rKTs

e-texts navigator

Volume

Page

338a₁ pa'i gzhung chen po 'di yi bla ma rdo rje slob dpon skyes bu dam pas ma nor bar rtogs shing gzhan dag la yang ma nor bar ston pa de la bdag cag rnams kyis ji ltar blta bar bgyi/ /ji lta bu'i rang bzhin du
338a₂ 'tshal bar bgyi bcom ldan 'das lung bstan du gsol/ bde bar gshegs pa lung bstan du gsol/ de nas bcom ldan 'das gsang ba mchog gi bdag pos gsol ba btab pa de mkhyen nas 'di skad ces
338a₃ gsungs so/ /smra ba'i seng ge nga la zhu bar spobs pa legs/ /rab tu legs kyis nyon cig /gzhung 'di bla ma rdo rje slob dpon de ni skyes bu dam pa 'ba' zhig tu ma zad de/ /de ni bla na med pa yang dag par rdzogs
338a₄ pa'i sangs rgyas rdo rje 'dzin pa nyid du blta bar bya'o/ /de ci'i phyir zhe na/ /de ni rdo rje 'dzin pa chen po dang / dbyer med cing tha mi dad de/ /bla ma de ni bskal pa chen po grangs med pa'i pha mtha' yi yang pha mtha'
338a₅ ' das pa nas rgyal ba sangs rgyas brjod du med pa yi yang brjod pa rnams la tshogs thams cad yongs su rdzogs par sbyangs shing rang gi sems kyi rgyud rnam par sbyangs pa'i nus mthus gsang ba 'di'i don la yid ches
338a₆ shing gsang ba'i don 'di lta bu'i bla ma rdo rje slob dpon chen po nyid du rig par bya ste/ de ni sangs rgyas nyid dang tha mi dad cing byang chub kyi sems nyid du blta bar bya'o/ /de la 'di ni phyogs bcu dus bzhi'i sangs rgyas ma
338a₇ l us mi lus lus pa med pa'i sangs rgyas kyi zhing rdul phra rab dang mnyam pa rnams kyang spyi bo gtsug gis khur zhing phyag 'tshal ba dang mchod pa byed cing rjes su 'breng na gzhan byang chub sems dpa' dang rdo rje 'dzin pa
338a₈ rnams la phyag 'tshal zhing mchod pa ci zhig smos te/ /'jig rten gyi mthu po che rnams kyang de'i bran du khas len cing 'khor gyi dkyil 'khor yang skyong zhing ci bsgo ba thams cad kyang bsam pa yid bzhin du grub par byed

_{iiif viewer powered by OpenSeadragon}

337b - 338b

Texts on this page