| e-texts navigator |
| བོད་ཡིག |
202b1 chos kyi dbyings mi shes/ /de phyir dngos dang dngos med pa/ /'jigs pas dmigs med shes par gyis/ /gzhi rtsa med pa'i sems nyid ni/ /pho mo ma yin ma ning min/ /mtshan med ma yin rigs rgyud min/ kha dog ma yin dbyibs ma yin/ /
202b2 gnas su ma yin gang yang min/ /de bzhin nyid dbyings ye shes te/ /thabs kyi phyag rgya kun gyi rgyu/ /thabs las thabs byung thabs bsam yas/ /tha dad min la tha dad pa'i/ /nang dang nang gi phyi rol pa/ /dkyil 'khor bsam yas
202b3 ye shes rol/ /'jigs med kun bzang phyag rgya mchog /gang gis glang chen myos 'dra'i sems/ /mnyam par bzhag pas btul nas su/ /sngags dang phyag rgyas rab brtan na/ /dngos grub ya mtshan chen por 'gyur/ /zhes brjod pas
202b4 de bzhin gshegs pa nyid gzigs mos mnyes par gyur to/ /de nas de bzhin gshegs pa'i sku dang gsung dang thugs rdo rje gsang ba'i tshig 'di phyung ngo / /e ma 'o snying por lam bcas pas/ /'jigs med dbyings nyid kun bzang phyag rgya mchog /
202b5 rang bzhin sku gsung thugs chen po/ /byang chub lhun grub bdal ba'i ngang / /snying po nyid ni snying por kun bcas kun du gnas/ /de nyid rdzogs pa'i ngang las dngos grub kun shar kun du gnas/ /a ho rdo rje gsang ba'i tshig tu'o/ /
202b6 gsang ba'i snying po de kho na nyid nges pa las sgyu 'phrul sgrub pa'i le'u ste brgyad pa'o// // de nas de bzhin gshegs pa rgyud kyi rgyal po sgyu 'phrul dra ba rang bzhin gyi dkyil 'khor las lhag pa'i dkyil 'khor gyi sngags 'chang
202b7 rnams lhar sgrub pa'i dkyil 'khor 'di don yod par bya ba'i phyir ched du brjod pa 'di brjod do/ /e ma'o ye nas rnam dag pa'i/ /thabs dang shes rab ldan par gnas/ /byang chub mchog tu nyi zla shar/ /de nyid bzhugs gnas
202b8 yin par gsungs/ /chos rnams thams cad bdag med pa'i/ /dbyings su thim pa'i 'od zer gsal/ /gcig dang spros pa thams cad med/ /dkyil 'khor spros med zlum po'i tshul/ /ye nas mya ngan 'das pa'i chos/ /
iiif viewer powered by OpenSeadragon
Texts on this page
J752 - gsang ba'i snying po de kho na nyid nges pa