rKTs

e-texts navigator

Volume

Page

121a₁ bdag tu rmongs pa'i rtog pa dang / brtags pa la mngon par zhen pas yang dag pa'i lam dang bral ba dag /gab pa'i gsang ba ma rtogs par sbas pa'i gsang ba la mngon par 'chel nas/ rgyu dang 'bras bu la rmongs pas srid pa'i
121a₂ sa bon rtsub mos 'phangs nas mtshams med pa'i rab tu tsha ba'i dmyal bar skyes so/ /de rab tu tsha ba'i sdug bsngal drag pos gdungs pa dang / 'di bas shin tu grang yang ci ma rung snyam pa'i mod la rab tu sbrebs pa dang / pad ma ltar gas pa'i
121a₃ sdug bsngal drag po dag gis rab tu nyan pa/ de lta bu'i sdug bsngal rab tu tsha ba la sogs pa brgyad dang / shin du grang ba la sogs pa brgyad du 'jig rten gyi khams brgyud cing bskal pa chen po stong phrag bcu gnyis su nyams su myong ngo / /
121a₄ de nas rnam par smin pa de zad pa dang yi dags ltogs pa dang skom pa'i sdug bsngal gyis nyen pa dang / 'dod pa'i dngos po rnams yid du mi 'ong ba dang / gdug cing rtsub pa'i dngos po sna tshogs su gyur pa dang / yod med par yang gyur cing
121a₅ shin tu ring cing skams pa dang / lus dang yan lag dang / dbang po mi 'tsham par gyur pa/ bskal pa chen po drug tu skyes so/ /de nas las kyi sgrib pa rtsub mo'i rnam par smin pa de khad kyis bsrabs pa dang sngon gyi srid pas mtshams sbyar nas
121a₆ yi dags srin po rab tu gdug pa gtum po lus gcig la mgo brgya pa dang / mgo sna tshogs pa dang / lus brgya la mgo gcig pa dang / lus sna tshogs pa dang / yan lag mang po dang / yan lag sna tshogs pa dang /
121a₇ gdug pa'i lag cha sna tshogs thogs pa dang / 'khor rab tu mang po dang / 'jigs pa'i gzugs sna tshogs dang / 'jigs pa'i nga ro sgra skad sna tshogs pa sgrogs pa dang / gzugs dang / nga ro dang / dri dang / kha rlangs kyis
121a₈ thams cad skye bung zhes byed pa dang / rab tu 'jigs pa'i rlung nag dang / grang ba dang / tsha ba'i dbugs kyis phyogs bcu kun tu khams 'khrug par byed pa/ nad bzhi brgya rtsa bzhis 'debs par byed pa/ myos shing nyams par byed

_{iiif viewer powered by OpenSeadragon}

120b - 121b

Texts on this page