rKTs

e-texts navigator

Volume

Page

291b₁ thugs/ /chos kun spro bsdu med pa las/ /spros dang bsdus par rab tu grags/ spros bsdus yod dang med pa ste/ /byang chub tshul 'di bstan pa'o zhes gsungs so/ /de nas smra ba'i seng ge byed pa po rdo rje kun tu bzang pos a
291b₂ la la ho zhes sgra phyung ste byang chub sems la bstod pa/ e ma bde chen kun tu bzang / /e ma'o stong nyid byang chub sems/ /e ma'o dag pa dri ma med/ /e ma'o mi sgrib gsal ba che/ /e ma'o mnyam nyid dbyer med chos/ /e ma'o
291b₃ so sor rang rig sems/ /e ma'o byang chub lhun gyis grub/ /byang chub sems la phyag 'tshal lo/ /zhes bstod de/ bcom ldan 'das nyid khyad par du gyur pa yang byang chub sems nyid yin zhing byang chub kyi sems thugs su chud
291b₄ pa'o/ /bdag cag rig 'dzin gyi tshogs su gyur pa rnams kyang byang chub sems la smon par 'tshal/ 'jug par 'tshal/ ldang bar 'tshal/ gnas par 'tshal te/ bdag cag kyang rang rang gi sems g.yos par bgyi/ reg par
291b₅ bgyi/ nye bar bgyi/ nyams su myong bar bgyi bar 'tshal na/ bdag cag de 'dra ba'i bsam pa can la snying rje chen por dgongs par mdzad du gsol/ bde bar gshegs pa dgongs par mdzad du gsol zhes gsol ba btab pa
291b₆ las gsang ba mchog gi bdag pos gsol ba btab par thugs su chud nas snying rje byang chub 'byung ba zhes bya ba'i ting nge 'dzin la snyoms par zhugs te gnyis su med par mngon par 'du mdzad do/ /gnyis su med par mngon par
291b₇ 'du mdzad pas byang chub sems kyi sprin gyis thams cad rgyas par khyab pa ni til 'bru mar gyis khyab pa bzhin no/ /de nas yang 'di gsungs so/ /e ma'o ye shes rnam dag chos/ /sna tshogs snang yang rtog par gsang / /ngo bo nyid
291b₈ ni brjod du med/ /snod ma yin la bstan pa dka'o/ /e ma'o srid gsum ye nas rnam par dag pa'i rang bzhin la/ /bdag tu rtog pa srid rtsa'i nyes dmigs kyis/ yun rings dus nas 'khyams pa'i 'gro ba rnams/ /mi mthun

_{iiif viewer powered by OpenSeadragon}

291a - 292a

Texts on this page