rKTs

e-texts navigator

Volume

Page

305b₁ a la la ho zhes gsol ba btab ste/ la las ni rang gi lus gdan khrir phul/ /la las ni rang gi mgo bcad nas 'bar ba'i tshogs kyis zhal bur phul/ la las ni rang gi snying phyung nas zhal du gsol/ la la ni rang gi lpags
305b₂ pa bshus te sku la g.yang gzhir gsol to/ /dbang phyug chen po rnams dpal chen po'i sku la sbrul ltar 'khril bas des dregs pa'i tshogs rnams kyang shes bya'i sgrib pa byang ste/ bden pa mthong nas dam tshig dang ldan par
305b₃ mthong bar gyur te/ de'i tshe 'dus pa'i 'khor tshogs kyang rab tu spro ba'i sems kyis rdzu 'phrul rnam pa du ma dang ldan te/ la la ni 'jig rten gyi khams rgyang ma ring du 'phen/ /la la ni ri rab klad la skor/ la la ni nyi zla
305b₄ zhabs 'og gnon/ /la la ni 'jig rten rnam pa drug tu g.yo ba la sogs pa'i cho 'phrul rnam pa du ma ston cing a la la zhes pa'i sgra rnam par 'byin to/ /de nas bcom ldan 'das gsang ba mchog gi bdag po des 'jigs
305b₅ byed tshogs kyi dkyil 'khor chen po 'di nyid kyi sku dang gsung dang thugs rdo rje las phyung ngo / /dur khrod chen po'i gnas chen du/ /rag ta'i rba rlabs 'khrug pa'i dkyil/ /keng rus ri rab 'bar ba'i steng / /me 'bar sreg pa'i klong
305b₆ dkyil na/ /dur khrod 'bar ba'i gzhal yas khang / /tshad dang rgya yongs ma chad pa/ /phyi nang med par gsal ba'i 'od/ /'khor lo 'bar ba'i rtsibs bzhi pa/ /gru chad bar khyams bzhis brgyan pa/ /gru bzhi sgo khyud 'bar
305b₇ bas mdzes/ /bar khyams gnyis ni 'bar bar gsal/ /nyi zla sbrul dang thod pas brgyan/ /khyu mchog dang ni ma he gzig /stag dang gtum thung dom dag gis/ /sder mos dregs pa brgya byin dang / /tshangs pa dbang phyug bzung
305b₈ ba ni/ /gdan chen rnams kyang bzung ba'o/ /dbus su 'jigs byed chen po ni/ /smug nag chen po 'jigs pa'i gzugs/ /dbu dgu phyag kyang bcwa brgyad de/ /spyan 'bar ba ni nyi shu bdun/ /zhabs brgyad mthur du gtams pa'o/ /

_{iiif viewer powered by OpenSeadragon}

305a - 306a

Texts on this page