| e-texts navigator |
| བོད་ཡིག |
239a1 pa thams cad kyi sku dang gsung dang thugs rdo rje'i bdag nyid dbyings kyi dbang phyug ma chen mo dang / spyan chen mo dang / mA ma kI chen mo dang / gos dkar mo chen mo dang / dam tshig 'phags ma sgrol ma chen po'i rang bzhin nyid du kun du snang
239a2 bar gyur to/ /de bzhin gshegs pa thams cad kyi sku dang gsung dang thugs rdo rje'i bdag nyid dbab pa'i gsung gi 'khor lo zhes bya ba'i le'u ste bzhi bcu gnyis pa'o// // de nas bcom ldan 'das dpal kun du bzang pos sgyu 'phrul
239a3 chen po'i byin bsdu ba zhes bya ba'i dam tshig la snyoms par par zhugs nas de bzhin gshegs pa thams cad kyi sku dang gsung dang thugs rdo rje sgyu 'phrul dra ba las phyung ngo / /sgeg mo mchod pa sbyin bsdu ba/ /gzugs ston dbab par
239a4 bya ba ni/ /rigs dang 'thun pa'i gzugs brnyan la/ /spyi gtsug kha dang snying ga mtshan/ /'bru lngas byin brlabs ya nyid sbyin/ /de nyid pad ma'i dkyil 'khor yin/ /de nyid goms las gsang mtshan pa/ /ya yi tshogs kyi lha
239a5 rnams bsgom/ /de nyid hU~M gi lha rnams dang / /bdag med mtha' bral mi dmigs las/ /rang gi ngang tshul de bzung nas/ /sangs rgyas rdo rje tsa na ka /shes rab yum dang ldan par bsgom/ /de las rdo rjer byin brlabs te/ /
239a6 pad ma gsang nas 'dzul thabs yin/ /spubs su zhugs la de lus dgang / /rdo rje tshon gyis khengs pa dang / /so so'i snying bo ming yang 'bod/ /de goms blo bde gsal spro thim/ /ming yang snying po bcas pas dgug
239a7 rdo rje lha rnams hU~M du bsgom/ /snod gnas sgeg mo khengs gyur par/ /yum gyi tshogs kyang gsal bar gnas/ /phyag rgya snying po gzugs la sogs/ /rigs dang 'thun pa nyid du bsam/ /brtan pa hA yi 'phro 'du
239a8 ltar/ /rnam shes byin brlabs ngang du brtags/ /gzhi rtsa med pa'i sems nyid las/ /sangs rgyas rdo rje'i sprin tshogs bsgom/ /phyag rgya gsal ba nye bsnyen pa/ /'phro 'du rigs dang 'thun par ni/ /bsgoms
iiif viewer powered by OpenSeadragon
Texts on this page
J752 - gsang ba'i snying po de kho na nyid nges pa