| e-texts navigator |
| བོད་ཡིག |
107b1 bya dang / 'joms pa chen po reg shes dang / btsun mo rtag par ma yin pa dang / chad par ma yin pa dang / bdag tu ma yin pa dang / mtshan mar ma yin pa la sogs pa de lta bu'i tshogs brjod kyis mi lang ba dang gnyis su med par bzhugs so/ /
107b2 de nas de bzhin gshegs pa btsun mo'i tshogs dang gnyis su med pa'i gsang ba'i dkyil 'khor de dag nyid kyis gsang ba 'di nyid sku dang / gsung dang / thugs dang / yon tan dang / 'phrin las rdo rje las phyung ngo / /e e e ma'o/ /
107b3 de bzhin nyid dbyings nyid dbang sgyur/ /ye shes dkyil 'khor thugs rje'i ngang / /rang snang ba nyid ting nge 'dzin/ /gzugs brnyan sgyu ma rnam par dag gsal ba ni sku gsung thugs yon tan phrin las sel med pa'i yon tan yid
107b4 bzhin rin po che mi zad par ldan pa rgyan gyi 'khor lo rdo rje mchog gi gnas nyid do zhes rdo rje gsang ba'i tshig tu'o/ /gsang ba'i snying po de kho na nyid nges pa las gleng gzhi'i le'u ste dang po'o// //
107b5 de nas bcom ldan 'das byed pa po rdo rje yid kun du bzang po thams cad ma lus pa'i rang bzhin gyi tshul rdo rje btsun mo bya ba mo chos kun du bzang mo la 'jug par gyur to/ /zhugs pas phyogs bcu dus bzhi'i de bzhin gshegs pa ma lus
107b6 pa thams cad gcig gi rang bzhin dbyer med pas de bzhin gshegs pa nyid de bzhin gshegs pa nyid la ched du brjod pa 'di brjod do/ /e ma'o rdo rje phung po yan lag ni/ /rdzogs pa'i sangs rgyas lnga ru grags/ /skye mched khams
107b7 rnams mang po kun/ /byang chub sems dpa'i dkyil 'khor nyid/ /sa chu spyan dang mA ma kI/ /me rlung gos dkar sgrol ma ste/ /nam mkha' dbyings kyi dbang phyug ma/ /srid gsum ye nas sangs rgyas zhing / /thams
107b8 cad ma lus chos so cog / sangs rgyas nyid las gzhan ma yin/ /sangs rgyas nyid las gzhan pa'i chos/ /sangs rgyas nyid kyis mi brnyes so/ /zhes brjod pas/ de bzhin gshegs pa
iiif viewer powered by OpenSeadragon
Texts on this page
J750 - dpal gsang ba'i snying po de kho na nyid rnam par nges pa