| e-texts navigator |
| བོད་ཡིག |
292a1 bde sdug gnas rnams so sor gzung / /log rtog nor ba'i dbang gis kun brtags kyang / /rang bzhin nyid las mnyam pa rdul tsam med/ /e ma'o yun rings dus nas rmongs pa'i 'gro ba rnams/ /ye nas don gyi sangs rgyas
292a2 yin mod kyang / /rmongs pa'i dbang gis 'khor ba'i 'khor lor 'khyams/ /log rtog nyid la dngos med byang chub sems/ /'khrul 'khor nyid kyang mi zad rgyan du che/ /snyigs ma lnga nyid bde ldan gnas su gsal/ /phung po
292a3 lnga nyid mngon par rdzogs pa'i sku/ /srid rtsa'i nyes dmigs nyid kyang byang chub snying por gnas/ /phyi nang snod bcud yab yum ngang du gsal/ /zhes gsungs pas chos thams cad byang chub sems su gnas so/ /'phags
292a4 pa rgyud kyi rgyal po ye shes rngam pa glog gi 'khor lo'i mdo las/ byang chub tu sems bskyed pa'i le'u ste bzhi pa'o// // de nas bcom ldan 'das gsang ba mchog gi bdag nyid sku dang gsung thugs rdo rje las dkyil 'khor
292a5 thams cad 'byung bar bzhed nas btsun mo dang gnyis su med par 'du mdzad do/ /mngon par 'du mdzad nas yang dkyil 'khor thams cad 'byung ba rdo rje'i rgyan zhes bya ba'i ting nge 'dzin la zhugs te/ dkyil 'khor thams cad kyi
292a6 mdo 'di gsungs so/ /'dus pa'i 'khor tshogs rnams nyon cig /gsang sngags byin brlabs bsam yas la/ /dkyil 'khor bsam yas brjod mi lang / /mdor bsdus rnam pa gsum yin te/ /rang bzhin lhun grub
292a7 dkyil 'khor dang / /ting 'dzin gsal ba'i dkyil 'khor dang / /bkri drang rdul tshon dkyil 'khor te/ /gsum po dag tu rgyal bas gsungs shes ched du gleng ngo / /de nas smra ba'i seng ge byed pa po kun tu bzang pos gsol pa/
292a8 bcom ldan 'das bdag cag rnams kyis chos thams cad ni dkyil 'khor gsum du brjod par mthong lags so/ /de yang 'di skad ces gsol ba btab bo/ /e ma'o gsang mchog bde ba che/ /ye nas lhun grub dag
iiif viewer powered by OpenSeadragon
Texts on this page
J748 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo