| e-texts navigator |
| བོད་ཡིག |
102b1 'di ni rdo rje glu 'khor lo/ /ye shes rgyan gyi las yin no/ /zhes sems dpa'i rdo rjes gsungs so/ /rgyud kyi rgyal po chen po rdo rje bkod pa kun 'dus rig pa'i mdo las rdo rje glu'i le'u zhes bya ste sum bcu pa'o// //
102b2 de nas yang sems dpa'i rdo rje des rdo rje rnal 'byor 'jug pa zhes bya ba'i le'u 'di gsungs so/ /'dus pa chen po'i rnal 'byor pa/ /gsang ba'i dkyil 'khor dam pa 'dir/ /gang dag 'jug par byed pa yi/ /rnal 'byor rigs kyi bu rnams kun/ /
102b3 snod du gyur pa kun bsdus nas/ /byang chub mchog gi sems bskyed de/ /tshig 'di brjod de gnas par bya/ /e ma bde mchog dga' 'tshal 'dir/ /bdag cag kun tu 'jug par 'tshal/ /dga' ba byang chub sems bskyed nas/ /
102b4 gsang ba'i don 'di spyad par bgyi/ /de skad gsol te zhus pa dang / /gsang ba mchog gi bdag po yis/ /rgyud sbyang rgyud drug las sgo gcad/ /rig pa 'dzin pa'i rnal 'byor kun/ /dkyil 'khor chen po gsal bton te/ /phyag rgya dbang dang
102b5 bcas pa yi/ /'khor ba'i rgyud rnams sbyang bar bya/ /'jug pa de yi gnas lnga ru/ /rgyud drug sa bon bskyed nas kyang / /hU~M lnga dag gis gnan par bya/ /bcug pa de yi spyi bor ni/ /pa yi ye shes la bskrun pa/ /pad ma kha bzhi lte ba la/ /
102b6 mi dang lha yi sa bon dgod/ /shar lho nub dang byang dag tu/ /lha min dud 'gro yi dags dang / /dmyal ba rnams kyi sa bon gdab/ /hU~M gi lam sgo bcad par bya/ /lag gnyis mthe'u chung mthe bos mnan/ /sor mo gsum sbyar dpral
102b7 bar bsnol/ /lha dang lha min gnas dag tu/ /mi btang bzlog pa'i phyag rgya yin/ /lag gnyis bsnol nas mchan khung bsdam/ /mi yi khams nas bzlog pa'i rgya/ /khu tshur bcangs te 'bru bsgreng nas/ /g.yon gyi steng du
102b8 mnan pa 'di/ /byol song gnas nas bzlog pa'i rgya/ /thal mo mnyam sbyar gung rtse sprad/ /gung mo rgyab tu srin lag bsnol/ /mgul nas mdzub mos 'khyud pa ni/ /yi dags khams las bzlog pa'i rgya/ /
iiif viewer powered by OpenSeadragon