zla rgyas
245b3 'bar bas/ /'jigs pa'i tshogs phung sdug bsngal gtan nas sbyong / /khros pas zhal gdangs so chen gtsigs 'bar bas/ /srid pa'i rtse nas dmyal khams snyegs pa ltar/ /'jig rten dus gcig mid mdzad lam drug gtan
245b4 nas gcod/ /ye shes phyag bsnams phyag mtshan 'bar ba yis/ /srid gsum ma lus rdul phran stongs par mdzad/ /rkan sgras rol bas 'gro la pheg brdabs bzhin/ khams gsum kun la chos ston rgyas par mdzad/ /
245b5 zas su khrag 'thung rdo rje che mchog gsol/ /'jigs tshogs sad pa'i ko rlon g.yang gzhi bsnams/ /klu 'dul yon tan sbrul gnag stong gis klubs/ /'jigs bcas klu yi tshogs kyang zhabs 'og mnan/ /'dod
245b6 chags 'dul ba 'dod chags kun gyi gtso/ /'dod chags chen po 'dod chags nyid kyi sku/ /mang po'i 'khor bcas 'jigs pa'i 'khor du byas/ /zhe sdang 'dul ba zhe sdang kun gyi gtso/ /zhe sdang gdug pa zhe sdang kun gyi sku/ /
245b7 'jigs pa'i tshogs rnams zer gyis kun bzhu ba'i/ /rab tu brjid pa 'jigs pas 'jigs pa'i gzugs/ /gti mug 'dul ba gti mug kun gyi gtso/ /gti mug blo sel gti mug chen po'i sku/ /mi 'byed khrag 'thung
245b8 sran chen ri rab brtan/ /nga rgyal 'dul ba nga rgyal kun gyi gtso/ /'jigs tshogs sad nas ro tshogs mang gi gnas/ /zhabs bgrad mche gtsigs chog pa'i dus mtha' med/ /'jigs pas phebs par dga' zhing shin tu sdang / /
iiif viewer powered by OpenSeadragon
Texts on this page
J752 - gsang ba'i snying po de kho na nyid nges pa