| e-texts navigator |
| བོད་ཡིག |
106a1 rgyud kyi rgyal po chen po rdo rje bkod pa kun 'dus rig pa'i mdo las rdo rje dbang gi le'u zhes bya ste sum cu rtsa gnyis pa'o// // de nas bcom ldan 'das gsang ba mchog gi bdag po dang /
106a2 sems dpa'i rdo rje dam pa rgyud kyi rgyal po chen po kun 'dus rig pa'i mdo dang bcas pa chos thams cad kyi me long yin par rig nas/ 'dus pa phal mo che'i 'khor rnams kyis shin du ngam zhing ngo mtshar skyes nas/ bstod pa shin tu dga' ba chen po'i
106a3 glu 'di blangs so/ /e ma hoH nyes bcom legs ldan mtshan zhi mtha' las 'das/ /dpag med byams snyoms don gyis bdag gzhan dpal/ /don dam gsang sbas nam mkha'i dkyil du 'khyil/ /rdo rje che mchog
106a4 dbang phyug kun gyi bdag / 'dzin pa mi rtog sha rus khrag la rol/ /thugs kyi gdung thag 'khor ba'i mtha' la rje/ /yul med ma skyes mtshan ma'i g.yul las rgyal/ /bde mchog rgyal po khyod la phyag 'tshal bstod/ /
106a5 shes rab chen po nam mkha'i nyi mar gsal/ /byang chub sems kyi 'od zer dbyings su 'char/ /dpa' brtul myur ba'i shugs kyis 'gro drug sgrol/ /rtog 'joms ye shes rdo rje cho 'phrul 'phro/ /dam pa'i don gsungs
106a6 gnyis med ston pa'i sku/ /smra ba'i seng ge khyod la phyag 'tshal lo/ /rin chen gter ldan 'dod dgur kun skong zhing / /lung dang rigs pa gtan tshigs kun gyi mdzod/ /brda can yang dag len pa'i me long gsal/ /
106a7 rdo rje kun 'dus 'jigs byed rgyal ba'i rgyud/ /chos kyi me long 'di la bdag cag 'dud/ /rgyud kyi rgyal po chen po rdo rje bkod pa kun 'dus rig pa'i mdo las ngo mtshar bstod pa'i le'u ste sum bcu rtsa gsum pa'o// //
106a8 rgyud kyi rgyal po chen po rdo rje bkod pa kun 'dus rig pa'i mdo rdzogs so// // bkra shis so/ dge'o/ /
iiif viewer powered by OpenSeadragon