| e-texts navigator |
| བོད་ཡིག |
202a1 ldan ngang tshul bzang la brtan/ /gzhan du nam yang sbyin mi bya zhes nyid la yang nyid brjod do/ /gsang ba'i snying po de kho na nyid nges pa las khams nyi shu rtsa gcig tu bsdus nas/ thams cad ma lus par dbyings su bkod pa'i
202a2 le'u ste bdun pa'o/ / // de nas yi ge'i dkyil 'khor gyi sprin bkod pa las sgyu 'phrul rnam par spros pa 'di ched du brjod do/ /rtsa ba med pa'i sems nyid ni/ /chos rnams kun gyi rtsa ba yin/ /sems nyid yi ge'i rang bzhin
202a3 te/ /yi ge yid bzhin rin chen sprin/ /sgyu 'phrul dkyil 'khor bzhi bcu gnyis/ /dra ba'i dkyil 'khor mngon rdzogs pas/ /phyogs bcu dus bzhi rdzogs pa yi/ /dkyil 'khor thams cad grub par 'gyur/ /bdud rtsir
202a4 'gyur zhing 'byung ba dang / /bzhi brgya rtsa bzhi nad sel cing / /longs spyod 'byung zhing ngan song sbyong / /ci yang gzhan du 'gyur bar 'grub/ /nam mkha' rdo rje sra 'byung zhing / /'bar nas me yang 'tshig pa dang / /chur 'gyur
202a5 'bab pa 'ang de bzhin te/ /'jig rten khams ni gtor ba dang / /thams cad stongs shing lhung bar 'gyur/ /'gug dang gtang dang bcing dang dgrol/ /gso dang bsad dang pham dang rgyal/ /ting 'dzin 'di yis byed par 'gyur/ /
202a6 de nyid ye shes rang snang ba'i/ /ming tshig gzugs tshogs yid bzhin gyis/ /mun la snang byung ji bzhin du/ /'gyur bas gser 'gyur sman gyi tshul/ /ston pa mchod brtson rtogs pa gsal/ /dam tshig sngags dang
202a7 phyag rgya rnams/ /ma nyams shes shing yo byad ldan/ /'grub 'gyur mi ldan don med brlag /dus gsum rgyal bas thugs chud pa'i/ /dngos grub mchog gi snying po ni/ /zad pa'i dus med yid bzhin mdzod/ /'phel
202a8 'grib med par 'byung ba ste/ /dngos po med las dngos po'i sprin/ /sna tshogs rnam par 'byung zhing 'gyur/ /dngos rnams nyid na dngos med par/ /rtogs pa'i dbang bsgyur ting 'dzin yin/ /gang gis dmigs med mi shes pa/ /de yis
iiif viewer powered by OpenSeadragon
Texts on this page
J752 - gsang ba'i snying po de kho na nyid nges pa