rKTs

e-texts navigator

Volume

Page

315b₁ bsams te/ /hU~M zhes bya ba'i sdig 'dzub kyis/ /bsdus te rang rig sngags bzlas na/ /'jig pa'i char che de rnams kyang / /skad cig na ni med par 'gyur/ /zhes gsungs so/ /de la 'di ni bgegs bsal ba'i thabs so/ /
315b₂ nam mkha'i dbus su nyi ma yi/ /dbus su khro bo rnam bsgom pa/ /mi g.yo mgon po'i phyag rgya che/ /rig pa mang pos bskor ba'o/ /rang rig sngags dang stangs tshul gyis/ /hU~M dang phaT ces rnam bsgrags na/ /khams gsum dregs pa
315b₃ thams cad kyang / /rdul phran bzhin du rlag par 'gyur/ /zhes gsungs so/ /de la 'di ni chom rkun bcing ba'i thabs so/ /rkang rjes sa dang khyi khrag las/ /mtshan ma ming du bcas par bya/ /mi yi rus pa'i phur bu la/ /'od zer
315b₄ can gyi sngags bzlas pas/ /lan grangs nyi shur bsngags nas ni/ /mig gnyis su ni gdab par bya/ /gzugs brnyan tshogs la phul nas ni/ /rdo rje gtun shing dag gis brdung / /o~M` sum b+ha badzra mu sa le na tsur+NA ya na ra
315b₅ big+h+nan hU~M phaT/ las 'di brtsam pa byas na ni/ /mi rgod bzlog par gdon mi za/ /zhes gsungs so/ /de la 'di ni me bsad pa'i thabs so/ /me ni mched pa'i sa phyogs su/ /mkha' lding rgyal po bya khyung ni/ /stang zil lta bu'i
315b₆ kha dog la/ /sbrul nag stong gis rab brgyan pa'i/ /gshog pa mkha' la gdengs pa bsgom/ /klu rnams la ni sprin dag la/ /rdo rje tshig tu bsgo ba ni/ /char chen phob la me sod ces/ /thos nas sprin tshogs bum pa yi/ /char gyis me
315b₇ yang gsod par 'gyur/ /gshog pas me nyid bkab nas su/ /mchus brkos chus ni mtshams bcad na/ /bskal ba'i mes kyang 'tshig mi nus/ /u0f00 badzra na ra ya Na/ nirba ba ya ti na ba~M bu me g+he hU~M zhes gsungs so/ /de la 'di ni thog
315b₈ bzlog pa'i thabs so/ /nam mkha' dbyings kyi dbus su ni/ /bde ba chen po zhes bya ba/ /zhal gsum phyag bzhir rnam par gnas/ /ston ka'i zla ba'i mdog 'dra ba/ /snyems ma dang ni byams ma dang / /chu srin rgyal mtshan zhes

_{iiif viewer powered by OpenSeadragon}

315a - 316a

Texts on this page