| e-texts navigator |
| བོད་ཡིག |
344a1 ges gsol pa/ gang zag la la dag don la mkhas pa'i rnal 'byor gyi rjes su 'byung ba dag gzhan gyi dpon bstabs na mi shes bzhin du ras gcod cing tshul 'chos shing sems gya gyus slob
344a2 dpon gyis 'dzin pa'i rnam par smin pa ni ji lta bu lags/ gsang ba mchog gi bdag pos bka' stsal pa/ smra ba'i seng ge bla ma'i don la mkhas pa'i rjes su byung ba'i mi shes bzhin du tshul 'chos shing bla
344a3 ma'i sa bzung nas tshogs skyong ba de ni dregs pa'i ru tra chen por ltung bar nges so/ /de yang ji ltar yongs su shes zhe na/ sngon 'das pa'i dus nga dran pa thog ma'i tshe bla ma don la mkhas pa dag gi rjes su 'byung ba'i
344a4 dge slong dri med spyod pa zhes bya ba zhig rnal 'byor gyi tshul 'dra ba tsam du spyod de/ de don la mkhas pa'i bla ma rnams mi bzhugs nas bla ma de dag gi tshom bu 'bum gyi 'khor rnams kyis bdag cag rnams kyi
344a5 b la ma'i gdung 'tshob bar gsol zhes dpon bstabs pas dge slong dri med spyod pa zhes bya ba de che ba'i dregs pa skyes te mi shes bzhin du tshul 'dra ba log par spyod pas de'i tshe de'i dus nyid du dge slong tshom
344a6 bu 'bum gyi 'khor dang bcas pa dregs pa chen po'i ru trar bskal pa chen po grangs med par skyes so/ /de bas na de bzhin du shes par bya'o/ /yang smra ba'i seng ges gsol pa/ gang zag la la dag bdag
344a7 nyid kyis tshogs skyong ba'i 'khor bla ma gzhan gyis dbang du 'gyur du dogs nas dge ba'i sgo 'gegs pa dag mchis na de'i rnam par smin pa ji lta bu zhig lags/ gsang ba mchog gi bdag pos bka' stsal pa/
344a8 smra ba'i seng ge 'khor sgo rigs dang rkyen mtshan so sor bcad cing bla ma gzhan la nyon mongs pa'i sgo 'byed pa ni ngan song gsum gyi kha brgyud cing sho gam gcan chen gyi rigs su skye bar nges so/ /de yang ji ltar
iiif viewer powered by OpenSeadragon
Texts on this page
J748 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo