| e-texts navigator |
| བོད་ཡིག |
103b1 rgyud kyi rgyal po chen po rdo rje bkod pa kun 'dus rig pa'i mdo las rdo rje rnal 'byor 'jug ba'i le'u zhes bya ste sum bcu rtsa gcig pa'o// //
103b2 de nas yang sems dpa'i rdo rjes yongs su rdzogs pa dbang gi le'u 'di gsungs so/ /'dus pa chen po'i rnal 'byor pa/ /srid pa gsum gyis phyag byas pas/ /bla ma'i sa la gnas pa ni/ /gsang mchog sum bcu rtsa
103b3 drug yin/ /phyi yi dbang dang nang gi dbang / /bsgrub pa'i dbang dang gsang ba'i dbang / /bcu dang bcu gcig bcu gsum dang / /rnam pa gnyis kyis rdzogs par 'gyur/ /de la dang po sbyin pa'i dbang 'di yin te/ oM hU~M sa hrIHha/
103b4 kun gyis 'da' bar dka' ba yi/ /tshig btsan yul la dbang sgyur ba/ /rgyal po bka' rtags phyag rgya'i dbang / /sku lnga yongs su rdzogs par 'gyur/ /rigs rnams so so'i rgyud 'dzin cing / /rtags kyi mtshan ma chen po ni/ /
103b5 sbyor ba chen po'i phyag mtshan te/ /dam tshig phyag rgya rdzogs par 'gyur/ /shes rab gzungs kyi gsang mchog ni/ /don dang ldan par gyur pa yi/ /mtha' gnyis dag tu mi gtong ba'i/ /gzungs ma'i rgyal mo chen mo yin/ /
103b6 gnyis med yongs su rdzogs pa na/ /thams cad bde ba chen po'i ngang / /byang chub sems dang don du 'brel/ /shes rab chen po rdzogs pa'i dbang / /bkra shis chen po bum ba ni/ /bde gshegs bzhugs pa'i pho brang ste/ /
103b7 dkyil 'khor rdzogs par gyur pa yi/ /dbang chen de la sbyin par bya/ /gsang ba'i bstan pa rgyas nas ni/ /yun ring gnas par 'gyur ba yis/ /bkra shis rdzas kyi dbang mchog kyang / /gnang ba chen po sbyin par bya/ /
103b8 don rnams grub par 'gyur ba yi/ /'dod dgur re skong rin po che/ /rgyal srid rin chen sna bdun gyis/ /rgyal po mchog tu dbang bskur ro/ /rin chen pad ma seng ge'i khri/ /bla mar gyur pa'i gdan mchog de/ /khyad par
iiif viewer powered by OpenSeadragon