| e-texts navigator |
| བོད་ཡིག |
196b1 gsang 'dus 'phrul gyi lde mig gis/ /rnam par thar pa'i sgo phye nas/ /byang chub mchog gis nang gtan dgrol/ /mnyam sbyor pad ma'i gdan la bzhugs/ /'gro don byang chub sems bskyed nas/ /'gro lnga skye bzhi dbang du bsdus/ /
196b2 sku gsung thugs gnas dbang bskur to/ /zhes brjod pas thams cad mnyam pa chen po'i tshul rdo rje nyid du gsal bar gyur to/ /zhugs pas phyogs bcu'i de bzhin gshegs pa ma lus pa thams cad gcig gi rang bzhin dbyer med
196b3 pas de bzhin gshegs pa nyid de bzhin gshegs pa nyid la ched du brjod pa 'di brjod do/ /e ma 'o rdo rje phung po'i yan lag ni/ /rdzogs pa'i sangs rgyas lnga ru grags/ /skye mched khams rnams mang po kun/ /byang chub
196b4 sems dpa'i dkyil 'khor nyid/ /sa chu spyan dang mA ma kI/ /me rlung gos dkar sgrol ma ste/ /nam mkha'i dbyings kyi dbang phyug ma/ /srid gsum ye nas sangs rgyas shing / /thams cad ma lus chos so cog /sangs rgyas nyid
196b5 las gzhan pa min/ /sangs rgyas nyid las gzhan pa'i chos/ /sangs rgyas nyid kyis mi rnyed do/ /zhes brjod pas de bzhin gshegs pa thams cad mnyes par gyur to/ /de nas btsun mo bya ba mo chos kun du bzang mos
196b6 bcom ldan 'das yid kun du bzang po dang gnyis su med par gyur nas ched du brjod pa 'di brjod do/ /e ma 'o phyogs bcu'i stong khams ye shes dben/ /srid pa gsum nyid dag pa'i zhing / /snyigs ma lnga nyid bde ldan nas/ /phung
196b7 po lnga nyid mngon sangs rgyas/ /thams cad mchog gi snying po bas/ /gzhan du rgyal bas chos mi 'tshal/ /nyid las gzhan zhes bya ba'i chos/ /btsal kyang rgyal pas mi rnyed do/ /zhes brjod pas thams cad ye nas sangs rgyas
196b8 par de bzhin gshegs pa nyid kyis mkhyen to/ /gsang ba'i snying po de kho na nyid nges pa las gleng bslang ba'i le'u ste gnyis pa'o// // de nas gnyis su med pa'i bdag nyid chen pos ye shes sangs rgyas pa'i sems ye shes su
iiif viewer powered by OpenSeadragon
Texts on this page
J752 - gsang ba'i snying po de kho na nyid nges pa