| e-texts navigator |
| བོད་ཡིག |
343a1 don rtogs nas gzhan dag la smra bar byed pa de'i yon tan ji lta bu lags/ lung bstan du gsol/ gsang ba mchog gi bdag pos bka' stsal pa/ smra ba'i seng ge gsang ba'i mdo 'di'i don rtogs nas
343a2 gzhan snod dang ldan pa'i 'gro ba la bstan tam/ bshad na chos kyi rgyal po chen por 'gyur te nga nyid dang 'dra bar 'gyur ro/ /de yang ji ltar yongs su shes she na/ sngon 'das pa'i dus nga dran pa thog ma'i rnal 'byor la gnas
343a3 pa'i drang srong ka pa ya na zhes bya bas drang srong mang po rnams la gsang ba'i don 'di bshad cing bkrol ba las drang srong mang pos rig 'dzin gyi sa thob/ ston pa'i drang srong de nyid gsang ba'i bdag por gyur to/ /de bzhin du
343a4 yongs su shes par bya'o/ /de bas na gsang sngags che ba'i yon tan gyi khyad par ni bsam gyis mi khyab pa'o/ /de nas smra ba'i seng ge byed pa po rdo rje kun du bzang pos gsol pa/ bcom ldan 'das the tshom
343a5 thams cad gcod pa'i rgyal pos gsang sngags spyad nyes pa'i skyon gyi rnam pa zhu bar 'tshal na gnang ba'i skabs dbye bar gsol/ gsang ba mchog gi bdag pos bka' stsal pa/ bcom ldan 'das gsang
343a6 don la mi gnas pas gsang sngags kyi spyod par tshul 'chos pa'i nyes pa ji lta bu lags/ gsang ba mchog gi bdag pos bka' stsal pa/ smra ba'i seng ge gsang ba'i don zab mos yid ches pa med par tshul
343a7 'chos shing g.yo sgyus bden par 'chos pa ni ngan 'gro log pa'i lam du ltung bar nges so/ /de yang ji ltar yongs su shes zhe na/ sngon 'das pa'i dus nga dran pa thog ma'i tshe bskal pa kun du bkod pa zhes bya ba
343a8 l a sangs rgyas kyi zhing mngon par 'byung ba zhes bya ba der sangs rgyas mngon par 'byung ba'i rgyal po zhes bya ba de sku mya ngan las 'das par gyur pa'i 'og tu bzang rgyan zhes bya ba'i rnal 'byor du khas 'ches pa cig
iiif viewer powered by OpenSeadragon
Texts on this page
J748 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo